Íslensk kona stefnir Boston borg: „Hún óttast stöðugt að vera sett í fangelsi“ Auður Ösp Guðmundsdóttir skrifar 8. júlí 2023 08:06 Í málsgögnum kemur fram að íslenska konan „sé áberandi í forsvari“ fyrir réttindahreyfingu borgara sem gagnrýnt hefur pólitísk stefnumál Michelle Wu, borgarstjóra demókrata í Boston. Getty Íslensk kona sem búsett er í Boston hefur höfðað skaðabótamál á hendur borginni, borgarstjóra og fleiri aðilum fyrir óréttmæta lögsókn sem höfðuð var á hendur henni vegna þjófnaðarbrots á seinasta ári. Heldur konan því fram að brotið hafi verið á stjórnarskrárbundnum réttindum hennar á margvíslegan hátt og fer hún fram á þrjár og hálfa milljón dollara í bætur. Í málsgögnum sem Vísir hefur undir höndum kemur fram að konan, Sigríður Baldursdóttir, „sé áberandi í forsvari“ fyrir réttindahreyfingu borgara sem gagnrýnt hefur pólitísk stefnumál Michelle Wu, borgarstjóra demókrata í Boston. Þá kemur einnig fram að Sigríður hafi verið áberandi á viðburðum þar sem Michelle Wu hefur komið fram, þar á meðal við minningarathöfn sem haldin var í Boston þann 17. mars 2022. Á ljósmynd sem tekin var af fréttaljósmyndara Boston Herald þennan dag má sjá Sigríði í bakgrunni þar sem hún heldur á skilti þar sem stendur: „Berum Wu út“. Ber fyrir sig miskilning Forsaga málsins er sú að þann 3. febrúar á seinasta ári fóru fram mótmæli fyrir utan heimili borgarstjórans Michelle Wu þar sem hópur fólks safnaðist saman. Um var að ræða eina af mörgum mótmælaaðgerðum á vegum Boston First Responders United- hóps sem var stofnaður í kjölfar þess að Michelle Wu setti á bólusetningarskyldu fyrir alla starfsmenn borgarinnar í desember 2021. Fram kemur að Sigríður Baldursdóttir, íslenska konan sem um ræðir, hafi verið hluti af mótmælendahópnum þennan dag. Kveðst hún hafa staðið fyrir utan heimili borgarstjórans þegar lögreglumaður ýtti henni í burtu til að tryggja að bifreið borgarstjórans gæti keyrt frá húsinu, og um leið hafi líkamsmyndavél lögreglumannsins losnað og dottið á jörðina. Segist Sigríður hafa tekið eftir myndavélinni og haldið að hún væri í eigu annars lögreglumanns sem var á frívakt og var sjálfur þátttakandi í mótmælunum þennan dag. Hún hafi því tekið myndavélina og sett hana inn í bíl umrædds lögreglumanns. Hinn lögreglumaðurinn lagði í kjölfarið fram ákærubeiðni (criminal complaint) á hendur Sigríði og sakaði hana um stuld. Beiðnin var samþykkt af dómara eftir að svokölluð „show cause hearing“ eða óformleg réttarhöld fóru fram og kæra var gefin út í apríl á seinasta ári. Segist ekki skilja ensku Þann 23.mars síðastliðinn lagði Sigríður fram stefnu á hendur Boston borg og Michelle Wu borgarstjóra auk þriggja dómara og fulltrúa við dómstólinn í West Roxbury. Í stefnunni kemur fram að réttarhöldum í málinu hafi ítrekað verið frestað þar sem dómurinn hafi síendurtekið brugðist beiðni Sigríðar um íslenskumælandi túlk. Þá segir einnig í stefnunni að Sigríður hafi á sínum tíma flutt til Boston til að fara í listnám og sé með fasta búsetu í Bandaríkjunum en dvelji til jafns á Íslandi. Hún eigi erfitt með að tjá sig og skilja ensku þar sem hún notist fyrst og fremst við íslensku í daglegu lífi og tjáskiptin sem hafi átt sér stað fyrir dómi séu fyrir henni ,,blaður í röddum.“ Á öðrum stað í stefnunni kemur fram að Sigríður hafi glímt við áfallastreituröskun í gegnum tíðina, sem valdi henni kvíða og ofsahræðslu, og að dráttur málsins undanfarið ár hafi valdið því að hún upplifi „daglega sálarangist“. „Hún óttast stöðugt að vera sett í fangelsi, vera vísað úr landi til Íslands og hún hefur áhyggjur af afkomu sinni, verði hún sakfelld fyrir þjófnað,“ segir í stefnunni og þá kemur fram á öðrum stað að drátturinn á málsmeðferðinni sé „sálræn tortíming fyrir Frú Baldursdóttur“- sem komi frá landi sem aðhyllist málfrelsi og sanngjarna málsmeðferð. Stefna Sigríðar var lögð fram