Ætla að spila golf í Grindavík í sumar Jakob Bjarnar skrifar 5. febrúar 2024 16:05 Helgi Dan ætlar að halda starfsemi Golfklúbbs Grindavíkur á floti í sumar. Þarna með skorkort sem tryggði honum sigurinn á Meistaramóti GG, 64 högg. vísir/jón júlíus Grindavík er golfbær. Húsatólftavöllur er heimavöllur Golfklúbbs Grindavíkur og þar stefna menn á að spila hvað sem líður jarðhræringum og eldgosum. „Þetta er auðvitað háð því að almannavarnir hleypi fólkinu á svæðið. En við erum utan hættusvæðis. Völlurinn er smáspöl frá bænum. Og þó það séu einhverjar örlitlar skemmdir á það ekki eftir að stoppa okkur,“ segir Helgi Dan Steinsson, framkvæmdastjóri klúbbsins í samtali við Vísi. Völlurinn í fínu standi Grindvíkingar eru farnir að huga að komandi golftímabili og þeir eru brattir. Þeir stefna að því að halda starfseminni áfram í sumar og svo verði staðan tekin næsta haust. Ekki ætti að þurfa að fara mörgum orðum um þær hörmungar sem yfir íbúa Grindavíkur hafa gengið undanfarnar vikur. Bærinn er auður en þeir í stjórn sjá ekkert því til fyrirstöðu að halda vellinum í rekstri. „Vissulega er þetta óvissuástand en eins og við segjum en þetta lítur bara vel út hjá golfklúbbnum og engin ástæða til að ætla annað en hægt sé að leika golf í Grindavík næsta sumar. Allar leiðir eru opnar að vellinum sem er í fínu standi.“ Helgi segir smávægilegar sprunguskemmdir á vellinum sem verði lagaðar. Þeir Grindvíkingar láta sé fátt fyrir brjósti brenna en tvívegis, veturna 2020 og 2022 fengu hnullungar á Húsatólftavöll í miklum sjó sem gekk yfir völlinn. Grindvíkingar voru ekki lengi að kippa því í liðinn og svo var leikið golf eins og ekkert hefði í skorist. Vonar að klúbbhúsið þjóni sem félagsheimili Helgi segir það auðvitað sérkennilegt að halda áfram klúbbastarfi og Grindavíkurbær tómur. Og hann hefur verið í sambandi við ýmsa klúbba með það fyrir augum að meðlimir í Golfklúbbi Grindavíkur verði áfram í klúbbnum. „Fólk er náttúrlega út um allar trissur, aðallega á Suðurnesjum, Suðurlandi og uppi á Skaga. Ég hef verið í sambandi við þessa klúbba og þeir hafa tekið þessu vel, að okkar fólk fái að spila á niðursettu verði. Ég hef nú ekkert verið að ræða við þessa Reykjavíkurklúbba, þeir eiga nóg með sitt. En menn hafa tekið því vel að taka þennan slag með okkur,“ segir Helgi. Úr mynd sem Pálmar Örn Guðmundsson málaði og Golfklúbbur Grindavíkur bauð upp á sínum tíma. Forsenda fyrir því að klúbburinn lifi sé að ekki verði mikil afföll á meðlimafjölda. Helgi segir líta nokkuð vel út með það. „Ef við eigum að geta haldið lífi í þessu verður að vera fólk í klúbbnum. Við tökum svo stöðuna næsta haust. Það er erfitt að reka klúbb og enginn í bænum. En ég bind vonir við að klúbbhúsið geti þjónað sem félagsheimili,“ segir Helgi Dan. „Það er ekki loku fyrir það skotið að fólk flytji aftur til Grindavíkur. Við sjáum alla veganna hvernig næsta sumar verður.“ Stefna á að opna uppúr miðjum apríl Engar skemmdir eru á klúbbhúsinu. Þar er ekki hitaveituvatn, heldur hita menn þar vatnið með rafmagni. Og Helgi fór í morgun og setti upp hitablásara til að aftra skemmdum. Hann segir að það sé sprunga í bílaplani en því verði kippt í liðinn. Húsatóftarvöllur. Grindvíkingar ætla að reyna að halda starfseminni gangandi í sumar og svo ætla þeir að sjá til.GG Húsatólftavöllur er snemmsumarsvöllur, hann er með þeim fyrstu til að opna enda stendur hann sunnarlega og er við hafið. „Við höfum verið að opna svona uppúr miðjum