Þrátt fyrir að vera án þriggja lykilmanna sigruðu Valsmenn Eyjamenn, 33-38, í fyrsta leik 11. umferðar Olís-deildar karla í dag.
Eftir leikinn sá Erlingur sér ekki fært að mæta í viðtöl hjá íþróttadeild, ekki frekar en eftir síðustu leiki ÍBV. Arnar Daði sendi Erlingi pillu á Twitter vegna þess og sagði að hann hefði ekki mætt í viðtöl því honum fyndist ekki mikið til Seinni bylgjunnar koma.
„Afhverju mætir Erlingur Richardsson þjálfari ÍBV ekki í viðtöl eftir leik? Jú útaf honum finnst Seinni bylgjan vera skrípa þáttur - vill ekki taka þátt í þeim skrípaleik,“ skrifaði Arnar Daði og beitti svo kaldhæðninni fyrir sig. „Þetta er einmitt það sem við í þjóðaríþróttinni þurfum. Fleiri menn eins og hann. Einmitt.“
Afhverju mætir Erlingur Richardsson þjálfari ÍBV ekki í viðtöl eftir leik? Jú útaf honum finnst Seinni bylgjan vera skrípa þáttur - vill ekki taka þátt í þeim skrípaleik. Þetta er einmitt það sem við í þjóðaríþróttinni þurfum. Fleiri menn eins og hann. Einmitt. Einar. #Handkastið
— Arnar Daði (@arnardadi) December 3, 2022
ÍBV er í 4. sæti Olís-deildarinnar með fjórtán stig eftir tólf umferðir. Liðið hefur tapað fjórum af síðustu sex deildarleikjum sínum.
