Þetta var fyrsti sigur Englandsmeistarar City á undirbúningstímabilinu og það í fjórða leiknum. Liðið hafði tapað á móti Celtic og AC Milan auk þess að tapa í vítakeppni eftir jafntefli á móti Barcelona.
Norðmaðurinn Erling Haaland var með fyrirliðabandið í kvöld og hélt upp á það með þrennu. Landi hans Oscar Bobb var líka á skotskónum.
Haaland skoraði fyrsta markið úr vítaspyrnu á þriðju mínútu og bætti við öðru marki á fimmtu mínútu. Bobb skoraði sitt mark á 55. mínútu og mínútu síðar innsiglaði Haaland þrennuna. Hinn 21 árs gamli James McAtee lagði upp tvö síðustu mörkin.
Raheem Sterling kom inn á sem varamaður og minnkaði muninn á 59. mínútu en hann var spila á móti sínum gömlu félögum.
Síðasta markið í leiknum skoraði síðan Noni Madueke fyrir Chelsea undir lok leiksins og lokatölur urðu því 4-2 fyrir City.
Chelsea hefur aðeins unnið einn af fjórum leikjum sínum á undirbúningstímabilinu en það var 3-0 sigur á América frá Mexíkó. Liðið gerði jafntefli við Wrexham og tapaði á móti Celtic.
Chelsea klárar Bandaríkjaferðina með leik á móti Real Madrid 6. ágúst.
