Körfubolti

Keyshawn Woods aftur til Tinda­stóls

Ingvi Þór Sæmundsson skrifar
Keyshawn Woods er kominn aftur á Krókinn.
Keyshawn Woods er kominn aftur á Krókinn. vísir/hulda margrét

Keyshan Woods, sem varð Íslandsmeistari með Tindastóli á síðasta tímabili, er genginn í raðir liðsins á nýjan leik.

Stólarnir greindu frá endurkomu Woods á samfélagsmiðlum í dag. Hann samdi við félagið til loka tímabilsins.

Woods lék í Tyrklandi í vetur en hann hefur einnig leikið í Hollandi, Póllandi og Grikklandi.

Á síðasta tímabili var Woods með 19,4 stig, 4,0 fráköst og 3,8 stoðsendingar að meðaltali í leik í deildakeppninni. Í úrslitakeppninni var hann með 18,6 stig, 3,1 frákast og 4,2 stoðsendingar.

Tindastóll, sem er í 9. sæti Subway deildarinnar, mætir Breiðabliki annað kvöld.

Subway-deild karla Tindastóll

Tengdar fréttir

Mest lesið


Fleiri fréttir

Sjá meira


×

Mest lesið