Kórónuveirusmit hjá stjörnuleikmanni Dana

Danski landsliðsmaðurinn Mads Mensah Larsen er sá nýjasti í danska hópnum til að fá jákvæða niðurstöðu úr smitprófi.

Allir leikmenn á HM í handbolta þurftu að taka PCR-próf mest 72 klukkutímum fyrir komuna á heimsmeistaramótið.

Danski landsliðsmaðurinn Simon Pytlick hafði áður greinst með kórónuveiruna og nú hefur Mads Mensah bæst í hópinn. Þeir eru báðir í einangrun.

Allir aðrir leikmenn og starfsmenn danska liðsins fengu neikvæða niðurstöðu.

Leikmenn þurfa síðan að gangast aftur undir kórónuveirupróf fyrir milliriðlana og svo aftur fyrir útsláttarkeppnina.

Danir mæta Belgum á föstudaginn í fyrsta leik sínum á HM og Mads Mensah vissir að öllum líkindum af þeim leik.