„Hún er komin,“ skrifuðu hjónin og deildu mynd af stúlkunni á Instagram. Fyrir eiga þau Viktor Svan, fimm ára.
Biðin eftir stúlkunni hefur verið löng en Elísabet var komin á 41. viku meðgöngunnar þegar hún kom loksins.
Elísabet og Áki tilkynntu að von væri á stúlku með einlægu myndskeiði á YouTube-rás Elísabetar. Þar má sjá þegar parið fer í sónar og þegar þau opna umslagið með miða sem segir til um kyn barnsins.
Myndskeiðið má sjá í spilaranum hér að neðan.
Elísabet og Áki gengu í heilagt hjónaband í desember í fyrra, nánar tiltekið 22. desember. Athöfnin virðist hafa verið fámenn og lofa þau veislu síðar.
„Hjón síðan þá og ég elska þennan mann alltaf meira og meira. Ég veit ekki hvar ég væri án hans og öllu því sem við höfum búið til saman. 2026 we will party,“ skrifaði Elísabet og deildi myndum frá athöfninni á Instagram.
