Þú finnur réttu jólagjöfina í Lín Design

Umhverfisvæn jól

Í netverslun Lín Design er hægt að klára kaupin á einu bretti og fá sent heim að dyrum, í dropbox eða á pósthús. Lín Design leggur áherslu á umhverfisvænar vörur og selur sérstaka gjafapoka með jólamyndum á sem hægt er að nota aftur og aftur. Pokarnir eru í nokkrum stærðum og skreyttir skemmtilegum myndum Lín Design af íslensku jólasveinunum og jólakettinum. Þá er von á fjölnota jólakortum úr tré í verslunina sem hægt er að nota aftur sem skraut. Þannig gefa kortin áfram minningu um hver gaf gjöfina og gjafapokarnir nýtast áfram jól eftir jól.

Vinsælustu jólagjafirnar

„Rúmfötin eru mjög vinsæl enda notalegt að fá rúmföt í jólagjöf. Rúmföt eru eitt að því sem allir nota daglega svo mjúk og vönduð rúmföt nýtast öllum, gjöf sem gefur yl og hlýju og gaman er að gefaokkar eru úr náttúrulegu efni, langþráða Prima bómull sem er mýkri og vandaðri en hefðbundin bómull, endist lengur og hentar sérstaklega fólki með viðkvæma húð. Silkikoddaverin eru einnig mjög vinsæl gjöf,“ útskýrir Ágústa.

Kósýföt og náttfatasett eru mikið keypt í gjafir fyrir dömur og oft er ilmi bætt við og silkikoddaveri. Fyrir hann er vinsælt að kaupa náttfatasett eða slopp og þá eigum við til fallegan barnafatnað, náttföt og sloppa fyrir börn. Það er líka vinsælt hjá ömmu og afa að gefa barnabörnunum dúnsængur og kodda. Þá eigum við von á nýrri jóla-kósýfatalínu á alla fjölskylduna í nóvember úr hágæða bómull. Jólin snúast jú um notalegar stundir með fjölskyldunni. Hvert sett kemur í fjölnota poka svo hver og einn getur geymt jólakósýfötin í pokanum til næstu jóla.“

Falleg skilaboð sem ylja

Lín Design er þekkt fyrir textílvörur með fallegum skilaboðum. Þær vörur eru sérstaklega vinsælar í jólapakkann. „Þessar gjafir skapa svo fallegar minningar, koddaver og rúmföt þar sem stendur „Megi draumar þínir rætast“ eða „Dreymi þig vel.“ Þá eru jólakoddaverin vinsæl sem á stendur „Gleðileg jól“. Við eigum einnig svuntur með skemmtilegum skilaboðum handa ,,Heimsins besta, afa, ömmu, mömmu, pabba eða kokksins.”

Fyrirtæki velja Lín Design

„Fyrirtæki kaupa gjarnan gjafakort hjá okkur í jólagjafir starfsmanna því vöruúrvalið er svo fjölbreytt. Þannig getur starfsfólk valið sér sína gjöf. Eins er vinsælt hjá fyrirtækjum að gefa matarkörfur og þá eigum við til fallega jólaflöskupoka því oft er vínflaska með í körfunni. Svo þegar búið er að borða og drekka allt úr körfunni er jólaflöskupokinn eftir og geymir minninguna. Einnig eru svuntur vinsælar með matarkörfunni."