Sævar er einnig formaður hollvinasamtaka Heilbrigðistofnunnar Vesturlands, stjórnarmaður Eðalfangs og þróunarfélags Breiðarinnar.
Í kaffispjalli um helgar er rætt við fólk í ólíkum störfum. Við spyrjum alltaf um það hvenær fólk vaknar á morgnana, hvað er það fyrsta sem það gerir þá og hvenær fer fólk að sofa. Við spyrjum líka um skipulagið og helstu verkefnin í vinnunni.
Hvenær vaknar þú á morgnana?
„Ég vakna fimm mínútur yfir sjö. Þessar auka fimm mínútur gera mikið, en það er nú farið að gerast æ oftar að ég vakni á undan klukkunni. Tvö barna minna eiga von á sínu fyrsta barni og er ég afar spenntur fyrir afa hlutverkinu.
Dóttir mín sem á von á sér býr heima og er því viss um að morgunrútínan muni taka breytingum fljótlega þegar nýr fjölskyldumeðlimur kemur inn í líf okkar.“
Hvað er það fyrsta sem þú gerir á morgnana?
Það er alltaf regla hjá mér að lesa eða skima yfir fréttamiðlanna. Byrja hér heima og tek stöðuna svo á erlendum vettvangi. Þegar því er lokið þá er það morgunmaturinn og fáum við konan okkur oftast ávaxtabúst.“
Hvort myndir þú velja að dansa af þér skóna undir diskólagi eða rokki?
Ég er nú mun meira fyrir rokkið þó það sé auðvelt að fá mig til að dansa við flest alla tónlist. Led Zeppelin er í miklu uppáhaldi en einnig Bítlarnir og Kiss.
Ég vel því rokkið.
Það koma upp í hugann nokkur geggjuð lög, svo sem We Will Rock You með Queen, Start Me Up með The Rolling Stones, You Really Got Me með Kinks, Rock And Roll All Nite með Kiss. Back In Black með AC/DC. Það má vel dansa við diskó en þá er nokkur frábær lög í huga sem Abba og Bee Gees eiga.“
Í hvaða verkefni ertu að vinna helst í þessa dagana?
„Við erum að sækja mjög mikið fram í atvinnumálum. Mikil ásókn er í lóðir í Grænum iðngörðum í flóahverfi sem er rétt fyrir utan íbúðakjarna Akranes og erum að fara í frekari gatnagerð til að mæta eftirspurninni. Þar ætlum við að hjálpa fyrirtækjum að vera tilbúin til að mæta kröfum í loftslagsmálum og stuðla að betri nýtingu auðlinda, svo sem vatni eða hráefna hjá fyrirtækjum.
Hjá Breið þróunarfélagi erum við í mjög gefandi samstarfi við Brim og undirbúum við nú stór uppbyggingaráform byggt á nýlokinni hugmyndasamkeppni. Þetta kemur í framhaldi af því að hafa náð frábærum árangri í uppbyggingu rannsóknar- og nýsköpunar miðstöðvar og opnun Fab lab smiðju Vesturlands og líftækniseturs. Þá eru áform frábæra loftslagsfyrirtækisins Running Tide að opna nýjar víddir í tækifærum fyrir okkur og viljum við styðja við þau í þeirra mikilvægu vegferð og reglulega á borði okkar verkefni til að styðja þá áfram. Þá erum við að vinna að viljayfirlýsingu um uppbyggingu hótels, baðlóns og heilsulindar ásamt uppbyggingu íþróttamannvirkja sem klárast á næstu vikum.
Mikil ásókn er að fá að búa á Akranesi og þrýstingur á úthlutun lóða sem kemur ekki á óvart með frábæru leik- og grunnskólana okkar og frístundastarf. Hér er frír strætó innanbæjar og fasteignagjöld þau lægstu á SV- horni landsins svo eitthvað sé nefnt. Við erum við nú að undirbúa úthlutun og útboð lóða í Skógarhverfi, Sementsreit og á Dalbrautarreit. Jafnframt er fyrirhuguð mikil uppbygging við Smiðjuvelli. Samtals eru þetta lóðir fyrir nálægt 1000 íbúðir sem munu fara í uppbyggingu á næstu árum sem bætast við tæplega 600 íbúðir sem eru á lóðum sem hefur verið úthlutað.
Þessi stækkun bæjarfélagsins kallar á að við erum að byggja eða undirbúa byggingu leikskóla, stækka eða bæta báða grunnskólanna. Byggja nýtt íþróttahús og hefja uppbyggingu nýs húss fyrir starfsemi áhaldahúss, fjöliðju og dósamóttöku. Þá er undirbúin uppbygging samfélagsmiðstöðvar fyrir börn, ungmenni og fyrir starfsemi fjöliðju.
Öll þessi uppbygging er svo að kalla á lánsfjármögnun sem gekk vel og við vorum að ljúka enda Akranes skuldlítið sveitarfélag.“
Hvernig skipuleggur þú þig í vinnu?
„Ég notaði um tíma Monday sem var mjög fín lausn en þegar Covid skall á þá sáum við tækifæri að fækka hugbúnaðarlausnum og nýta meira Teams.
Nú hef ég haldið utan um verkefni mín og til að tryggja yfirsýn yfir mín verkefni og samstarfsmanna í Teams Tasks by Planner.
Fyrir sameiginleg verkefni notum við Sharepoint en erum á fullu í workpoint innleiðingu og taka þar upp stýringu verkefna og spennandi breytingar eru því í farvatninu.
Finnst einnig gott að geta skrifað hjá mér þegar skemmtilegar hugmyndir vakna og færi þá síðar inn í hugbúnað.“
Hvenær ferðu að sofa á kvöldin?
„Það er mjög misjafnt. Er B týpa sem hef alltaf vakað eitthvað inn í nóttina en síðustu ár hef ég tekið mér tak í þessu og er orðin samviskusamari með svefn. Reyni nú orðið að sofna um hálf tólf til tólf.“
