Segist hafa verið hótað líkamsmeiðingum og ekki upplifað sig öruggan Stefán Árni Pálsson skrifar 4. nóvember 2022 11:30 Ásgeir Kolbeinsson hefur verið áberandi í íslensku samfélagi í yfir tvo áratugi. Ásgeir Kolbeinsson vakti fyrst athygli sem útvarpsmaður á FM957 en hefur síðan þá starfað sem sjónvarpsmaður, veitingamaður, rak skemmtistað og meðal annars flutt inn tónlistarmanninn Scooter. Hann þykir með eindæmum kurteis og hefur ótrúlega mikinn áhuga á kvikmyndum. Gestur Einkalífsins í þessari viku er Ásgeir Kolbeinsson. Ásgeir rak skemmtistaðinn Austur fyrir nokkrum árum en reksturinn tók heldur betur u-beygju þegar hann seldi skemmtistaðinn og að hans sögn stóðu kaupendur ekki við neitt sem lofað var og reyndu hvað eftir annað að eyðileggja allan rekstrargrundvöll þegar kaupferlið var í gangi. Ásgeir segir að þessi tími hafi verið hans allra erfiðasti á lífsleiðinni. „Þetta var einn vinsælasti skemmtistaður landsins í einhver fjögur ár,“ segir Ásgeir. „Það er gaman að eiga skemmtistað og mér finnst mjög gaman að gleðja fólk og það er enn þann dag í dag fólk að koma að mér og segjast hafa kynnst á Austur og eiga tvö eða þrjú börn í dag.“ Hann segist hafa lagt mikið í að skapa gott andrúmsloft inni á Austur og var miklu eytt í innanhúshönnun staðarins. En að málinu erfiða þegar Ásgeir fellst á að selja staðinn. „Það kemur aðili til okkar árið 2013 og vill kaupa staðinn. Hann vildi kaupa sig inn helming á móti mér og meðeigandi mínum. Við höfðum þá engan áhuga á að selja en hann heldur áfram að hækka verðið og þá segjum við að annað hvort seljum við allan staðinn eða ekkert. Hann felst á það og í framhaldinu af því byrjar alveg hræðileg atburðarás,“ segir Ásgeir og heldur áfram. Klippa: Einkalífið - Ásgeir Kolbeinsson „Það var í rauninni allt gert til að reyna standa ekki við kaupin og skemma fyrir á sama tíma. Þetta var mál sem stóð yfir í að verða þrjú ár, kostaði gríðarlega fjármuni, orku og tók alveg svakalega á mig og fjölskylduna og fullt af fólki. Þetta endaði í raun eins og í spennumynd þar sem allt í einu kemur í ljós að sá sem þú hélt að væri morðinginn var það ekki og það kemur einhver nýr inn. Málið tók mikla kúvendingu í lokin sem hafði það í för með sér að lendingin varð mýkri.“ Eins og áður segir hann að málið hafi tekið gríðarlega á. „Þetta mótaði mig mikið bæði í viðskiptum og varðandi fólk. Þetta er mál sem mig hefur lengi viljað skrifa um. Það tengdust inn í þetta bankar, fjármálastofnanir, ríkið, lögregla og rannsóknarlögregla og innflytjendastofnun. Ég veit ekki hvaða stofnanir komu ekki að þessu málið því þetta voru erlendir aðilar sem keyptu staðinn. Þetta fór allt fyrir dómstóla og allt mál sem við unnum.“ Eins og alvöru bíómynd Ásgeir segist hafa haldið að allir samningar væru alveg upp á tíu í ferlinum. „Samningar eru einu sinni þannig að þeir eru bara samningar. Ef þú vilt brjóta samninginn þá getur þú eyðilagt eitthvað í millitíðinni. Ef ég geri samning við þig um að kaupa bílinn þinn, svo fer ég og klessukeyri hann og þú ferð fyrir dómstóla og ætlar ekki að borga neitt. Málið er þá dæmt þér í hag en þú átt kannski engan pening til að borga mér þá er enginn að fara borga þennan bíl. Ég fór mjög illa út úr þessu.