Keppnin sem haldin var í IKEA er sögð hafa verið gríðarlega hörð en sigurvegarni hlaut þátttökurétt fyrir hönd Íslands í Nordic Chef of the Year 2025.
Bjarki Snær Þorsteinsson frá Lux vann titilinn Grænmetiskokkur ársins en það var í fyrsta sinn sem keppt var um þann titil. Monica Daniela Panait hjá Hóteli Geysi hafnaði í öðru sæti og Þórarinn Eggertsson hjá Smakk veitingum lenti í þriðja sæti.
Verðlaunaafhending fór fram í IKEA seinni partinn í gær en þar komu saman keppendur, meðlimir í Klúbbi matreiðslumeistara, aðstandendur keppenda og velunnarar keppninnar.
IKEA er aðalbakhjarl Klúbbs Matreiðslumeistara í keppninni og hefur gert það undanfarin ár.
Klúbbur matreiðslumeistara á og rekur keppnina. Í yfirlýsingu frá klúbbnum segir að Þórir Erlingsson, forseti klúbbsins, hafi verið ánægður með keppnin sem elur af sér landsliðsfólk og keppnisfólk sem bara beinustu leið í fremstu víglínu matreiðslukeppna í heimunum.
