Það hefur verið rólegt yfir öllum mælum Veðurstofunnar á gosstöðvunum á Reykjanesi í nótt.
Salóme Jórunn Bernharðsdóttir segir tíðindalítið af svæðinu. Skjálftar hafa verið fáir, eða rétt um tíu skjálftar á umbrotasvæðinu í nótt.
Hún hún segir að líklega muni það taka um þrjá daga frá því kvikuhlaupið varð á laugardag uns sömu stöðu er náð í kvikusöfnun undir Svartsengi. Þá segir Salóme að einnig hafi vaknað spurningar um hvort einhverjar breytingar hafi orðið á kerfinu sem slíku þegar kvikan hljóp síðast.
Það verði hinsvegar að koma í ljós síðar.
Kvikuhlaup sem hófst skammt frá Sýlingarfelli um 16 í dag virðist hafa stöðvast í bili þar sem smáskjálftavirkni á svæðinu er hætt. Enn er þó of snemmt að fullyrða að kvikuhlaupinu sé lokið og að ekki komi til eldgoss.
Rólegt hefur verið yfir Reykjanesi í dag. Enn eru þó miklar líkur á að af eldgosi verði og er kerfið tilbúið í gos og heldur kvikumagn áfram að aukast.
