Dagur vonar að Egill og aðrir geti dregið fram skautana fyrr en seinna Jakob Bjarnar skrifar 19. janúar 2023 11:15 Egill hefur velt af stað nostalgísku skautaæði á netinu en netverjar búsettir í miðborginni velta því fyrir sér hvers vegna borgaryfirvöld skafi ekki snjóinn af tjörninni svo það geti dregið fram skautana. Dagur segir að snjóruðningstæki borgarinnar hafi verið nýtt í mokstur að undanförnu, á götum og stígum ekki af veitt. vísir/vilhelm/Schinn Egill Helgason sjónvarpsmaður birti á dögunum gamla mynd af ísilagðri tjörninni í Reykjavík. Og óhætt er að segja að skautaáhugi í bland við fortíðarþrá hafi brotist út á netinu í kjölfarið, einkum meðal miðborgarbúa og Vesturbæinga. Egill fylgir myndinni úr hlaði með eftirfarandi orðum: „Sumt skil ég ekki. Eins og að ekki skuli vera búið að fara með sköfu og búa til skautasvell á Tjörninni eftir langvarandi froststillur. Er þetta þó beint fyrir framan Ráðhúsið og borgarfulltrúana. Þar sem Ráðhúsið stendur var meira að segja hús þar sem maður reimdi á sig skautana í eina tíð.“ Fjölmargir lýsa sig hjartanlega sammála Agli, „læk-in“ eru komin yfir þúsund og myndinni og áskorun Egils hefur verið dreift um um netheima, meðal annars inn á Facebook-hópinn Vesturbærinn þangað sem Sveinn Sigurður Kjartansson deilir og segir: Nákvæmlega! „Ég er búinn að vera afar hugsi yfir þessu og kannski maður sendi tölvupóst fyrst ekkert virðist gerast af sjálfu sér.“ Líf Magneudóttir borgarfulltrúi Vinstri grænna tekur til máls á þeim vettvangi og segist hafa sent skeyti 28. desember … „á skrifstofu umhirðu borgarlandsins og bað um skautasvell. Eðli málsins samkvæmt var mikið að gera á þeim tíma, enginn mannskapur til reiðu og tækin öll í notkun en þau ætluðu að ganga í þetta um leið og færi gæfist. Ég er enn að bíða.“ Götur og stígar í forgangi Vísir setti sig í samband við Dag B. Eggertsson borgarstjóra og spurði hann hvort það væri ekki vert að láta til sín taka, drífa sig út á ísinn með skóflu og kúst og pússa klakann fyrir skautaglaða borgarbúa? „Já, þetta er vel athugað hjá Agli,“ segir Dagur. En nú er sú staða uppi að mikill snjór er á ísnum. „Vaskir starfsmenn borgarinnar skafa jafnan svellið á Tjörninni þegar snjóar í það. Þannig hefur þó háttað til í vetur að það var egg-slétt og snjólaust í frostinu nær allan desember og var talsvert notað til skauta og leikja borgarbúa á öllum aldri.“ Myndin er að sönnu skemmtileg en hún mun hafa verið tekin 1942 og ljósmyndarinn er Alida Visscher Schinn. En skömmu fyrir jól snjóaði svo um munaði eins og flestir vita, sem þýðir að ógerlegt er að þjóta um ísilagða tjörnina á skautum. „Eftir að snjóinn gerði var það sett í forgang að tækin væru í mokstri á götum og stígum og hefur ekki veitt af. Við eigum svo von á rigningu samkvæmt spám í vikulok. Munum hins vegar sæta færis þegar gerir frostakafla aftur og skafa svellið. Egill og aðrir geta þá tekið fram skautana.“ Myndin frá árinu 1941 Umrædd mynd, kveikjan að skautagleðinni nú, er Agli hugleikin því í febrúar 2016 birti hann myndina og lét fylgja bloggpistli sínum en myndina hafði hann af vef sem heitir Gamlar ljósmyndir, en þar var sagt að myndina hafi Alida Visscher Schinn tekið. „Myndin mun vera tekin 1941 og sýnir mikinn fjölda fólks á skautum á Tjörninni. Í mínu ungdæmi var Tjörnin ennþá þessi samkomustaður á vetrum, börn flykktust þangað á skauta, það var leikin tónlist úr hátölurum og ef ég man rétt var hægt að kaupa kakó í kjallara húss sem stóð þar sem Ráðhúsið er núna,“ skrifaði Egill þá og bætti því við að þangað hafi hann farið með vinum sínum og kynntist börnum úr öðrum hverfum. Skautaíþróttir Borgarstjórn Veður