Kristján H. Hákonarson hefur verið ráðinn forstöðumaður upplýsingatækni hjá Háskólanum í Reykjavík. Hann tekur til starfa þann 1. ágúst næstkomandi.
Í tilkynningu frá Háskólanum í Reykjavík kemur fram að upplýsingatæknideildin sinni hugbúnaðarþróun og notendaþjónustu gagnvart nemendum og starfsfólki á sviði upplýsingatækni. Telji sá hópur um 5.200 manns og umfangið því talsvert.
Kristján hefur áður starfað sem forstöðumaður hjá Advania og við gæða- og öryggismál hjá Eflu, Arion banka og Taugagreiningu. Hann lærði Kerfisfræði við háskólann í Skövde og lauk í vor MBA-námi frá Háskólanum í Reykjavík.
Sveinbjörn Finnsson hefur verið ráðinn forstöðumaður nýrrar deildar Verkefnaþróunar hjá Landsvirkjun á sviði Viðskiptaþróunar og nýsköpunar.
Sigríður Margrét Oddsdóttir ráðin hefur verið framkvæmdastjóri Samtaka atvinnulífsins. Hún tekur við starfinu af Halldóri Benjamín Þorbergssyni sem tekur við störfum sem forstjóri fasteignafélagsins Regins.
Ólöf Embla Eyjólfsdóttir hefur verið ráðin lögfræðingur hjá Mannréttindaskrifstofu Íslands.
