Furða sig á að starfsfólkið þegi ennþá Berghildur Erla Bernharðsdóttir skrifar 10. júní 2024 08:00 Þær Dagný Rut Magnúsdóttir,Kolbrún Þorsteinsdóttir, Íris Ósk Friðriksdóttir, Þóra Björg Sirrýardóttir, Gyða Dögg Jónsdóttir, Gígja Skúladóttir, Hrafnhildur Jóhannesdóttir og Brynja Skúladóttir lýsa miklu harðræði af hálfu Ingjaldar Arnþórssonar sem gegndi forstöðu á meðferðarheimili að Laugalandi og Varpholti þegar þær dvöldu þar á árunum 1997-2007. Þær segja að starfsfólk hafi orðið vitni að því og furða sig yfir því að það þegi enn. Þær eru meðal viðmælenda í þætti um heimilið í þáttaröðinni Vistheimilin. Vísir Konur sem segjast sem unglingar hafa orðið fyrir miklu ofbeldi af hálfu stjórnenda á meðferðarheimili á Laugalandi áður Varpholti, furða sig á þögn annarra starfsmanna. Þá er fyrrverandi forstjóri Barnarverndarstofu sakaður um að hafa reynt að hafa áhrif á vitnisburð um heimilið fyrir opinberri nefnd. Konur sem voru sem unglingar vistaðar á meðferðarheimilinu Laugalandi áður Varpholti segjast hafa verið beittar alvarlegu ofbeldi af hálfu Ingjaldar Arnþórssonar forstöðumanns þess meðan þær dvöldu þar en heimilið starfaði frá 1997 til 2007. Þá hafi slíkt líka komið fyrir hjá eiginkonu hans sem gegndi einnig forstöðu á heimilinu. Þetta kemur fram í þætti um meðferðarheimilið í þáttaröðinni Vistheimilin á Stöð 2. „Hann brjálaðist af því ég sagði eitthvað sem honum mislíkaði fljótlega eftir að ég kom í Varpholt. Það voru átök þar sem hann dró mig meðfram möl og sat svo yfir mér alla nóttina og gargaði og gargaði,“ segir Gígja Skúladóttir sem var vistuð á heimilinu 1999-2000 14-16 ára ásamt tvíburasystur sinni. Eftir að fjöldi kvenna steig fram í Stundinni nú Heimildinni fyrir nokkrum árum ákvað þáverandi félags- og barnamálaráðherra að láta gera úttekt á heimilinu. Niðurstaða hennar var að sterkar vísbendingar væru um að þær hefðu orðið fyrir alvarlegu ofbeldi. Þá hafi eftirlit brugðist. Starfsfólkið þegi enn sem sé enn verra Í úttektinni kemur hins vegar fram að bæði starfsfólk og forstöðuhjónin afneita að ofbeldi hafi átt sér stað. Konurnar furða sig á því þar sem starfsfólk hafi orðið vitni að ofbeldi gegn þeim. „Það varð alveg vitni að einhverju. Ofbeldið var ekki bara þegar þau voru ekki. Þau voru t.d. öll með þegar við vorum á fundum í sófanum þar sem mikil niðurlæging gagnvart okkur fór oft fram. Þau þegja ennþá það finnst mér eiginlega verra. Ætli þau telji sig vera í einhverri hættu að vera refsað ef þau segja frá? Það sagði enginn neitt. Þetta var alveg í gangi í tíu ár,“ segir Gyða Dögg Jónsdóttir sem var vistuð á meðferðarheimilinu 15-17 ára frá 2000-2002 ásamt nýfæddum syni sínum. Brynja Skúladóttir sem var vistuð á meðferðarheimilinu á árunum 1998-2000 þegar hún var 14-16 ára er á sama máli. Starfsfólkið fékk tækifæri til þess að standa með okkur en gerði það ekki þegar skýrslan var gerð. Þau brugðust. Fyrrverandi forstjóri Barnaverndarstofu hafi reynt að hafa áhrif á vitnisburð Íris Ósk Friðriksdóttir var vistuð 15-17 ára á Varpholti / Laugalandi á árunum 1999-2001. Hún segir að Bragi Guðbrandsson fyrrverandi forstjóri Barnaverndarstofu sem átti að hafa eftirlit með stofnunni hafi reynt að hafa áhrif á vitnisburð hennar fyrir úttektarnefndinni. Bragi kjörinn í barnaréttarnefnd Sameinuðu þjóðanna „Það er ekki talað um hlut Braga Guðbrandssonarsem var forstjóri Barnaverndarstofu í þessu máli öllu saman. Hann fékk vissulega tilkynningar um að ofbeldi ætti sér stað á heimilinu all nokkrum sinnum meðan það starfaði. Þeim er öllum stungið ofan í skúffu,“ segir Íris. Bragi Guðbrandsson hafði sjálfur persónulega samband við mig meðan á vinnslu þessarar skýrslu stóð. Blessunarlega var ég búin að fara í mitt viðtal því hann var að reyna að hafa áhrif á framburð og vitnisburð minn. Í símtalinu tjáði hann mér að þetta væru falskar minningar, þetta