Reykjavík Einu sinni var... Mest lesið Dullarfull brotlending nærri Area 51 Erlent Engan óraði fyrir framhaldinu Erlent „Það er sárt að þurfa að horfa á eftir þeim“ Innlent Spyr hvort aflífa þurfi sig vegna mjaðmaskipta Innlent Trump og „maðurinn með ljáinn“ hóta að greiða ekki laun Erlent Tóku farsíma af unglingum í Hafnarfirði og millifærðu af reikningum Innlent Lögregla lýsir eftir Aylin Innlent Stofna hreyfingu til undirbúnings íslenskum her Innlent Ekki hlutverk stjórnarandstöðunnar að halda uppi stemmingu Innlent Á leið til Suður-Afríku með syni sína í meðferð vegna úrræðaleysis Innlent Fleiri fréttir „Það er sárt að þurfa að horfa á eftir þeim“ Ekki hlutverk stjórnarandstöðunnar að halda uppi stemmingu Segir réttast að ráðherra dragi drögin í heild sinni til baka Spyr hvort aflífa þurfi sig vegna mjaðmaskipta Þungt símtal bónda í Skagafirði Lögregla lýsir eftir Aylin Dæmi um að aðstandendur beri fíkniefni í börn á Stuðlum Tóku farsíma af unglingum í Hafnarfirði og millifærðu af reikningum Stofna hreyfingu til undirbúnings íslenskum her Fólk hvatt til að setjast og spjalla á spjallbekknum Diljá hlustaði á Bítið með tárin í augunum Kyngreint nautasæði kemur vel út Samþykkt að kortleggja eignarhald sjávarútvegsfyrirtækja „Þýðir ekki bara að moka yfir hlutina“ Segir stöðuna á sjúkrahúsinu á Akureyri grafalvarlega „Það þarf að gera meira og hraðar“ Ekki áfellisdómur yfir kerfinu að farið sé með börn í meðferð í Suður-Afríku Snjór í Esjunni en ekki víst að hann festist Farþegi á bak og burt þegar björgunaraðilar mættu „Munum fagna þegar riðu hefur verið útrýmt á Íslandi“ „Ekki svo að allir bændur séu að kvarta“ Tvö ár liðin frá árásum Hamas og alvarlegt rútuslys á Snæfellsnesi Vilja heimili á markað en ekki uppboð við nauðungarsölu Þriðjungur telur sumarfrí grunnskólabarna of langt Óánægja með stjórnarandstöðu í hæstu hæðum Mótmæla við ríkisstjórnarfund og kalla eftir aðgerðum Á leið til Suður-Afríku með syni sína í meðferð vegna úrræðaleysis Umferð stýrt eftir að ekið var á grindverk á Austurvegi Skorið á hjólbarða og spreyjað á bifreiðar Búningsklefar minna á fatagám: „Þetta mun aldrei breytast, því miður“ Sjá meira
Egill fylgir myndinni úr hlaði með eftirfarandi orðum: „Sumt skil ég ekki. Eins og að ekki skuli vera búið að fara með sköfu og búa til skautasvell á Tjörninni eftir langvarandi froststillur. Er þetta þó beint fyrir framan Ráðhúsið og borgarfulltrúana. Þar sem Ráðhúsið stendur var meira að segja hús þar sem maður reimdi á sig skautana í eina tíð.“ Fjölmargir lýsa sig hjartanlega sammála Agli, „læk-in“ eru komin yfir þúsund og myndinni og áskorun Egils hefur verið dreift um um netheima, meðal annars inn á Facebook-hópinn Vesturbærinn þangað sem Sveinn Sigurður Kjartansson deilir og segir: Nákvæmlega! „Ég er búinn að vera afar hugsi yfir þessu og kannski maður sendi tölvupóst fyrst ekkert virðist gerast af sjálfu sér.“ Líf Magneudóttir borgarfulltrúi Vinstri grænna tekur til máls á þeim vettvangi og segist hafa sent skeyti 28. desember … „á skrifstofu umhirðu borgarlandsins og bað um skautasvell. Eðli málsins samkvæmt var mikið að gera á þeim tíma, enginn mannskapur til reiðu og tækin öll í notkun en þau ætluðu að ganga í þetta um leið og færi gæfist. Ég er enn að bíða.“ Götur og stígar í forgangi Vísir setti sig í samband við Dag B. Eggertsson borgarstjóra og spurði hann hvort það væri ekki vert að láta til sín taka, drífa sig út á ísinn með skóflu og kúst og pússa klakann fyrir skautaglaða borgarbúa? „Já, þetta er vel athugað hjá Agli,“ segir Dagur. En nú er sú staða uppi að mikill snjór er á ísnum. „Vaskir starfsmenn borgarinnar skafa jafnan svellið á Tjörninni þegar snjóar í það. Þannig hefur þó háttað til í vetur að það var egg-slétt og snjólaust í frostinu nær allan desember og var talsvert notað til skauta og leikja borgarbúa á öllum aldri.