“ Hann segist hafa fengið yfir sig töluvert margar hótanir í öllu ferlinu. „Allt frá líkamsmeiðingum yfir í allskonar hluti. Sem gerði það að verkum að þú varst allt í einu ekki öruggur eða fannst þú ekki vera öruggur. Þetta er bara eins og í lygasögu og það að það sé hægt að beygja og stýra kerfinu svona mikið er með ólíkindum. Þetta væri svakaleg bíómynd. Austursmálið er það lang erfiðasta sem ég hef þurft að eiga við á ævi minni.“ Hér að ofan má sjá þáttinn í heild sinni þar sem Ásgeir talar um ferilinn sem útvarpsmaður, þegar hann var á PoppTV, um frægðina, þegar hann fluttu inn Scooter, um sambandið með kærustunni sinni Heru, um þáttinn Sjáðu, rekstur veitingastaðarins Punk og margt fleira. Uppfært kl 16:35 - Meint hótun gegn Ásgeiri var rannsökuð af lögreglu á sínum tíma og var málið fellt niður og ekki talin ástæða til að ákæra. Einkalífið Mest lesið „Ekkert okkar grunaði að hann myndi fara þessa leið“ Lífið Ræðir það ekki í fjölskylduboði ef þú hittir frænda þinn á swing-viðburði Lífið Stjörnulífið: „Who the fuck is Kaleo?“ Lífið Jóhanna Guðrún og Ólafur giftu sig Lífið Gordon Ramsay gerir upp Íslandsævintýri Lífið Flottasti garður landsins er á Selfossi Lífið samstarf „Greyið, hann þarf að horfa á mig deyja“ Lífið Íslendingar geta verið sóðar Lífið samstarf Destiny's Child með óvænta endurkomu Lífið Myndaveisla: Landinn skemmti sér konunglega í Vaglaskógi Lífið Fleiri fréttir Harrý reiði fram eins konar sáttahönd Stjörnulífið: „Who the fuck is Kaleo?“ Ræðir það ekki í fjölskylduboði ef þú hittir frænda þinn á swing-viðburði Gordon Ramsay gerir upp Íslandsævintýri „Ekkert okkar grunaði að hann myndi fara þessa leið“ Destiny's Child með óvænta endurkomu Jóhanna Guðrún og Ólafur giftu sig Myndaveisla: Landinn skemmti sér konunglega í Vaglaskógi Bandaríkjaforseti birtir bull í bunkum Óvæntur Johnny Depp heiðraði Ozzy með Alice Cooper „Greyið, hann þarf að horfa á mig deyja“ Krakkatían: Dvergarnir sjö, klukkuturn og plánetur Ragga Holm og Elma giftu sig „Seldist upp í rúturnar nánast jafn snarlega og á tónleikana“ Unaðsvörur Harry Styles valda titringi Líf og fjör í Reykholti í Borgarfirði um helgina á Reykholtshátíð „Það er í raun kraftaverk að hún sé á lífi í dag“ Fréttatía vikunnar: Stórtónleikar, NBA-stjarna á klakanum og heimsfræg lesbía Fólk farið að flykkjast í Vaglaskóg Ása Ninna kveður Bylgjuna Will Smith við Davíð Goða: „Haltu áfram að skapa“ Fögnuðu 181 milljarðs samningi með því að sýna Trump á typpinu Love Island-stjörnur komnar í hóp Íslandsvina „Við viljum alls ekki fá of marga“ Mannauðsstjórinn segir einnig upp Þungaður LeBron leggst þungt á LeBron „Hefði ekki getað óskað mér fallegri dags“ Litríkur karakter sem var engum líkur Hulk Hogan er látinn Fyrsta stiklan úr miðaldaþáttum Balta Sjá meira
Hann þykir með eindæmum kurteis og hefur ótrúlega mikinn áhuga á kvikmyndum. Gestur Einkalífsins í þessari viku er Ásgeir Kolbeinsson. Ásgeir rak skemmtistaðinn Austur fyrir nokkrum árum en reksturinn tók heldur betur u-beygju þegar hann seldi skemmtistaðinn og að hans sögn stóðu kaupendur ekki við neitt sem lofað var og reyndu hvað eftir annað að eyðileggja allan rekstrargrundvöll þegar kaupferlið var í gangi. Ásgeir segir að þessi tími hafi verið hans allra erfiðasti á lífsleiðinni. „Þetta var einn vinsælasti skemmtistaður landsins í einhver fjögur ár,“ segir Ásgeir. „Það er gaman að eiga skemmtistað og mér finnst mjög gaman að gleðja fólk og það er enn þann dag í dag fólk að koma að mér og segjast hafa kynnst á Austur og eiga tvö eða þrjú börn í dag.