apríl. Og stefnum að því aftur. Fyrir okkar fólk og þá gesti sem vilja koma,“ segir Helgi Dan. Og ef maður hefur trú á einhverjum til að koma golfinu í gang eftir hamfarirnar, eldgos og jarðhræringar, þá er það hann. Grindvíkingar hafa í tvígang á undanförnum árum sýnt fram á að þeir láta ekki náttúruöflin stoppa sig. Golf Grindavík Eldgos og jarðhræringar Eldgos á Reykjanesskaga Mest lesið Klórar sér í kollinum yfir kvennaverkfallinu Innlent Kona í fjölbýlishúsinu talin brennuvargur en gengur laus Innlent Skýrt ákall um heilsdagsverkfall á kvennafrídegi í ár Innlent Grunuð um íkveikju í Nettó, Nytjamarkaðnum og eigin húsi Innlent „Það getur einhver verið að tæla barnið þitt fyrir framan þig“ Innlent „Afar ólíklegt“ að Nadine taki slaginn í borginni fyrir Miðflokkinn Innlent Segir sorglega illa hafa verið haldið á hagsmunum flugsins Innlent Kettlingur í hættu vegna sprautunála og haldið í gíslingu af nágranna Innlent Hálfsdagslokun leikskóla skyndilega orðin að heilsdagslokun Innlent Gerðu árás á rússneska efnaverksmiðju í Bryansk Erlent Fleiri fréttir Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Fangavörður rekinn fyrir að stela af fanga Óvissa á Grundartanga og flugumferðarstjórar funda Hafsteinn Dan tekur við formennsku í refsiréttarnefnd Klórar sér í kollinum yfir kvennaverkfallinu Hálfsdagslokun leikskóla skyndilega orðin að heilsdagslokun „Alvarlegt áfall á Grundartanga” sem beri að bregðast við hratt Ný samnorræn og baltnesk gervigreindarmiðstöð opnuð í dag „Það getur einhver verið að tæla barnið þitt fyrir framan þig“ Lýstu yfir hættustigi vegna flugvélar í vanda Fjölgun á þeim sem lögregla fylgir úr landi Skýrt ákall um heilsdagsverkfall á kvennafrídegi í ár Kynfræðsla ekki endilega forgangsatriði í fermingarfræðslu Fleiri stöðugildi sjúkraþjálfara muni fara í skriffinnsku „Þessi starfsemi er komin til að vera“ Samþykktu leiðtogaprófkjör hjá Viðreisn í Reykjavík Sjá meira
„Þetta er auðvitað háð því að almannavarnir hleypi fólkinu á svæðið. En við erum utan hættusvæðis. Völlurinn er smáspöl frá bænum. Og þó það séu einhverjar örlitlar skemmdir á það ekki eftir að stoppa okkur,“ segir Helgi Dan Steinsson, framkvæmdastjóri klúbbsins í samtali við Vísi. Völlurinn í fínu standi Grindvíkingar eru farnir að huga að komandi golftímabili og þeir eru brattir. Þeir stefna að því að halda starfseminni áfram í sumar og svo verði staðan tekin næsta haust. Ekki ætti að þurfa að fara mörgum orðum um þær hörmungar sem yfir íbúa Grindavíkur hafa gengið undanfarnar vikur. Bærinn er auður en þeir í stjórn sjá ekkert því til fyrirstöðu að halda vellinum í rekstri. „Vissulega er þetta óvissuástand en eins og við segjum en þetta lítur bara vel út hjá golfklúbbnum og engin ástæða til að ætla annað en hægt sé að leika golf í Grindavík næsta sumar. Allar leiðir eru opnar að vellinum sem er í fínu standi.“ Helgi segir smávægilegar sprunguskemmdir á vellinum sem verði lagaðar. Þeir Grindvíkingar láta sé fátt fyrir brjósti brenna en tvívegis, veturna 2020 og 2022 fengu hnullungar á Húsatólftavöll í miklum sjó sem gekk yfir völlinn. Grindvíkingar voru ekki lengi að kippa því í liðinn og svo var leikið golf eins og ekkert hefði í skorist. Vonar að klúbbhúsið þjóni sem félagsheimili Helgi segir það auðvitað sérkennilegt að halda áfram klúbbastarfi og Grindavíkurbær tómur. Og hann hefur verið í sambandi við ýmsa klúbba með það fyrir augum að meðlimir í Golfklúbbi Grindavíkur verði áfram í