Dularfulla hvarf rauða Zodiac-bátsins veldur gremju Jakob Bjarnar skrifar 25. júní 2024 15:38 Stefán er ósáttur. Hann segist hafa látið Lúther hjá Sportbátum hafa bátinn í febrúar í umboðssölu á síðasta ári en síðan hafi hann varla heyrt Lúter né séð og því síður bátinn sem hann nú auglýsir eftir. vísir/Tryggvi/Facebook Stefán Guðmundsson, sem rekur Gentle Giants á Húsavík, hefur auglýst eftir rauðum Zodiac-bát af tegundinni Mark III Futura. Hann er horfinn og Stefán heitir ríkulegum fundarlaunum. En hvernig má þetta vera? Stefán segist hafa látið Lúther Gestsson hjá Sportbátum fá bátinn í umboðssölu í febrúar 2023 og síðan hafi hann varla heyrt né séð Lúther. Né bátinn. Stefán heldur því fram að Lúther hafi einfaldlega stolið bátnum. Þar til annað kemur í ljós. Stefán hefur auglýst eftir honum á Facebook-hópnum Bátar & Búnaður undir 6 m. Þar segir Stefán að Lúter hafi auglýst Zodiac-inn sem „uppítökubát“ til sölu. Og sem seldan. Vagn fylgir. „Báturinn er ennþá skráður á okkar fyrirtæki. Höfum ekki séð krónu fyrir þennan bát og Lúther alla tíð neitað að segja okkur hvar hann er niðurkominn,“ segir Stefán á síðunni. Hann vandar Lúther ekki kveðjurnar og heitir ríkulegum fundarlaunum þeim sem getur vísað honum eða lögreglu á bátinn. Stefán auglýsti eftir bátnum í gær. Hann segir að færslunni hafi verið dreift 250 sinnum af síðunni Bátar & Búnaður og gerir ráð fyrir því að margfalda megi það. „Ég er búinn að fá slatta af símtölum. Ég hef aldrei séð svona viðtökur. Mönnum er í mun að þetta leysist og að maðurinn verði stoppaður,“ segir Stefán. Hann segist jafnframt ekki vera búinn að kæra hvarf bátsins til lögreglu. „Ég er seinþreyttur til vandræða og maður reynir að fara mjúku leiðina. En stundum hefur lögreglan líka frumkvæðisskyldu. Saga þessa manns ber öll þess merki að menn vilja að hann verði stoppaður.“ Sáu aldrei Zodiac-bátinn sem þau höfðu safnað fyrir Sagan sem Stefán vísar til má sjá á Vísi í frétt þar sem segir að Lúther hafi svikið Björgunarsveitina Skagfirðingasveit með svipuðum hætti. Skagfirðingasveit hafði safnað sér lengi fyrir Zodiac: „Við fengum tilboð hjá Sportbátum (Knarrarvogur ehf) og pöntuðum bátinn. Við pöntun greiddum við helming kaupverðs, eða 7.500.000.-. Mánuði síðar greiddum við 1.544.000.- fyrir tæki í bátinn sem versla átti innanlands. Samtals greiddum við kr. 9.044.000.- Stutta sagan er sú að enginn bátur var pantaður og engin tæki voru sótt eða greidd. Skagfirðingasveit var því féflétt af eiganda fyrirtækisins um samtals 9 milljónir. Já, hann lagðist svo lágt!“ Svo sagði í tilkynningu frá Skagfirðingasveit. Hafdís Einarsdóttir er formaður sveitarinnar sagði þetta sorglegt og þau sögðu sögu sína í þeirri von að aðrir lentu ekki í öðru eins og þessu. Lúther ósáttur við fréttaflutninginn Ekki náðist í Lúther, ekki þá og ekki nú, en hann gaf nokkrum dögum frá því að sú frétt birtist út tilkynningu þar sem hann lýsti sig afar ósáttan við fréttaflutninginn. Skýringarnar sem hann hins vegar gaf voru sérstakar, en þar segir að Zodiac hafi einfaldlega tekið greiðsluna sem hann sendi upp í eldri skuld félagsins. „Eins og gefið er í skyn og beinlínis staðhæft í fréttinni að ég hafi haft huglægan ásetning að „féfletta“ viðskiptamenn, sem er alrangt. Þvert á móti fóru þær greiðslur til Zodiac, sem að mér forspurðum ráðstöfuðu greiðslunni upp í eldri skuld sem félagið var með við Zodiac,“ sagði meðal annars í tilkynningu frá Lúther. Lúther hafnaði því á