Innlent

Neysla og verðlag á yfirsnúningi á Íslandi

Heimir Már Pétursson skrifar
Neysla á Íslandi var 28 prósentum meiri en að jafnaði í ríkjum Evrópusambandsins í fyrra.
Neysla á Íslandi var 28 prósentum meiri en að jafnaði í ríkjum Evrópusambandsins í fyrra. Vísir/Vilhelm

Verð á mat og drykk var 42 prósentum hærra á Íslandi en að jafnaði hjá ríkjum Evrópusambandsins og töluvert hærra en á hinum Norðurlöndunum að Noregi undanskyldum.

Ísland sker sig úr á mörgum sviðum í samanburði við önnur Evrópuríki samkvæmt upplýsingum sem Hagstofan birti í dag. Þannig var landsframleiðsla á mann á Íslandi í fyrra 28% meiri en í Evrópusambandinu.

Einstaklingsbundin neyslan á Íslandi er líka mun meiri eða sem nemur 22% meiri en í Evrópusambandinu. Í þessu samhengi má nefna að í skýrslu Efnahags- og framfarastofnunar, OECD, um stöðu efnahagsmála á Íslandi sem birt var í fyrradag, kemur fram að hvergi í heiminum væru fleiri ferðamenn á hvern íbua en hér. Það kemur einnig fram í neyslunni.

Matar- og drykkjarvörur voru 42 prósentum dýrari á Íslandi í fyrra en að jafnaði innan ríkja Evrópusambandsins. Aðeins í Noregi og Sviss var verðlagið hærra.Vísir/Vilhelm

Verðbólga hefur verið svipað mikil í flestum ríkjum Evrópu og hér á landi undanfarin misseri. Engu að síður var verð á mat og drykk hvorki meira né minna en 42% hærra á Íslandi en að jafnaði í Evrópusambandinu árið 2022.

Aðeins í Noregi og Sviss var verðlag á matar- og drykkjarvörum hærra en hér á síðasta ári. Í Noregi var það 46 prósentum hærra en að jafnaði innan Evrópusambandins og 63 prósentum hærra í Sviss.

Á hinum Norðurlöndunum var verð á matar- og drykkjarvörum einnig hærra en í Evrópusambandsríkjunum en ekkert í líking við það sem munurinn er á Íslandi. Í Danmörku er verðlagið 21 prósenti hærra en 14 prósentum hærra í Finnlandi og Svíþjóð.

Verðlag Efnahagsmál

Tengdar fréttir

OECD kallar eftir auknu að­haldi í opin­berum fjár­málum

Ný skýrsla Efnahags- og framfarastofnunarinnar (OECD) um Ísland var birt í dag. Í henni segir að staða efnahagsmála hér á landi sé góð efnahagslegar afleiðingar heimsfaraldursins hafa að mestu gengið til baka. Fjármálastefna hafi fylgt þeim áætlunum sem lagt var upp með þegar síðasta skýrsla kom út árið 2021. Verðbólga sé þó þrálát og styrkja megi aðhald stefnunnar og styðja þannig enn betur við peningastefnu.

Fast­­eign­­a­v­erð hækk­­að­i mest á Ís­land­­i af OECD lönd­un­um frá 2010

Fasteignaverð hefur hækkað mest hér á landi frá árinu 2010 miðað við önnur iðnríki. Mun meira en víða í nágrannalöndunum. Aðalhagfræðingur Samtaka iðnaðarins bendir á að íbúafjölgun og hagvöxtur hafi verið mun meiri hérlendis en í ríkjum Evrópusambandsins á tímabilinu. „Á sama tíma hefur framboð nýrra íbúða verið of lítið hér á landi,“ segir hann. Aftur á móti þegar litið er til hækkunar frá árinu 2006 er sagan önnur. Þá skerum við okkur ekki úr nágrannalöndum okkar. Hagfræðingur Reykjavík Economics rekur þessa miklu hækkun frá árinu 2010 meðal annars til þess að fasteignaverð hérlendis lækkaði „skarpt“ í kjölfar alþjóðlegu fjármálakreppunnar.

Kallar eftir samstöðu og býst við lækkun verðbólgu

Ásgeir Jónsson, seðlabankastjóri, segir þörf á heildarlausn við verðbólguvandanum. Forsvarsmenn mismunandi fylkinga þurfi að setjast niður og setja saman stefnu fyrir framtíðina. Hann segist einnig telja að verðbólga muni lækka hraðar en spár geri ráð fyrir.

Mest lesið


Fleiri fréttir

Sjá meira


×

Mest lesið