Miðasala á viðureign þessara liða hefur verið mikið í umræðunni undanfarna daga og nú þegar komið er að oddaleik er engin breyting þar á.
Ef marka má umfjöllun Karfan.is um miðasöluna á oddaleikinn seldust forsölumiðarnir upp á aðeins fimm mínútum og því er ljóst að færri munu komast að en vilja.
Í færslu körfuknattleiksdeildar Vals á Facebook kemur þó fram að almenn miðasala hefjist á morgun, miðvikudag, klukkan 14:00, svo framarlega að einhverjir miðar verði eftir.
Þeir sem ætla að skella sér á leik verða því að hafa hraðar hendur þegar miðasalan opnar á morgun, að því gefnu að einhverjir miðar verði enn í boði.
Oddaleikur Vals og Tindastóls um Íslandsmeistaratitilinn í körfubolta fer fram á fimmtudagskvöld kukkan 19:15 og verður að sjálfsögðu í beinni útsendingu á Stöð 2 Sport.
