Endar Brady hjá Patriots og Rodgers hjá Jets? Smári Jökull Jónsson skrifar 30. nóvember 2022 23:31 Tom Brady er nú leikmaður Tampa Bay Buccaneers en verður með lausan samning eftir tímabilið. Vísir/Getty NFL deildin er í fullum gangi um þessar mundir en það stoppar þó ekki spekinga að spá fyrir um hvað gerist að tímabilinu loknu. Í grein The Athletic er því velt upp hvað stórstjörnurnar Tom Brady og Aaron Rodgers munu gera að tímabilinu loknu en möguleikarnir eru nokkrir. Tom Brady verður með lausan samning í fyrsta sinn á sínum ferli að tímabilinu loknu en hann hefur leikið með Tampa Bay Buccaneers síðan 2020. Hann tilkynnti eftir síðasta tímabil að hann væri hættur en hætti síðan við skömmu síðar. Ákvörðun hans að hætta við að hætta kostaði hann hjónabandið við Giesele Bundchen en Brady er orðinn 45 ára gamall og af mörgum talinn besti leikstjórnandi allra tíma í NFL deildinni enda búinn að vinna sjö meistaratitla, sex með New England Patriots og einn með Tampa Bay Buccaneers. Líklegt verður að teljast að Brady íhugi það alvarlega að leggja skóna á hilluna eftir tímabilið en í grein The Athletic er ýmsum möguleikum velt upp varðandi það hvað Brady muni gera ef hann ákveður að halda áfram. Það er alls ekki sjálfgefið að hann haldi áfram hjá Tampa Bay. Bras í sóknarleik Buccaneers á þessu tímabili gæti fengið Brady til að líta í kringum sig. Einn möguleiki fyrir hann væri að horfa til heimaborgar sinnar San Francisco þar sem lið 49´ers gæti eflaust nýtt sér hans þjónustu. Kyle Shanahan er öflugur þjálfari og 49´ers með hóp sem gerir tilkall til titils. Þeir eiga þó framtíðarleikstjórnandann Trey Lance sem þykir afar efnilegur en gætu þó valið reynslu Brady framyfir hinn efnilega Lance. Endurnýjar Brady kynnin við gamla félaga? Sóknarþjálfari Oakland Raiders, Josh McDaniels, vann lengi vel með Brady hjá New England Patriots þegar Brady var þar fremstur í flokki. Hann þekkir McDaniels út og inn og það gæti heillað Brady að endurnýja kynnin við McDaniels. Raiders liðið er þó ekki líklegt til afreka eins og það er mannað og ef það breytist ekki fyrir næstatímabil er ólíklegt að Brady líti í þá áttina. Þá gæti Tennessee Titans verið lið á lista Brady en hann og Mike Vrabel, þjálfari Titans, eru miklir félagar eftir að hafa verið saman hjá Patriots. Titans liðið er betur mannað en lið Raiders og gæti gefið Brady möguleikann á því að berjast um áttunda meistarahringinn. Tom Brady og Bill Belichick voru nánast óstöðvandi saman hjá New England Patriots.Vísir/Getty Síðan er það New England Patriots, liðið sem Tom Brady lék með í nítján ár og vann sex meistaratitla með. Brady og Bill Belichick, þjálfari Patriots bera enn gríðarlega virðingu fyrir hvorum öðrum sem sést best á því að þegar Brady sneri aftur á Gilette völlinn í New England árið 2021 eyddu þeir rúmum tuttugu mínútum saman í búningsherbergi gestaliðsins á fundi eftir leik. Patriots liðið getur eytt peningum fyrir næsta tímabil þar sem þeir eru 50 milljónum dollara undir launaþaki NFL deildarinnar og gætu nýtt þá peninga til að laga það sem þarf að laga hjá liðinu. Er Rodgers kominn með nóg í Green Bay? Aaron Rodgers hefur verið einn besti leikstjórnandi deildarinnar síðustu ár en hann hefur leikið með Green Bay Packers síðan árið 2005. Rodgers verður 39 ára gamall á föstudag og því farið að síga á seinni hluta ferilsins. Green Bay liðinu hefur gengið hörmulega á tímabilinu en Packers var spáð góðu gengi. Þó