hefði ekki verið svona. Ég átti mjög undarlegt samtal við þennan mann í tæpar fjörutíu mínútur. Engar sanngirnisbætur, enginn borið ábyrgð Konurnar segja að lítið hafi gerst í málinu á þeim næstum tveim árum síðan úttektin var gerð. Þær hafi ekki fengið sanngirnisbætur frá stjórnvöldum þrátt fyrir niðurstöðu greinargerðarinnar og þær frásagnir sem þær hafi komið á framfæri. Þá hafi engin verið látinn sæta ábyrgð. Herdís Gunnarsdóttir forstjóri Gæða-og eftirlitsstofnunar velferðarmálaVísir/Ívar Herdís Gunnarsdóttir forstjóri Gæða- og eftirlitsstofnunar velferðarmála segir stjórnvalda að ákveða næstu skref. „Gæða og eftirlitsstofnun hefur skilað skýrslunni þannig að það þarf í raun að spyrja stjórnvöld að því hvað þau muni aðhafast í framhaldinu,“ segir Herdís. Sanngirnisbótafrumvarp hefur legið í allsherjar- og menntamálanefnd síðustu mánuði en engin niðurstaða er komin fram. Ráðuneytið leggi áherslu á að slíkt endurtaki sig ekki Fréttastofa leitaði eftir svörum hjá mennta- og barnamálaráðuneytinu um hvort að einhver muni verða látinn sæta ábyrgð vegna ofbeldisins sem konurnar urðu fyrir á heimilinu meðan þær dvöldu þar. Í svari ráðuneytisins kemur eftirfarandi fram: „Ráðuneytið telur mikilvægt að þau sem eiga í hlut taki ákvörðun um framhaldið. Ráðherra kallaði eftir rannsókn á málinu til að fá úr því skorið hvort vistbörn í Varpholti og á Laugalandi hafi sætt óásættanlegri meðferð á tímabilinu. Nú liggja þær niðurstöður fyrir. Vinna mennta- og barnamálaráðuneytisins og áður félags- og barnamálaráðuneytisins undanfarin ár og nú miðar að því að fyrirbyggja að mál sem þetta geti endurtekið sig.“ Vistheimili Vistheimilin Ofbeldi gegn börnum Alþingi Mest lesið Fundu lík karlmanns í Reynisfjalli Innlent Eiginmaður íslenskrar konu lét sig hverfa rétt eftir brúðkaupið Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent „Það er ódýrast og best og fljótlegast að kála þessum dýrum“ Innlent Yazan afar létt að vera ekki vísað frá landi Innlent Skerjafjarðarskáldið krefst afsökunarbeiðni – annars fer það í mál Innlent Kona á níræðisaldri sá björninn í þriggja metra fjarlægð Innlent Frambjóðandi Trump lýsti sér sem „svörtum nasista“ á klámsíðu Erlent Íbúar Springfield klofnir í afstöðu sinni til heimsóknar Trump Erlent Fleiri fréttir Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Nafn mannsins sem lést í vinnuslysi í Árborg Sjá meira
Konur sem voru sem unglingar vistaðar á meðferðarheimilinu Laugalandi áður Varpholti segjast hafa verið beittar alvarlegu ofbeldi af hálfu Ingjaldar Arnþórssonar forstöðumanns þess meðan þær dvöldu þar en heimilið starfaði frá 1997 til 2007. Þá hafi slíkt líka komið fyrir hjá eiginkonu hans sem gegndi einnig forstöðu á heimilinu. Þetta kemur fram í þætti um meðferðarheimilið í þáttaröðinni Vistheimilin á Stöð 2. „Hann brjálaðist af því ég sagði eitthvað sem honum mislíkaði fljótlega eftir að ég kom í Varpholt. Það voru átök þar sem hann dró mig meðfram möl og sat svo yfir mér alla nóttina og gargaði og gargaði,“ segir Gígja Skúladóttir sem var vistuð á heimilinu 1999-2000 14-16 ára ásamt tvíburasystur sinni. Eftir að fjöldi kvenna steig fram í Stundinni nú Heimildinni fyrir nokkrum árum ákvað þáverandi félags- og barnamálaráðherra að láta gera úttekt á heimilinu. Niðurstaða hennar var að sterkar vísbendingar væru um að þær hefðu orðið fyrir alvarlegu ofbeldi. Þá hafi eftirlit brugðist. Starfsfólkið þegi enn sem sé enn verra Í úttektinni kemur hins vegar fram að bæði starfsfólk og forstöðuhjónin afneita að ofbeldi hafi átt sér stað. Konurnar furða sig á því þar sem starfsfólk hafi orðið vitni að ofbeldi gegn þeim. „Það varð alveg vitni að einhverju. Ofbeldið var ekki bara þegar þau voru ekki. Þau voru t.d. öll með þegar við vorum á fundum í sófanum þar sem mikil niðurlæging gagnvart okkur fór oft fram. Þau þegja ennþá það finnst