Sakar orkumálastjóra um vanhæfi Magnús Jochum Pálsson skrifar 1. janúar 2024 23:28 Sigurður Hannesson, framkvæmdastjóri SI. Vísir/Vilhelm Sigurður Hannesson, framkvæmdastjóri Samtaka iðnaðarins, segir orkumálastjóra efna til óþarfa átaka um orkumál í nýárspistli sínum og hún sé vanhæf til að taka ákvarðanir vegna framkomu hennar undanfarin ár. Þetta skrifa Sigurður í skoðanapistli sem birtist á Vísi fyrr í kvöld. Hann vitnar þar í nýárspistil Höllu Hrundar Logadóttur, orkumálastjóra, sem vakti athygli á hættu á því að heimili og venjuleg fyrirtæki verði undir í samkeppni við stórnotendur raforku. Sigurður vísar því á bug að Samtök iðnaðarins leggist gegn vernd fyrir íslensk heimili og fyrirtæki, þvert á móti tali samtökin fyrir hagsmunum almennings, heimila og fyrirtækja með markaðslausnum. Að því sögðu sé eðlilegt að skilgreina í lögum hverjir skuli njóta alþjónustu, svo sem heimili og mikilvægir innviðir, og samtökin hafi hvatt til þess. „En áður en til almennrar skömmtunar og handstýringar kemur þarf að mati SI að sýna fram á að aðrir möguleikar séu ekki til staðar. Ráðherra brást skjótt við og hefur nú veitt starfsleyfi til fyrirtækja sem hyggjast reka markað með raforku,“ skrifar Sigurður í greininnni. Sakar orkumálastjóra um vanhæfi Sigurður segir SI tala „eindregið fyrir því að ráðist sé að rót vandans og meiri græn raforka verði framleidd hér á landi.“ Það séu sameiginlegir hagsmunir alls atvinnulífs og iðnaðar, heimila og samfélagsins í heild. Ekki sé skýrt hvort Orkustofnun tali fyrir því nema með skilyrðum um það hverjir megi kaupa raforkuna og dragi það athygli að mögulegu vanhæfi orkumálastjóra. Sigurður segir að orkumálastjóri skrifi í grein sinni að SI gagnrýni ummæli hennar um að almenningur fái að njóta raforku. Það sé ekki rétt og ekki þau ummæli sem vísað er til. Frumvarp um skömmtun raforku „meingallað“ Frumvarp um skömmtun raforku var nýlega lagt fram á Alþingi í þeirri tilraun að bregðast við alvarlegri stöðu orkumála. Samtök iðnaðarins hafi sent ítarlega umsögn um málið þar sem tekið er undir meginmarkmið frumvarpsins um að gæta þurfi hagsmuna almennings. Hins vegar verði ekki hjá því litið að frumvarpið var meingallað og segir Sigurður að því til staðfestingar hafi orðið miklar breytingar á frumvarpinu í meðförum atvinnuveganefndar. Orkumálastjóri sé vanhæfur til að taka ákvarðanir „Í upphaflegu frumvarpi var gert ráð fyrir því að orkumálastjóri hefði heimildir til skömmtunar raforku þegar á þyrfti að halda. Almenningur þarf að geta treyst því að embættismenn fjalli um mál á hlutlægan hátt,“ skrifar Sigurður. Í umsögn SI sé bent á fjölda ummæla orkumálastjóra þess efnis að beina eigi raforku til tiltekinna atvinnugreina umfram aðrar. Með hliðsjón af því að Orkustofnun fari með eftirlit á raforkumarkaði og veiti leyfi valdi þessi ummæli, að mati SI, vanhæfi orkumálastjóra til að taka ákvarðanir. Eftir umfjöllun atvinnuveganefndar hafi hún ákveðið að fela ráðherra „valdið til skömmtunar, í stað orkumálastjóra, af þeirri einföldu ástæðu að Orkustofnun er ekki treyst fyrir þessari miklu ábyrgð, meðal annars vegna framgöngu orkumálastjóra undanfarin ár. Skilaboðin verða ekki mikið skýrari,“ skrifar Sigurður. Embættismaður kasti steinum úr glerhúsi „Ummælum orkumálastjóra þess efnis að ekki megi stuðla að sundrung og skipa í fylkingar í orkumálum sem og þeirri ósk að iðnaðurinn blómstri er fagnað,“ skrifar Sigurður „Þetta eru góð skilaboð en þarna