“ Myndin er að sönnu skemmtileg en hún mun hafa verið tekin 1942 og ljósmyndarinn er Alida Visscher Schinn. En skömmu fyrir jól snjóaði svo um munaði eins og flestir vita, sem þýðir að ógerlegt er að þjóta um ísilagða tjörnina á skautum. „Eftir að snjóinn gerði var það sett í forgang að tækin væru í mokstri á götum og stígum og hefur ekki veitt af. Við eigum svo von á rigningu samkvæmt spám í vikulok. Munum hins vegar sæta færis þegar gerir frostakafla aftur og skafa svellið. Egill og aðrir geta þá tekið fram skautana.“ Myndin frá árinu 1941 Umrædd mynd, kveikjan að skautagleðinni nú, er Agli hugleikin því í febrúar 2016 birti hann myndina og lét fylgja bloggpistli sínum en myndina hafði hann af vef sem heitir Gamlar ljósmyndir, en þar var sagt að myndina hafi Alida Visscher Schinn tekið. „Myndin mun vera tekin 1941 og sýnir mikinn fjölda fólks á skautum á Tjörninni. Í mínu ungdæmi var Tjörnin ennþá þessi samkomustaður á vetrum, börn flykktust þangað á skauta, það var leikin tónlist úr hátölurum og ef ég man rétt var hægt að kaupa kakó í kjallara húss sem stóð þar sem Ráðhúsið er núna,“ skrifaði Egill þá og bætti því við að þangað hafi hann farið með vinum sínum og kynntist börnum úr öðrum hverfum.
Skautaíþróttir Borgarstjórn Veður Reykjavík Einu sinni var... Mest lesið Dullarfull brotlending nærri Area 51 Erlent Engan óraði fyrir framhaldinu Erlent „Það er sárt að þurfa að horfa á eftir þeim“ Innlent Spyr hvort aflífa þurfi sig vegna mjaðmaskipta Innlent Trump og „maðurinn með ljáinn“ hóta að greiða ekki laun Erlent Tóku farsíma af unglingum í Hafnarfirði og millifærðu af reikningum Innlent Lögregla lýsir eftir Aylin Innlent Stofna hreyfingu til undirbúnings íslenskum her Innlent Ekki hlutverk stjórnarandstöðunnar að halda uppi stemmingu Innlent Á leið til Suður-Afríku með syni sína í meðferð vegna úrræðaleysis Innlent Fleiri fréttir „Það er sárt að þurfa að horfa á eftir þeim“ Ekki hlutverk stjórnarandstöðunnar að halda uppi stemmingu Segir réttast að ráðherra dragi drögin í heild sinni til baka Spyr hvort aflífa þurfi sig vegna mjaðmaskipta Þungt símtal bónda í Skagafirði Lögregla lýsir eftir Aylin Dæmi um að aðstandendur beri fíkniefni í börn á Stuðlum Tóku farsíma af unglingum í Hafnarfirði og millifærðu af reikningum Stofna hreyfingu til undirbúnings íslenskum her Fólk hvatt til að setjast og spjalla á spjallbekknum Diljá hlustaði á Bítið með tárin í augunum Kyngreint nautasæði kemur vel út Samþykkt að kortleggja eignarhald sjávarútvegsfyrirtækja „Þýðir ekki bara að moka yfir hlutina“ Segir stöðuna á sjúkrahúsinu á Akureyri grafalvarlega „Það þarf að gera meira og hraðar“ Ekki áfellisdómur yfir kerfinu að farið sé með börn í meðferð í Suður-Afríku Snjór í Esjunni en ekki víst að hann festist Farþegi á bak og burt þegar björgunaraðilar mættu „Munum fagna þegar riðu hefur verið útrýmt á Íslandi“ „Ekki svo að allir bændur séu að kvarta“ Tvö ár liðin frá árásum Hamas og alvarlegt rútuslys á Snæfellsnesi Vilja heimili á markað en ekki uppboð við nauðungarsölu Þriðjungur telur sumarfrí grunnskólabarna of langt Óánægja með stjórnarandstöðu í hæstu hæðum Mótmæla við ríkisstjórnarfund og kalla eftir aðgerðum Á leið til Suður-Afríku með syni sína í meðferð vegna úrræðaleysis Umferð stýrt eftir að ekið var á grindverk á Austurvegi Skorið á hjólbarða og spreyjað á bifreiðar Búningsklefar minna á fatagám: „Þetta mun aldrei breytast, því miður“ Sjá meira