fyrir undirrétti í Suffolk í mars síðastliðnum en þann 22. júní síðastliðinn fór Boston borg fram á að málið yrði tekið fyrir hjá alríkisdómstól þar sem að um sé ræða stefnu sem snúist um stjórnarskrártengd efni. Íslendingar erlendis Dómsmál Bandaríkin Mest lesið „Sjaldan hefur stjórnmálamaður verið hamflettur jafn rækilega“ Innlent Lögregla dreifði gjörbreyttri mynd af díselþjófum Innlent Líkir aðferðum forstjóra Landsvirkjunnar við heimilisofbeldi Innlent „Það er rosalega ljótt að segja þetta en mér líður bara þannig“ Innlent „Hef ekki hitt neinn arkitekt sem finnst þetta góð hugmynd“ Innlent Dregur í land og segir Starmer og félaga verðlauna Hamas Erlent Í áfalli eftir að hafa fengið bréf frá árásarmanninum inn um lúguna Erlent Lét högg og spörk dynja á foreldrunum í tíu klukkustundir Innlent Létu sprengjum rigna á Kænugarð Erlent Meiddist á handlegg og fótum þegar glerhurð brotnaði Innlent Fleiri fréttir Lögregla dreifði gjörbreyttri mynd af díselþjófum Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Meiddist á handlegg og fótum þegar glerhurð brotnaði „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Rússnesk herflugvél mætt í Landeyjarnar „Ég held að þetta sé ekki bóla“ Kona flutt á spítala eftir fjóhjólaslys Vara við að gangast undir fegrunarmeðferðir hjá óviðurkenndum aðilum „Sjaldan hefur stjórnmálamaður verið hamflettur jafn rækilega“ Lét högg og spörk dynja á foreldrunum í tíu klukkustundir Barst tilkynning um olíustuld í Hafnarfirði „Léleg blaðamennska“ sem byggi á upphrópunum og hatri á atvinnulífi Ítrekað ofbeldi, skelfdur Íslendingur eftir skjálfta og padel-æði „Það þarf sennilega að moka þennan bíl upp“ Leggja stöðvunarkröfu á framkæmdir við Hvammsvirkjun Lögreglan leitar upplýsinga um þennan mann Lögreglan leitar þessara manna Eldur kviknaði í hjúkrunarheimili á Höfn Stöðfirðingar þreyttir á ferðamönnum sem geri þarfir sínar um allan bæ Fagnar tillögu Sigurjóns og segir veiðiráðgjöf Hafró ranga Langþreyttur á bensínbrúsum og „bílakirkjugarði“ Úkraínumenn vilja fá Íslendinga í almannavarnabandalag Risaskjálfti í Kyrrahafi og bensínbrúsabílar í Breiðholti Ákærð fyrir að bana föður og tilraun til að bana móður Skýrsla Guðlaugs Þórs frá 2018: „Aðildarviðræðunum var ekki formlega slitið“ Sjá meira
Í málsgögnum sem Vísir hefur undir höndum kemur fram að konan, Sigríður Baldursdóttir, „sé áberandi í forsvari“ fyrir réttindahreyfingu borgara sem gagnrýnt hefur pólitísk stefnumál Michelle Wu, borgarstjóra demókrata í Boston. Þá kemur einnig fram að Sigríður hafi verið áberandi á viðburðum þar sem Michelle Wu hefur komið fram, þar á meðal við minningarathöfn sem haldin var í Boston þann 17. mars 2022. Á ljósmynd sem tekin var af fréttaljósmyndara Boston Herald þennan dag má sjá Sigríði í bakgrunni þar sem hún heldur á skilti þar sem stendur: „Berum Wu út“. Ber fyrir sig miskilning Forsaga málsins er sú að þann 3. febrúar á seinasta ári fóru fram mótmæli fyrir utan heimili borgarstjórans Michelle Wu þar sem hópur fólks safnaðist saman. Um var að ræða eina af mörgum mótmælaaðgerðum á vegum Boston First Responders United- hóps sem var stofnaður í kjölfar þess að Michelle Wu setti á bólusetningarskyldu fyrir alla starfsmenn borgarinnar í desember 2021. Fram kemur að Sigríður Baldursdóttir, íslenska konan sem um ræðir, hafi verið hluti af mótmælendahópnum þennan dag. Kveðst hún hafa staðið fyrir utan heimili borgarstjórans þegar lögreglumaður ýtti henni í burtu til að tryggja að bifreið borgarstjórans gæti keyrt frá húsinu, og um leið hafi líkamsmyndavél lögreglumannsins losnað og dottið á jörðina. Segist Sigríður hafa tekið eftir myndavélinni og haldið að hún væri í eigu annars lögreglumanns sem var á frívakt og var sjálfur þátttakandi í mótmælunum þennan dag. Hún hafi því tekið myndavélina og sett hana inn í bíl umrædds lögreglumanns. Hinn