kastar embættismaðurinn steini úr glerhúsi. Með ummælum sínum á síðustu árum hefur orkumálastjóri einmitt dregið fyrirtæki í dilka eftir því hvort honum þyki starfsemi þeirra þóknanleg eða ekki,“ segir einnig. „Í grein sinni í morgun heldur orkumálastjóri uppteknum hætti. Við og þið hugsunin skín þar í gegn. „Venjuleg“ fyrirtæki eiga að fá raforku en óljóst er hvað orkumálastjóri sér fyrir sér með hin fyrirtækin. Með því að skipa fyrirtækjum í þessar fylkingar, þau „venjulegu“ og svo hin fyrirtækin, gerir orkumálastjóri einmitt það sem hann varar við, þ.e. að skipa í fylkingar,“ segir loks. Orkumál Orkuskipti Mest lesið Meintur þjófur leitaði til lögreglu vegna framkvæmdastjórans Innlent Vonast til að spáin rætist ekki: Rigning og 22 metrar á sekúndu Innlent Fjórir látnir eftir skotárás á Manhattan Erlent Ágengir ferðamenn hafi sært syrgjandi Mýrdælinga Innlent Maxwell biðlar til Hæstaréttar Erlent Langtímarannsóknir skorti á áhrifum kreatíns Innlent Dóttirin í Súlunesi ákærð Innlent Íhuga að greiða sextíu milljarða til að friðþægja Trump Erlent „Þetta er auðvitað stórhættulegt“ Innlent Fundaði með Guterres: Tveggja ríkja lausnin sé eina lausnin Innlent Fleiri fréttir Samstarfið við Íra og Frakka tímafrekt Hefja gjaldtöku við höfnina í Stykkishólmi Ágengir ferðamenn hafi sært syrgjandi Mýrdælinga Neyðarástand á Gasa og ágengir túristar angra kirkjugesti Dóttirin í Súlunesi ákærð Vonast til að spáin rætist ekki: Rigning og 22 metrar á sekúndu Rannsaka áhrif samfélagsmiðla á heilastarfsemi barna Meintur þjófur leitaði til lögreglu vegna framkvæmdastjórans Gat ekki sannað að verkstæðið tjónaði vélina Mögulegur fyrirboði um goslok Fundaði með Guterres: Tveggja ríkja lausnin sé eina lausnin Ungir menn staðnir að því að skjóta gelkúlum á vegfarendur Enn gýs úr einum megingíg og virknin nokkuð stöðug Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Sjá meira
Þetta skrifa Sigurður í skoðanapistli sem birtist á Vísi fyrr í kvöld. Hann vitnar þar í nýárspistil Höllu Hrundar Logadóttur, orkumálastjóra, sem vakti athygli á hættu á því að heimili og venjuleg fyrirtæki verði undir í samkeppni við stórnotendur raforku. Sigurður vísar því á bug að Samtök iðnaðarins leggist gegn vernd fyrir íslensk heimili og fyrirtæki, þvert á móti tali samtökin fyrir hagsmunum almennings, heimila og fyrirtækja með markaðslausnum. Að því sögðu sé eðlilegt að skilgreina í lögum hverjir skuli njóta alþjónustu, svo sem heimili og mikilvægir innviðir, og samtökin hafi hvatt til þess. „En áður en til almennrar skömmtunar og handstýringar kemur þarf að mati SI að sýna fram á að aðrir möguleikar séu ekki til staðar. Ráðherra brást skjótt við og hefur nú veitt starfsleyfi til fyrirtækja sem hyggjast reka markað með raforku,“ skrifar Sigurður í greininnni. Sakar orkumálastjóra um vanhæfi Sigurður segir SI tala „eindregið fyrir því að ráðist sé að rót vandans og meiri græn raforka verði framleidd hér á landi.