svo að líklegast sé að Rodgers ákveði að halda tryggð við Packers, eða hreinlega hætta, þá eru aðrir möguleikar í stöðunni. Packers liðið á litla möguleika á að ná sæti í úrslitakeppni NFL þetta árið og hafa verið uppi raddir um að liðið gefi varaleikstjórnandanum Jordan Love tækifæri til að sýna hvað hann getur. Ef Packers verða ánægðir með það sem þeir sjá hjá Love gætu þeir valið að skipta Rodgers út fyrir valrétt í fyrstu umferð nýliðavalsins, jafnvel tvo slíka ef Rodgers sannfærir eigendur nýja liðsins að hann muni leika að minnsta kosti tvo tímabil í viðbót. Það hefur lítið gengið hjá Rodgers og félögum í Green Bay Packers í vetur og möguleikar liðsins á að ná sæti í úrslitakeppni NFL verða minni með hverri vikunni sem líður.Vísir/Getty The Athletic veltir einnig upp möguleikanum á því að Rodgers gangi í fótsport goðsagnarinnar Brett Favre og gangi til liðs við New York Jets sem hafa komið mörgum á óvart á yfirstandandi tímabili. Pittsburgh Steelers, Indiana Colts, Oakland Raiders, New York Giants og Seattle Seahawks væru einnig mögulegir áfangastaðir fyrir Rodgers en ekkert þessara liða væri þó skref upp á við miðað við Packers liðið. Þannig var þó staðan ekki heldur þegar Tom Brady gekk til liðs við Tampa Bay árið 2020. Þegar óvissa var uppi um hvað Rodgers myndi gera eftir síðasta tímabil fylgdust öll liðin í deildinni spennt með næsta skrefi hans. Ef það er minnsti möguleiki á því að Rodgers verði á lausu þá væri það glæpsamlegt af forsvarsmönnum annarra liða að heyra ekki í honum hljóðið. NFL Mest lesið Ferrari bílarnir í henglum og verða bara verri Formúla 1 Smellti kossi á mömmu sína sem birtist óvænt fyrir leik Körfubolti ÍR vann botnslaginn og sinn fyrsta sigur Handbolti Norðurlöndin með risasigra á HM Handbolti Stuð í klefanum hjá Víkingum eftir að sætið var í höfn - myndband Íslenski boltinn Veiðifagn Stjörnumanna tekið í japönsku deildinni - myndband Íslenski boltinn Ísland vann riðilinn í Búlgaríu með yfirburðum Fótbolti Heimir Hallgrímsson og Eyjólfur Sverrisson spá báðir vítakeppni Íslenski boltinn Fyrsti Futsal-landsleikur Íslands í beinni á Haukar TV Íslenski boltinn Brasilíumenn byrja vel undir stjórn Menezes - myndband Fótbolti Fleiri fréttir Dagskráin í dag: Nóg um að vera í enska boltanum Smellti kossi á mömmu sína sem birtist óvænt fyrir leik Ferrari bílarnir í henglum og verða bara verri Norðurlöndin með risasigra á HM ÍR vann botnslaginn og sinn fyrsta sigur Everton engin fyrirstaða fyrir Newcastle Sanngjarn sigur gestanna frá Fulham Íslendingalið Norrköping féll með skömm Andri Lucas á skotskónum í svekkjandi jafntefli Fjórir sigrar í röð hjá Börsungum Atli Sigurjónsson heim í Þór Ótrúleg endurkoma Sunderland og Igor Thiago hetja Brentford Mikael Egill lagði upp sigurmark Genoa Piastri vann sprettkeppnina og dró á Norris Framlengir við Breiðablik og nálgast fimm hundruð leikina Foden kom City á beinu brautina á ný Doncic skoraði 35 stig gegn Dallas „Smá glóðarauga og nokkrar skrámur“ Snævar fylgdi Evrópumetinu eftir með því að setja Íslandsmet „Hún er sá leikmaður sem við hefðum viljað fá í þessi færi“ Palmer klár eftir að hafa tábrotnað heima hjá sér Ráðgátan með dularfulla peningaseðilinn í leik Íslands leyst Færeyingar í skýjunum: „Sennilega besti leikur sem ég hef spilað“ Baðst afsökunar á að hafa gert grín að nefi mótherja Sigursæl knattspyrnukona í herferð fyrir einstæðar mæður 58 ára gömul amma sló plankametið og á nú tvö heimsmet „Eini hópurinn sem hjálpaði mér að vera ég sjálfur“ Starfsmaður Chelsea stal 34 milljónum af félaginu Dómari gaf sautján rauð spjöld í sama leik Dagskráin: Enski, formúla, Doc Zone og Úrvalsdeildin í pílukasti Sjá meira