þeim forsendum að hafa haft nokkurn fjárhagslegan ávinning af pöntuninni. En neitaði alfarið að tjá sig að öðru leyti um málið við Vísi. Lögreglumál Norðurþing Mest lesið Meintur þjófur leitaði til lögreglu vegna framkvæmdastjórans Innlent Lauma sér inn í útfarir og senda kirkjuvörðum fingurinn Innlent Halla og Björn ætla til Nýja Íslands Innlent Ágengir ferðamenn hafi sært syrgjandi Mýrdælinga Innlent Vonast til að spáin rætist ekki: Rigning og 22 metrar á sekúndu Innlent Dóttirin í Súlunesi ákærð Innlent Maxwell biðlar til Hæstaréttar Erlent Fjórir látnir eftir skotárás á Manhattan Erlent Langtímarannsóknir skorti á áhrifum kreatíns Innlent Íhuga að greiða sextíu milljarða til að friðþægja Trump Erlent Fleiri fréttir Fundu týnda brú við Suðurlandsbraut Engin framlög til jarðganga en óljós áform um innviðafélag Hvað á að gera um Verslunarmannahelgina? Þyrlan kölluð út vegna fjórhjólaslyss Ökumaður stöðvaður og kærður fyrir fjölmörg umferðalagabrot Lauma sér inn í útfarir og senda kirkjuvörðum fingurinn Versta sviðsmyndin, galið greiðslumat og óvæntur fundur Fimm prósent fallið fyrir ástarsvikum Halla og Björn ætla til Nýja Íslands Engin fjármögnun gereyðingarvopna á Íslandi Enn varað við svikapóstum: „Við hlökkum til að fá jákvæða svörun frá þér“ Samstarfið við Íra og Frakka tímafrekt Hefja gjaldtöku við höfnina í Stykkishólmi Ágengir ferðamenn hafi sært syrgjandi Mýrdælinga Neyðarástand á Gasa og ágengir túristar angra kirkjugesti Dóttirin í Súlunesi ákærð Vonast til að spáin rætist ekki: Rigning og 22 metrar á sekúndu Rannsaka áhrif samfélagsmiðla á heilastarfsemi barna Meintur þjófur leitaði til lögreglu vegna framkvæmdastjórans Gat ekki sannað að verkstæðið tjónaði vélina Mögulegur fyrirboði um goslok Fundaði með Guterres: Tveggja ríkja lausnin sé eina lausnin Ungir menn staðnir að því að skjóta gelkúlum á vegfarendur Enn gýs úr einum megingíg og virknin nokkuð stöðug Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Sjá meira
En hvernig má þetta vera? Stefán segist hafa látið Lúther Gestsson hjá Sportbátum fá bátinn í umboðssölu í febrúar 2023 og síðan hafi hann varla heyrt né séð Lúther. Né bátinn. Stefán heldur því fram að Lúther hafi einfaldlega stolið bátnum. Þar til annað kemur í ljós. Stefán hefur auglýst eftir honum á Facebook-hópnum Bátar & Búnaður undir 6 m. Þar segir Stefán að Lúter hafi auglýst Zodiac-inn sem „uppítökubát“ til sölu. Og sem seldan. Vagn fylgir. „Báturinn er ennþá skráður á okkar fyrirtæki. Höfum ekki séð krónu fyrir þennan bát og Lúther alla tíð neitað að segja okkur hvar hann er niðurkominn,“ segir Stefán á síðunni. Hann vandar Lúther ekki kveðjurnar og heitir ríkulegum fundarlaunum þeim sem getur vísað honum eða lögreglu á bátinn. Stefán auglýsti eftir bátnum í gær. Hann segir að færslunni hafi verið dreift 250 sinnum af síðunni Bátar & Búnaður og gerir ráð fyrir því að margfalda megi það. „Ég er búinn að fá slatta af símtölum. Ég hef aldrei séð svona viðtökur. Mönnum er í mun að þetta leysist og að maðurinn verði stoppaður,“ segir Stefán. Hann segist jafnframt ekki vera búinn að kæra hvarf bátsins til lögreglu. „Ég er seinþreyttur til vandræða og maður reynir að fara mjúku leiðina. En stundum hefur lögreglan líka frumkvæðisskyldu. Saga þessa manns ber öll þess merki að menn vilja að hann verði stoppaður.