Frið­björn tekur við Unimaze

 Friðbjörn býr yfir tuttugu ára víðtækri stjórnunarreynslu og starfaði meðal annars áður hjá Deloitte, Staka og Símanum. Hann er með MBA frá Háskólanum í Reykjavík og B.Sc. í rafmagns- og tölvuverkfræði frá Syddansk Universitet.

„Það er mér mikill heiður og ánægja að taka við þessu starfi. Ég hef bæði fylgst með og átt í afar góðu samstarfi við Unimaze allt frá árinu 2005 og þekki því vel til starfseminnar og þess sem fyrirtækið hefur upp á bjóða. Unimaze er leiðandi á sínu sviði á evrópskum markaði og ég hlakka mikið til að halda áfram uppbyggingu fyrirtækisins með því öfluga teymi sem hér starfar,“ er haft eftir Friðbirni Hólm Ólafssyni, framkvæmdastjóra Unimaze.

Markús Guðmundsson, stofnandi Unimaze segir feng að fá Friðbjörn til að leiða starfsemina enda komi hann með viðamikla alþjóðlega þekkingu og reynslu sem muni nýtast fyrirtækinu vel.

„Friðbjörn þekkir vel til Unimaze, hefur framtíðarsýn sem mun stuðla að frekari velgengni fyrirtækisins á alþjóðlegum mörkuðum og reynsla hans mun tryggja áframhaldandi vöxt Unimaze,“ segir Markús Guðmundsson, stofnandi Unimaze.