Putellas leggst undir hnífinn og verður lengi frá

Putellas hefur verið meðal fremstu leikmanna heims undanfarin ár. Hún sópaði til sín einstaklingsverðlaunum árin 2021–22 og fagnaði sömuleiðis góðu gengi með bæði félags- og landsliði. 

Hún meiddist illa eftir að hafa skorað tvisvar í leik gegn Benfica þann 14. nóvember. Fáar fregnir hafa borist um ástand hennar en margir óttuðust það versta og FC Barcelona staðfesti á samfélagsmiðlum í dag að Putellas muni gangast undir hnífinn og verður væntanlega lengi frá. 

Þetta er í annað sinn sem hin 29 ára gamla Putellas slítur krossband í vinstra hné. Hún var frá keppni í hálft ár árið 2022 og missti af Evrópumótinu það sumar. Eftir að hafa jafnað sig á því leiddi hún landa sína að heimsmeistaratitlinum í sumar.