“ Sáu aldrei Zodiac-bátinn sem þau höfðu safnað fyrir Sagan sem Stefán vísar til má sjá á Vísi í frétt þar sem segir að Lúther hafi svikið Björgunarsveitina Skagfirðingasveit með svipuðum hætti. Skagfirðingasveit hafði safnað sér lengi fyrir Zodiac: „Við fengum tilboð hjá Sportbátum (Knarrarvogur ehf) og pöntuðum bátinn. Við pöntun greiddum við helming kaupverðs, eða 7.500.000.-. Mánuði síðar greiddum við 1.544.000.- fyrir tæki í bátinn sem versla átti innanlands. Samtals greiddum við kr. 9.044.000.- Stutta sagan er sú að enginn bátur var pantaður og engin tæki voru sótt eða greidd. Skagfirðingasveit var því féflétt af eiganda fyrirtækisins um samtals 9 milljónir. Já, hann lagðist svo lágt!“ Svo sagði í tilkynningu frá Skagfirðingasveit. Hafdís Einarsdóttir er formaður sveitarinnar sagði þetta sorglegt og þau sögðu sögu sína í þeirri von að aðrir lentu ekki í öðru eins og þessu. Lúther ósáttur við fréttaflutninginn Ekki náðist í Lúther, ekki þá og ekki nú, en hann gaf nokkrum dögum frá því að sú frétt birtist út tilkynningu þar sem hann lýsti sig afar ósáttan við fréttaflutninginn. Skýringarnar sem hann hins vegar gaf voru sérstakar, en þar segir að Zodiac hafi einfaldlega tekið greiðsluna sem hann sendi upp í eldri skuld félagsins. „Eins og gefið er í skyn og beinlínis staðhæft í fréttinni að ég hafi haft huglægan ásetning að „féfletta“ viðskiptamenn, sem er alrangt. Þvert á móti fóru þær greiðslur til Zodiac, sem að mér forspurðum ráðstöfuðu greiðslunni upp í eldri skuld sem félagið var með við Zodiac,“ sagði meðal annars í tilkynningu frá Lúther. Lúther hafnaði því á þeim forsendum að hafa haft nokkurn fjárhagslegan ávinning af pöntuninni. En neitaði alfarið að tjá sig að öðru leyti um málið við Vísi.
Lögreglumál Norðurþing Mest lesið Meintur þjófur leitaði til lögreglu vegna framkvæmdastjórans Innlent Lauma sér inn í útfarir og senda kirkjuvörðum fingurinn Innlent Halla og Björn ætla til Nýja Íslands Innlent Ágengir ferðamenn hafi sært syrgjandi Mýrdælinga Innlent Vonast til að spáin rætist ekki: Rigning og 22 metrar á sekúndu Innlent Dóttirin í Súlunesi ákærð Innlent Maxwell biðlar til Hæstaréttar Erlent Fjórir látnir eftir skotárás á Manhattan Erlent Langtímarannsóknir skorti á áhrifum kreatíns Innlent Íhuga að greiða sextíu milljarða til að friðþægja Trump Erlent Fleiri fréttir Fundu týnda brú við Suðurlandsbraut Engin framlög til jarðganga en óljós áform um innviðafélag Hvað á að gera um Verslunarmannahelgina? Þyrlan kölluð út vegna fjórhjólaslyss Ökumaður stöðvaður og kærður fyrir fjölmörg umferðalagabrot Lauma sér inn í útfarir og senda kirkjuvörðum fingurinn Versta sviðsmyndin, galið greiðslumat og óvæntur fundur Fimm prósent fallið fyrir ástarsvikum Halla og Björn ætla til Nýja Íslands Engin fjármögnun gereyðingarvopna á Íslandi Enn varað við svikapóstum: „Við hlökkum til að fá jákvæða svörun frá þér“ Samstarfið við Íra og Frakka tímafrekt Hefja gjaldtöku við höfnina í Stykkishólmi Ágengir ferðamenn hafi sært syrgjandi Mýrdælinga Neyðarástand á Gasa og ágengir túristar angra kirkjugesti Dóttirin í Súlunesi ákærð Vonast til að spáin rætist ekki: Rigning og 22 metrar á sekúndu Rannsaka áhrif samfélagsmiðla á heilastarfsemi barna Meintur þjófur leitaði til lögreglu vegna framkvæmdastjórans Gat ekki sannað að verkstæðið tjónaði vélina Mögulegur fyrirboði um goslok Fundaði með Guterres: Tveggja ríkja lausnin sé eina lausnin Ungir menn staðnir að því að skjóta gelkúlum á vegfarendur Enn gýs úr einum megingíg og virknin nokkuð stöðug Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Sjá meira