Lið hennar, Bayern München, greinir frá því að Cecilía og Weronika Zawistowska hafi meiðst á hné á æfingu í vikunni. Zawistowska sleit krossband í hné á meðan hnéskel Cecilíu fór úr lið. Þær verða báðar frá keppni í nokkra mánuði.
Cecilía Rán Rúnarsdóttir hat eine Kniescheibenluxation erlitten. Weronika Zawistowska hat sich einen Kreuzbandriss zugezogen.
— FC Bayern Frauen (@FCBfrauen) August 25, 2023
https://t.co/vlkJsb9nje
Gute Besserung, @ceciliaran03 und Weronika!
Vegna meiðslanna mun Cecilía missa af leikjum Íslands í Þjóðadeildinni í haust. Ísland mætir Wales og Þýskalandi í september, Danmörku og Þýskalandi í október og Wales og Danmörku í desember.
Cecilía, sem er tvítug, hefur leikið ellefu A-landsleiki. Hún hefur verið í herbúðum Bayern frá því í ársbyrjun 2022.