Þor­leifur horfði á Ís­lands­met sitt falla: „Kom á ó­vart“

„Þetta var bara alveg geð­veikt,ׅ“ segir Þor­leifur að­spurður hvernig það hafi verið að sjá Mari Jaersk, Elísu Kristins­dóttur og Andra Guð­munds­son koma í mark fyrr í dag í Öskju­hlíðinni og slá Ís­aldns­met hans.

Þor­leifur stóð á hliðar­línunni og hvatti hlauparana á­fram eftir að hafa sjálfur þurft að draga sig til hlés í keppninni sökum meiðsla.

„Bara rosa­lega gaman að horfa á þetta og fylgjast með þeim slá metið. Það eru allir að spyrja mig að því hvernig mér líði með þessi tíðindi. Maður svo sem átti ekki von á því að metið yrði slegið í dag. Ég get alveg viður­kennt það og var alveg búinn að setja mér það markmið að slá það í haust í sam­floti með ein­hverjum. Þetta kom á ó­vart en bara gríðar­lega gaman að þetta skildi takast.“

Við­talið við Þor­leif, sem var tekið skömmu eftir að Ís­lands­met hans féll fyrr í dag, má sjá í heild sinni hér fyrir neðan: