Lífið

Gulli búinn að vinna síðustu vaktina

Íris Hauksdóttir og Máni Snær Þorláksson skrifa
„Bítið! Takk fyrir mig,“ skrifar Gulli Helga með þessari mynd sem hann birti á Facebook-síðu sinni í dag.
„Bítið! Takk fyrir mig,“ skrifar Gulli Helga með þessari mynd sem hann birti á Facebook-síðu sinni í dag. Facebook/Gulli Helga

Útvarps -og sjónvarpsmaðurinn góðkunni, Gulli Helga vann sína síðstu vakt í dag. Síðastliðin tíu ár hefur hann vaknað snemma og vakið þjóðina ásamt félögum sínum í Bítinu. Hann segist þakklátur fyrir tímann en framundan séu jafnframt spennandi verkefni. 

Gulli hefur verið byrjunarliðsmaður í Bítinu í tíu ár en ferill hans þar spannar þó um fjóra áratugi aftur í tímann en hann hóf störf árið 1984. „Ég byrjaði í morgunsjónvarpinu að leysa Heimi og Ingu Lind af. Þá var ég að leysa þau af alla mánudagsmorgna,“ útskýrði hann í samtali við Vísi fyrr í mánuðinum.

Þar sagðist hann reikna með því að halda áfram að vakna snemma, þrátt fyrir að vera ekki í morgunútvarpinu. „Ég er ekkert að setjast í helgan stein.“

Það var svo þann 1. júlí árið 2013 sem hann fékk traustið og byrjaði af fullum krafti sem fastur liðsmaður í morgunþættinum á Bylgjunni. Samstarfið við Heimi stendur upp úr hjá Gulla sem segir það hafa verið ótrúlega gefandi, stundum þreytandi en mjög skemmtilegt.

Bítið Gulli byggir Fjölmiðlar Bylgjan Tímamót Sýn


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.