Það leit allt út fyrir hefðbundinn spænskan sigur á upphafsmínútunum. Aitana Bonmatí kom þeim yfir á 15. mínútu og spænska liðið var með alla yfirburði í fyrri hálfleik en rétt áður en hann var flautaður af jafnaði Kateřina Svitková leikinn fyrir Tékkland.
Út í seinni hálfleik var haldið og þar gaf Spánn klaufalega vítaspyrnu frá sér á 51. mínútu, sem Eva Bartoňová skoraði úr.
Spænski miðvörðurinn Irene Paredes lét svo reka sig af velli á 70. mínútu og öll von um spænska endurkomu hvarf.
Leikurinn fjaraði út án spennu á lokamínútunum og Tékkland fagnaði sínum fyrsta sigri í undankeppninni.
Þær spænsku þurfa þó ekki að örvænta því þær eru búnar að vinna riðilinn og eru öruggar áfram á Evrópumótið sem fer fram í Sviss á næsta ári.