Aston Villa fær lands­liðs­mann Spánar í vörnina

Hinn 26 ára gamli Torres er örvfættur miðvörður sem spilað með Villareal allan sinn feril ef frá er talið eitt tímabil með Málaga á láni.

Hann á að baki 23 A-landsleiki fyrir Spánverja. Unai Emery, þjálfari Villa, þekkir leikmanninn vel en þeir unnu saman hjá Villareal þar sem þeir sigruðu Evrópudeildina vorið 2021.

Kaupverðið er í kringum 31 og hálfa milljón punda eða tæplega fimm og hálfan milljarð íslenskra króna. Torres skrifar undir fimm ára samning hjá Villa.

Aston Villa endaði í 7. sæti ensku úrvalsdeildarinnar á síðustu leiktíð og leikur í Sambandsdeild Evrópu í vetur.