Leitað fram á kvöld að skipverjanum

Ellen Geirsdóttir Håkansson skrifar 6. desember 2022 17:48

Hér má sjá þegar neðansjávarfarið var flutt á léttbát. Landhelgisgæslan

Leit að skipverjanum á Sighvati GK-57 sem féll útbyrðis á laugardag úti fyrir Garðsskaga heldur áfram fram á kvöld.

Við leit dagsins var notast við neðansjávarfar frá Teledyne Gavia ásamt þyrlu Landhelgisgæslunnar.

Neðansjávarfarið er búið hliðarhljóðsjá og myndavél til þess að athuga megi sjávarbotninn en þegar leit lýkur í kvöld mun úrvinnsla gagna frá neðansjávarfarinu hefjast.

Hér að neðan má sjá neðansjávarfarið fært á léttbát og staðsetningu undirbúna fyrir leit fyrr í dag.

Leit að skipverja á Sighvati GK-57 Landhelgisgæslan

Tengdar fréttir

Öryggismyndavélar um borð en engin upptaka af slysinu

Leitin að skipverjanum sem féll frá borði við Garðskagavita á laugardag hefur enn engan árangur borið. Lögreglan á Suðurnesjum segir að öryggismyndavélar hafi verið um borð en myndbandsupptaka sé ekki til af slysinu.

6. desember 2022 15:14

Skipverjinn þriggja barna faðir sem flutti til Íslands ungur

Skipverjinn á Sighvati GK-57 í Grindavík sem leitað hefur verið að frá því á laugardag heitir Ekasit Thasaphong og er fæddur árið 1980. Hann býr í Grindavík ásamt eiginkonu og þremur börnum.

5. desember 2022 20:49

Notast við neðansjávarfar við leitina að skipverjanum

Áhöfnin á varðskipinu Þór heldur leit áfram í dag að skipverjanum sem féll útbyrðis á laugardag úti fyrir Garðskaga. Leitað verður með neðansjávarfari frá Teledyne Gavia á svæðinu þar sem talið er að maðurinn hafi fallið fyrir borð.

6. desember 2022 10:54