mér eiginlega verra. Ætli þau telji sig vera í einhverri hættu að vera refsað ef þau segja frá? Það sagði enginn neitt. Þetta var alveg í gangi í tíu ár,“ segir Gyða Dögg Jónsdóttir sem var vistuð á meðferðarheimilinu 15-17 ára frá 2000-2002 ásamt nýfæddum syni sínum. Brynja Skúladóttir sem var vistuð á meðferðarheimilinu á árunum 1998-2000 þegar hún var 14-16 ára er á sama máli. Starfsfólkið fékk tækifæri til þess að standa með okkur en gerði það ekki þegar skýrslan var gerð. Þau brugðust. Fyrrverandi forstjóri Barnaverndarstofu hafi reynt að hafa áhrif á vitnisburð Íris Ósk Friðriksdóttir var vistuð 15-17 ára á Varpholti / Laugalandi á árunum 1999-2001. Hún segir að Bragi Guðbrandsson fyrrverandi forstjóri Barnaverndarstofu sem átti að hafa eftirlit með stofnunni hafi reynt að hafa áhrif á vitnisburð hennar fyrir úttektarnefndinni. Bragi kjörinn í barnaréttarnefnd Sameinuðu þjóðanna „Það er ekki talað um hlut Braga Guðbrandssonarsem var forstjóri Barnaverndarstofu í þessu máli öllu saman. Hann fékk vissulega tilkynningar um að ofbeldi ætti sér stað á heimilinu all nokkrum sinnum meðan það starfaði. Þeim er öllum stungið ofan í skúffu,“ segir Íris. Bragi Guðbrandsson hafði sjálfur persónulega samband við mig meðan á vinnslu þessarar skýrslu stóð. Blessunarlega var ég búin að fara í mitt viðtal því hann var að reyna að hafa áhrif á framburð og vitnisburð minn. Í símtalinu tjáði hann mér að þetta væru falskar minningar, þetta hefði ekki verið svona. Ég átti mjög undarlegt samtal við þennan mann í tæpar fjörutíu mínútur. Engar sanngirnisbætur, enginn borið ábyrgð Konurnar segja að lítið hafi gerst í málinu á þeim næstum tveim árum síðan úttektin var gerð. Þær hafi ekki fengið sanngirnisbætur frá stjórnvöldum þrátt fyrir niðurstöðu greinargerðarinnar og þær frásagnir sem þær hafi komið á framfæri. Þá hafi engin verið látinn sæta ábyrgð. Herdís Gunnarsdóttir forstjóri Gæða-og eftirlitsstofnunar velferðarmálaVísir/Ívar Herdís Gunnarsdóttir forstjóri Gæða- og eftirlitsstofnunar velferðarmála segir stjórnvalda að ákveða næstu skref. „Gæða og eftirlitsstofnun hefur skilað skýrslunni þannig að það þarf í raun að spyrja stjórnvöld að því hvað þau muni aðhafast í framhaldinu,“ segir Herdís. Sanngirnisbótafrumvarp hefur legið í allsherjar- og menntamálanefnd síðustu mánuði en engin niðurstaða er komin fram. Ráðuneytið leggi áherslu á að slíkt endurtaki sig ekki Fréttastofa leitaði eftir svörum hjá mennta- og barnamálaráðuneytinu um hvort að einhver muni verða látinn sæta ábyrgð vegna ofbeldisins sem konurnar urðu fyrir á heimilinu meðan þær dvöldu þar. Í svari ráðuneytisins kemur eftirfarandi fram: „Ráðuneytið telur mikilvægt að þau sem eiga í hlut taki ákvörðun um framhaldið. Ráðherra kallaði eftir rannsókn á málinu til að fá úr því skorið hvort vistbörn í Varpholti og á Laugalandi hafi sætt óásættanlegri meðferð á tímabilinu. Nú liggja þær niðurstöður fyrir. Vinna mennta- og barnamálaráðuneytisins og áður félags- og barnamálaráðuneytisins undanfarin ár og nú miðar að því að fyrirbyggja að mál sem þetta geti endurtekið sig.“
Vistheimili Vistheimilin Ofbeldi gegn börnum Alþingi Mest lesið Fundu lík karlmanns í Reynisfjalli Innlent Eiginmaður íslenskrar konu lét sig hverfa rétt eftir brúðkaupið Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent „Það er ódýrast og best og fljótlegast að kála þessum dýrum“ Innlent Yazan afar létt að vera ekki vísað frá landi Innlent Skerjafjarðarskáldið krefst afsökunarbeiðni – annars fer það í mál Innlent Kona á níræðisaldri sá björninn í þriggja metra fjarlægð Innlent Frambjóðandi Trump lýsti sér sem „svörtum nasista“ á klámsíðu Erlent Íbúar Springfield klofnir í afstöðu sinni til heimsóknar Trump Erlent Fleiri fréttir Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Nafn mannsins sem lést í vinnuslysi í Árborg Sjá meira