Lögreglan á höfuðborgarsvæðinu hefur fengið fjölmargar ábendingar um vitni að því þegar hreyfihamlaður karlmaður á áttræðisaldri missti meðvitund í Breiðholtslaug í desember. Andlátið er til rannsóknar hjá lögreglu.
Grímur Grímsson, yfirmaður miðlægrar rannsóknardeildar lögreglu, segir að rætt hafi verið við nokkur vitni en enn vanti frekari upplýsingar í málinu.
Krufningu er lokið en Grímur segir lögregluna að svo stöddu ekki munu ræða hverju hún skilaði. Lögreglan hefur upptökur úr eftirlitsmyndavélum sundlaugarinnar til skoðunar sem sýna aðdraganda þess að maðurinn missti meðvitund.
Grímur segir engan með stöðu sakbornings í málinu.
Lögreglan á höfuðborgarsvæðinu vill ná tali af sundlaugargestum sem voru á vettvangi þegar karlmaður á áttræðisaldri missti meðvitund í Breiðholtslaug og lést í kjölfarið í síðasta mánuði. Andlát mannsins er til rannsóknar hjá lögreglunni.
Lögreglan á höfuðborgarsvæðinu hefur andlát hreyfihamlaðs manns í Breiðholtslaug til rannsóknar. Talið er að hann hafi legið hreyfingarlaus á botni heits potts í um þrjár mínútur áður en sundlaugargestur kom að honum. Maðurinn var á áttræðisaldri þegar hann lést í byrjun desember.