lögreglumaðurinn lagði í kjölfarið fram ákærubeiðni (criminal complaint) á hendur Sigríði og sakaði hana um stuld. Beiðnin var samþykkt af dómara eftir að svokölluð „show cause hearing“ eða óformleg réttarhöld fóru fram og kæra var gefin út í apríl á seinasta ári. Segist ekki skilja ensku Þann 23.mars síðastliðinn lagði Sigríður fram stefnu á hendur Boston borg og Michelle Wu borgarstjóra auk þriggja dómara og fulltrúa við dómstólinn í West Roxbury. Í stefnunni kemur fram að réttarhöldum í málinu hafi ítrekað verið frestað þar sem dómurinn hafi síendurtekið brugðist beiðni Sigríðar um íslenskumælandi túlk. Þá segir einnig í stefnunni að Sigríður hafi á sínum tíma flutt til Boston til að fara í listnám og sé með fasta búsetu í Bandaríkjunum en dvelji til jafns á Íslandi. Hún eigi erfitt með að tjá sig og skilja ensku þar sem hún notist fyrst og fremst við íslensku í daglegu lífi og tjáskiptin sem hafi átt sér stað fyrir dómi séu fyrir henni ,,blaður í röddum.“ Á öðrum stað í stefnunni kemur fram að Sigríður hafi glímt við áfallastreituröskun í gegnum tíðina, sem valdi henni kvíða og ofsahræðslu, og að dráttur málsins undanfarið ár hafi valdið því að hún upplifi „daglega sálarangist“. „Hún óttast stöðugt að vera sett í fangelsi, vera vísað úr landi til Íslands og hún hefur áhyggjur af afkomu sinni, verði hún sakfelld fyrir þjófnað,“ segir í stefnunni og þá kemur fram á öðrum stað að drátturinn á málsmeðferðinni sé „sálræn tortíming fyrir Frú Baldursdóttur“- sem komi frá landi sem aðhyllist málfrelsi og sanngjarna málsmeðferð. Stefna Sigríðar var lögð fram fyrir undirrétti í Suffolk í mars síðastliðnum en þann 22. júní síðastliðinn fór Boston borg fram á að málið yrði tekið fyrir hjá alríkisdómstól þar sem að um sé ræða stefnu sem snúist um stjórnarskrártengd efni.
Íslendingar erlendis Dómsmál Bandaríkin Mest lesið „Sjaldan hefur stjórnmálamaður verið hamflettur jafn rækilega“ Innlent Lögregla dreifði gjörbreyttri mynd af díselþjófum Innlent Líkir aðferðum forstjóra Landsvirkjunnar við heimilisofbeldi Innlent „Það er rosalega ljótt að segja þetta en mér líður bara þannig“ Innlent „Hef ekki hitt neinn arkitekt sem finnst þetta góð hugmynd“ Innlent Dregur í land og segir Starmer og félaga verðlauna Hamas Erlent Í áfalli eftir að hafa fengið bréf frá árásarmanninum inn um lúguna Erlent Lét högg og spörk dynja á foreldrunum í tíu klukkustundir Innlent Létu sprengjum rigna á Kænugarð Erlent Meiddist á handlegg og fótum þegar glerhurð brotnaði Innlent Fleiri fréttir Lögregla dreifði gjörbreyttri mynd af díselþjófum Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Meiddist á handlegg og fótum þegar glerhurð brotnaði „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Rússnesk herflugvél mætt í Landeyjarnar „Ég held að þetta sé ekki bóla“ Kona flutt á spítala eftir fjóhjólaslys Vara við að gangast undir fegrunarmeðferðir hjá óviðurkenndum aðilum „Sjaldan hefur stjórnmálamaður verið hamflettur jafn rækilega“ Lét högg og spörk dynja á foreldrunum í tíu klukkustundir Barst tilkynning um olíustuld í Hafnarfirði „Léleg blaðamennska“ sem byggi á upphrópunum og hatri á atvinnulífi Ítrekað ofbeldi, skelfdur Íslendingur eftir skjálfta og padel-æði „Það þarf sennilega að moka þennan bíl upp“ Leggja stöðvunarkröfu á framkæmdir við Hvammsvirkjun Lögreglan leitar upplýsinga um þennan mann Lögreglan leitar þessara manna Eldur kviknaði í hjúkrunarheimili á Höfn Stöðfirðingar þreyttir á ferðamönnum sem geri þarfir sínar um allan bæ Fagnar tillögu Sigurjóns og segir veiðiráðgjöf Hafró ranga Langþreyttur á bensínbrúsum og „bílakirkjugarði“ Úkraínumenn vilja fá Íslendinga í almannavarnabandalag Risaskjálfti í Kyrrahafi og bensínbrúsabílar í Breiðholti Ákærð fyrir að bana föður og tilraun til að bana móður Skýrsla Guðlaugs Þórs frá 2018: „Aðildarviðræðunum var ekki formlega slitið“ Sjá meira