“ Það séu sameiginlegir hagsmunir alls atvinnulífs og iðnaðar, heimila og samfélagsins í heild. Ekki sé skýrt hvort Orkustofnun tali fyrir því nema með skilyrðum um það hverjir megi kaupa raforkuna og dragi það athygli að mögulegu vanhæfi orkumálastjóra. Sigurður segir að orkumálastjóri skrifi í grein sinni að SI gagnrýni ummæli hennar um að almenningur fái að njóta raforku. Það sé ekki rétt og ekki þau ummæli sem vísað er til. Frumvarp um skömmtun raforku „meingallað“ Frumvarp um skömmtun raforku var nýlega lagt fram á Alþingi í þeirri tilraun að bregðast við alvarlegri stöðu orkumála. Samtök iðnaðarins hafi sent ítarlega umsögn um málið þar sem tekið er undir meginmarkmið frumvarpsins um að gæta þurfi hagsmuna almennings. Hins vegar verði ekki hjá því litið að frumvarpið var meingallað og segir Sigurður að því til staðfestingar hafi orðið miklar breytingar á frumvarpinu í meðförum atvinnuveganefndar. Orkumálastjóri sé vanhæfur til að taka ákvarðanir „Í upphaflegu frumvarpi var gert ráð fyrir því að orkumálastjóri hefði heimildir til skömmtunar raforku þegar á þyrfti að halda. Almenningur þarf að geta treyst því að embættismenn fjalli um mál á hlutlægan hátt,“ skrifar Sigurður. Í umsögn SI sé bent á fjölda ummæla orkumálastjóra þess efnis að beina eigi raforku til tiltekinna atvinnugreina umfram aðrar. Með hliðsjón af því að Orkustofnun fari með eftirlit á raforkumarkaði og veiti leyfi valdi þessi ummæli, að mati SI, vanhæfi orkumálastjóra til að taka ákvarðanir. Eftir umfjöllun atvinnuveganefndar hafi hún ákveðið að fela ráðherra „valdið til skömmtunar, í stað orkumálastjóra, af þeirri einföldu ástæðu að Orkustofnun er ekki treyst fyrir þessari miklu ábyrgð, meðal annars vegna framgöngu orkumálastjóra undanfarin ár. Skilaboðin verða ekki mikið skýrari,“ skrifar Sigurður. Embættismaður kasti steinum úr glerhúsi „Ummælum orkumálastjóra þess efnis að ekki megi stuðla að sundrung og skipa í fylkingar í orkumálum sem og þeirri ósk að iðnaðurinn blómstri er fagnað,“ skrifar Sigurður „Þetta eru góð skilaboð en þarna kastar embættismaðurinn steini úr glerhúsi. Með ummælum sínum á síðustu árum hefur orkumálastjóri einmitt dregið fyrirtæki í dilka eftir því hvort honum þyki starfsemi þeirra þóknanleg eða ekki,“ segir einnig. „Í grein sinni í morgun heldur orkumálastjóri uppteknum hætti. Við og þið hugsunin skín þar í gegn. „Venjuleg“ fyrirtæki eiga að fá raforku en óljóst er hvað orkumálastjóri sér fyrir sér með hin fyrirtækin. Með því að skipa fyrirtækjum í þessar fylkingar, þau „venjulegu“ og svo hin fyrirtækin, gerir orkumálastjóri einmitt það sem hann varar við, þ.e. að skipa í fylkingar,“ segir loks.
Orkumál Orkuskipti Mest lesið Meintur þjófur leitaði til lögreglu vegna framkvæmdastjórans Innlent Vonast til að spáin rætist ekki: Rigning og 22 metrar á sekúndu Innlent Fjórir látnir eftir skotárás á Manhattan Erlent Ágengir ferðamenn hafi sært syrgjandi Mýrdælinga Innlent Maxwell biðlar til Hæstaréttar Erlent Langtímarannsóknir skorti á áhrifum kreatíns Innlent Dóttirin í Súlunesi ákærð Innlent Íhuga að greiða sextíu milljarða til að friðþægja Trump Erlent „Þetta er auðvitað stórhættulegt“ Innlent Fundaði með Guterres: Tveggja ríkja lausnin sé eina lausnin Innlent Fleiri fréttir Samstarfið við Íra og Frakka tímafrekt Hefja gjaldtöku við höfnina í Stykkishólmi Ágengir ferðamenn hafi sært syrgjandi Mýrdælinga Neyðarástand á Gasa og ágengir túristar angra kirkjugesti Dóttirin í Súlunesi ákærð Vonast til að spáin rætist ekki: Rigning og 22 metrar á sekúndu Rannsaka áhrif samfélagsmiðla á heilastarfsemi barna Meintur þjófur leitaði til lögreglu vegna framkvæmdastjórans Gat ekki sannað að verkstæðið tjónaði vélina Mögulegur fyrirboði um goslok Fundaði með Guterres: Tveggja ríkja lausnin sé eina lausnin Ungir menn staðnir að því að skjóta gelkúlum á vegfarendur Enn gýs úr einum megingíg og virknin nokkuð stöðug Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Sjá meira