Tom Brady verður með lausan samning í fyrsta sinn á sínum ferli að tímabilinu loknu en hann hefur leikið með Tampa Bay Buccaneers síðan 2020. Hann tilkynnti eftir síðasta tímabil að hann væri hættur en hætti síðan við skömmu síðar. Ákvörðun hans að hætta við að hætta kostaði hann hjónabandið við Giesele Bundchen en Brady er orðinn 45 ára gamall og af mörgum talinn besti leikstjórnandi allra tíma í NFL deildinni enda búinn að vinna sjö meistaratitla, sex með New England Patriots og einn með Tampa Bay Buccaneers. Líklegt verður að teljast að Brady íhugi það alvarlega að leggja skóna á hilluna eftir tímabilið en í grein The Athletic er ýmsum möguleikum velt upp varðandi það hvað Brady muni gera ef hann ákveður að halda áfram. Það er alls ekki sjálfgefið að hann haldi áfram hjá Tampa Bay. Bras í sóknarleik Buccaneers á þessu tímabili gæti fengið Brady til að líta í kringum sig. Einn möguleiki fyrir hann væri að horfa til heimaborgar sinnar San Francisco þar sem lið 49´ers gæti eflaust nýtt sér hans þjónustu. Kyle Shanahan er öflugur þjálfari og 49´ers með hóp sem gerir tilkall til titils. Þeir eiga þó framtíðarleikstjórnandann Trey Lance sem þykir afar efnilegur en gætu þó valið reynslu Brady framyfir hinn efnilega Lance. Endurnýjar Brady kynnin við gamla félaga? Sóknarþjálfari Oakland Raiders, Josh McDaniels, vann lengi vel með Brady hjá New England Patriots þegar Brady var þar fremstur í flokki. Hann þekkir McDaniels út og inn og það gæti heillað Brady að endurnýja kynnin við McDaniels. Raiders liðið er þó ekki líklegt til afreka eins og það er mannað og ef það breytist ekki fyrir næstatímabil er ólíklegt að Brady líti í þá áttina. Þá gæti Tennessee Titans verið lið á lista Brady en hann og Mike Vrabel, þjálfari Titans, eru miklir félagar eftir að hafa verið saman hjá Patriots. Titans liðið er betur mannað en lið Raiders og gæti gefið Brady möguleikann á því að berjast um áttunda meistarahringinn. Tom Brady og Bill Belichick voru nánast óstöðvandi saman hjá New England Patriots.Vísir/Getty Síðan er það New England Patriots, liðið sem Tom Brady lék með í nítján ár og vann sex meistaratitla með. Brady og Bill Belichick, þjálfari Patriots bera enn gríðarlega virðingu fyrir hvorum öðrum sem sést best á því að þegar Brady sneri aftur á Gilette völlinn í New England árið 2021 eyddu þeir rúmum tuttugu mínútum saman í búningsherbergi gestaliðsins á fundi eftir leik. Patriots liðið getur eytt peningum fyrir næsta tímabil þar sem þeir eru 50 milljónum dollara undir launaþaki NFL deildarinnar og gætu nýtt þá peninga til að laga það sem þarf að laga hjá liðinu. Er Rodgers kominn með nóg í Green Bay? Aaron Rodgers hefur verið einn besti leikstjórnandi deildarinnar síðustu ár en hann hefur leikið með Green Bay Packers síðan árið 2005. Rodgers verður 39 ára gamall á föstudag og því farið að síga á seinni hluta ferilsins. Green Bay liðinu hefur gengið hörmulega á tímabilinu en Packers var spáð góðu gengi. Þó svo að líklegast sé að Rodgers ákveði að halda tryggð við Packers, eða hreinlega hætta, þá eru aðrir möguleikar í stöðunni. Packers liðið á litla möguleika á að ná sæti í úrslitakeppni NFL þetta árið og hafa verið uppi raddir um að