Ákærður fyrir morðið á Miu

Bjarki Sigurðsson skrifar 22. mars 2023 14:25

Mia Skadhauge Stevn var 22 ára þegar hún var myrt. Lögreglan á Jótlandi

37 ára gamall karlmaður hefur verið ákærður fyrir morðið á hinni 22 ára gömlu Miu Skadhauge Stevn í Álaborg í Danmörku fyrir rúmu ári síðan. Maðurinn kveðst vera saklaus.

Danska ríkisútvarpið greinir frá þessu.

Mia hvarf þann 6. febrúar á síðasta ári. Hún var stödd í miðborg Álaborgar á Jótlandi snemma þennan sunnudagsmorgun eftir að hafa verið úti að skemmta sér um nóttina. Á öryggismyndavélum mátti sjá hana ræða við menn í dökkum bíl um stutta stund áður en hún steig upp í bíl. Hún fannst nokkrum dögum síðar látin í Dronninglund Storskov.

Tveir menn voru handteknir stuttu eftir hvarfið en öðrum þeirra var síðar sleppt. Hinn hefur hins vegar verið í gæsluvarðhaldi síðan þá.

Hann hefur nú verið ákærður en hann segist vera saklaus. Hvorki lögreglan né saksóknarar í Danmörku hafa viljað tjá sig um málið.

Danmörk Erlend sakamál

Tengdar fréttir

Telja sig hafa fundið líkamsleifar Miu og tveir menn grunaðir um morð

Lögreglan í Danmörku hefur fundið líkamsleifar sem taldar eru vera Mia Skadhauge Stevn sem hvarf á sunnudaginn. Tveir menn hafa verið handteknir og eru grunaðir um að hafa myrt Miu.

10. febrúar 2022 20:09

Tveir handteknir vegna gruns um að tengjast hvarfi á 22 ára konu í Álaborg

Lögregla í Danmörku hefur handtekið tvo 36 ára karlmenn vegna gruns um að tengjast hvarfinu á hinni 22 ára Mia Skadhauge Stevn. Ekkert hefur spurst til konunnar frá því að sást til hennar á öryggismyndavélum stíga upp í bíl í miðborg Álaborgar á Jótlandi snemma á sunnudagsmorgun, en málið hefur vakið mikla athygli í Danmörku.

9. febrúar 2022 13:06

Annar mannanna í gæsluvarðhald en hinum sleppt

Dómari í Álaborg hefur úrskurðað 36 ára karlmann í fjögurra vikna gæsluvarðhalds vegna hvarfs hinnar 22 ára Mia Skadhauge Stevn. Lögregla handtók tvo karlmenn, báða 36 ára, vegna málsins í gær og hefur hinn nú verið látinn laus. Saksóknarar hafa hins vegar áfrýjað þeirri ákvörðun dómsins.

10. febrúar 2022 14:57

Mest lesið

Fleiri fréttir