klúbbnum. „Fólk er náttúrlega út um allar trissur, aðallega á Suðurnesjum, Suðurlandi og uppi á Skaga. Ég hef verið í sambandi við þessa klúbba og þeir hafa tekið þessu vel, að okkar fólk fái að spila á niðursettu verði. Ég hef nú ekkert verið að ræða við þessa Reykjavíkurklúbba, þeir eiga nóg með sitt. En menn hafa tekið því vel að taka þennan slag með okkur,“ segir Helgi. Úr mynd sem Pálmar Örn Guðmundsson málaði og Golfklúbbur Grindavíkur bauð upp á sínum tíma. Forsenda fyrir því að klúbburinn lifi sé að ekki verði mikil afföll á meðlimafjölda. Helgi segir líta nokkuð vel út með það. „Ef við eigum að geta haldið lífi í þessu verður að vera fólk í klúbbnum. Við tökum svo stöðuna næsta haust. Það er erfitt að reka klúbb og enginn í bænum. En ég bind vonir við að klúbbhúsið geti þjónað sem félagsheimili,“ segir Helgi Dan. „Það er ekki loku fyrir það skotið að fólk flytji aftur til Grindavíkur. Við sjáum alla veganna hvernig næsta sumar verður.“ Stefna á að opna uppúr miðjum apríl Engar skemmdir eru á klúbbhúsinu. Þar er ekki hitaveituvatn, heldur hita menn þar vatnið með rafmagni. Og Helgi fór í morgun og setti upp hitablásara til að aftra skemmdum. Hann segir að það sé sprunga í bílaplani en því verði kippt í liðinn. Húsatóftarvöllur. Grindvíkingar ætla að reyna að halda starfseminni gangandi í sumar og svo ætla þeir að sjá til.GG Húsatólftavöllur er snemmsumarsvöllur, hann er með þeim fyrstu til að opna enda stendur hann sunnarlega og er við hafið. „Við höfum verið að opna svona uppúr miðjum apríl. Og stefnum að því aftur. Fyrir okkar fólk og þá gesti sem vilja koma,“ segir Helgi Dan. Og ef maður hefur trú á einhverjum til að koma golfinu í gang eftir hamfarirnar, eldgos og jarðhræringar, þá er það hann. Grindvíkingar hafa í tvígang á undanförnum árum sýnt fram á að þeir láta ekki náttúruöflin stoppa sig.
Golf Grindavík Eldgos og jarðhræringar Eldgos á Reykjanesskaga Mest lesið Klórar sér í kollinum yfir kvennaverkfallinu Innlent Kona í fjölbýlishúsinu talin brennuvargur en gengur laus Innlent Skýrt ákall um heilsdagsverkfall á kvennafrídegi í ár Innlent Grunuð um íkveikju í Nettó, Nytjamarkaðnum og eigin húsi Innlent „Það getur einhver verið að tæla barnið þitt fyrir framan þig“ Innlent „Afar ólíklegt“ að Nadine taki slaginn í borginni fyrir Miðflokkinn Innlent Segir sorglega illa hafa verið haldið á hagsmunum flugsins Innlent Kettlingur í hættu vegna sprautunála og haldið í gíslingu af nágranna Innlent Hálfsdagslokun leikskóla skyndilega orðin að heilsdagslokun Innlent Gerðu árás á rússneska efnaverksmiðju í Bryansk Erlent Fleiri fréttir Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Fangavörður rekinn fyrir að stela af fanga Óvissa á Grundartanga og flugumferðarstjórar funda Hafsteinn Dan tekur við formennsku í refsiréttarnefnd Klórar sér í kollinum yfir kvennaverkfallinu Hálfsdagslokun leikskóla skyndilega orðin að heilsdagslokun „Alvarlegt áfall á Grundartanga” sem beri að bregðast við hratt Ný samnorræn og baltnesk gervigreindarmiðstöð opnuð í dag „Það getur einhver verið að tæla barnið þitt fyrir framan þig“ Lýstu yfir hættustigi vegna flugvélar í vanda Fjölgun á þeim sem lögregla fylgir úr landi Skýrt ákall um heilsdagsverkfall á kvennafrídegi í ár Kynfræðsla ekki endilega forgangsatriði í fermingarfræðslu Fleiri stöðugildi sjúkraþjálfara muni fara í skriffinnsku „Þessi starfsemi er komin til að vera“ Samþykktu leiðtogaprófkjör hjá Viðreisn í Reykjavík Sjá meira