liðið gefi varaleikstjórnandanum Jordan Love tækifæri til að sýna hvað hann getur. Ef Packers verða ánægðir með það sem þeir sjá hjá Love gætu þeir valið að skipta Rodgers út fyrir valrétt í fyrstu umferð nýliðavalsins, jafnvel tvo slíka ef Rodgers sannfærir eigendur nýja liðsins að hann muni leika að minnsta kosti tvo tímabil í viðbót. Það hefur lítið gengið hjá Rodgers og félögum í Green Bay Packers í vetur og möguleikar liðsins á að ná sæti í úrslitakeppni NFL verða minni með hverri vikunni sem líður.Vísir/Getty The Athletic veltir einnig upp möguleikanum á því að Rodgers gangi í fótsport goðsagnarinnar Brett Favre og gangi til liðs við New York Jets sem hafa komið mörgum á óvart á yfirstandandi tímabili. Pittsburgh Steelers, Indiana Colts, Oakland Raiders, New York Giants og Seattle Seahawks væru einnig mögulegir áfangastaðir fyrir Rodgers en ekkert þessara liða væri þó skref upp á við miðað við Packers liðið. Þannig var þó staðan ekki heldur þegar Tom Brady gekk til liðs við Tampa Bay árið 2020. Þegar óvissa var uppi um hvað Rodgers myndi gera eftir síðasta tímabil fylgdust öll liðin í deildinni spennt með næsta skrefi hans. Ef það er minnsti möguleiki á því að Rodgers verði á lausu þá væri það glæpsamlegt af forsvarsmönnum annarra liða að heyra ekki í honum hljóðið.
NFL Mest lesið Ferrari bílarnir í henglum og verða bara verri Formúla 1 Smellti kossi á mömmu sína sem birtist óvænt fyrir leik Körfubolti ÍR vann botnslaginn og sinn fyrsta sigur Handbolti Norðurlöndin með risasigra á HM Handbolti Stuð í klefanum hjá Víkingum eftir að sætið var í höfn - myndband Íslenski boltinn Veiðifagn Stjörnumanna tekið í japönsku deildinni - myndband Íslenski boltinn Ísland vann riðilinn í Búlgaríu með yfirburðum Fótbolti Heimir Hallgrímsson og Eyjólfur Sverrisson spá báðir vítakeppni Íslenski boltinn Fyrsti Futsal-landsleikur Íslands í beinni á Haukar TV Íslenski boltinn Brasilíumenn byrja vel undir stjórn Menezes - myndband Fótbolti Fleiri fréttir Dagskráin í dag: Nóg um að vera í enska boltanum Smellti kossi á mömmu sína sem birtist óvænt fyrir leik Ferrari bílarnir í henglum og verða bara verri Norðurlöndin með risasigra á HM ÍR vann botnslaginn og sinn fyrsta sigur Everton engin fyrirstaða fyrir Newcastle Sanngjarn sigur gestanna frá Fulham Íslendingalið Norrköping féll með skömm Andri Lucas á skotskónum í svekkjandi jafntefli Fjórir sigrar í röð hjá Börsungum Atli Sigurjónsson heim í Þór Ótrúleg endurkoma Sunderland og Igor Thiago hetja Brentford Mikael Egill lagði upp sigurmark Genoa Piastri vann sprettkeppnina og dró á Norris Framlengir við Breiðablik og nálgast fimm hundruð leikina Foden kom City á beinu brautina á ný Doncic skoraði 35 stig gegn Dallas „Smá glóðarauga og nokkrar skrámur“ Snævar fylgdi Evrópumetinu eftir með því að setja Íslandsmet „Hún er sá leikmaður sem við hefðum viljað fá í þessi færi“ Palmer klár eftir að hafa tábrotnað heima hjá sér Ráðgátan með dularfulla peningaseðilinn í leik Íslands leyst Færeyingar í skýjunum: „Sennilega besti leikur sem ég hef spilað“ Baðst afsökunar á að hafa gert grín að nefi mótherja Sigursæl knattspyrnukona í herferð fyrir einstæðar mæður 58 ára gömul amma sló plankametið og á nú tvö heimsmet „Eini hópurinn sem hjálpaði mér að vera ég sjálfur“ Starfsmaður Chelsea stal 34 milljónum af félaginu Dómari gaf sautján rauð spjöld í sama leik Dagskráin: Enski, formúla, Doc Zone og Úrvalsdeildin í pílukasti Sjá meira