“ Hann segist hafa lagt mikið í að skapa gott andrúmsloft inni á Austur og var miklu eytt í innanhúshönnun staðarins. En að málinu erfiða þegar Ásgeir fellst á að selja staðinn. „Það kemur aðili til okkar árið 2013 og vill kaupa staðinn. Hann vildi kaupa sig inn helming á móti mér og meðeigandi mínum. Við höfðum þá engan áhuga á að selja en hann heldur áfram að hækka verðið og þá segjum við að annað hvort seljum við allan staðinn eða ekkert. Hann felst á það og í framhaldinu af því byrjar alveg hræðileg atburðarás,“ segir Ásgeir og heldur áfram. Klippa: Einkalífið - Ásgeir Kolbeinsson „Það var í rauninni allt gert til að reyna standa ekki við kaupin og skemma fyrir á sama tíma. Þetta var mál sem stóð yfir í að verða þrjú ár, kostaði gríðarlega fjármuni, orku og tók alveg svakalega á mig og fjölskylduna og fullt af fólki. Þetta endaði í raun eins og í spennumynd þar sem allt í einu kemur í ljós að sá sem þú hélt að væri morðinginn var það ekki og það kemur einhver nýr inn. Málið tók mikla kúvendingu í lokin sem hafði það í för með sér að lendingin varð mýkri.“ Eins og áður segir hann að málið hafi tekið gríðarlega á. „Þetta mótaði mig mikið bæði í viðskiptum og varðandi fólk. Þetta er mál sem mig hefur lengi viljað skrifa um. Það tengdust inn í þetta bankar, fjármálastofnanir, ríkið, lögregla og rannsóknarlögregla og innflytjendastofnun. Ég veit ekki hvaða stofnanir komu ekki að þessu málið því þetta voru erlendir aðilar sem keyptu staðinn. Þetta fór allt fyrir dómstóla og allt mál sem við unnum.“ Eins og alvöru bíómynd Ásgeir segist hafa haldið að allir samningar væru alveg upp á tíu í ferlinum. „Samningar eru einu sinni þannig að þeir eru bara samningar. Ef þú vilt brjóta samninginn þá getur þú eyðilagt eitthvað í millitíðinni. Ef ég geri samning við þig um að kaupa bílinn þinn, svo fer ég og klessukeyri hann og þú ferð fyrir dómstóla og ætlar ekki að borga neitt. Málið er þá dæmt þér í hag en þú átt kannski engan pening til að borga mér þá er enginn að fara borga þennan bíl. Ég fór mjög illa út úr þessu.“ Hann segist hafa fengið yfir sig töluvert margar hótanir í öllu ferlinu. „Allt frá líkamsmeiðingum yfir í allskonar hluti. Sem gerði það að verkum að þú varst allt í einu ekki öruggur eða fannst þú ekki vera öruggur. Þetta er bara eins og í lygasögu og það að það sé hægt að beygja og stýra kerfinu svona mikið er með ólíkindum. Þetta væri svakaleg bíómynd. Austursmálið er það lang erfiðasta sem ég hef þurft að eiga við á ævi minni.“ Hér að ofan má sjá þáttinn í heild sinni þar sem Ásgeir talar um ferilinn sem útvarpsmaður, þegar hann var á PoppTV, um frægðina, þegar hann fluttu inn Scooter, um sambandið með kærustunni sinni Heru, um þáttinn Sjáðu, rekstur veitingastaðarins Punk og margt fleira. Uppfært kl 16:35 - Meint hótun gegn Ásgeiri var rannsökuð af lögreglu á sínum tíma og var málið fellt niður og ekki talin ástæða til að ákæra.
Einkalífið Mest lesið „Ekkert okkar grunaði að hann myndi fara þessa leið“ Lífið Ræðir það ekki í fjölskylduboði ef þú hittir frænda þinn á swing-viðburði Lífið Stjörnulífið: „Who the fuck is Kaleo?“ Lífið Jóhanna Guðrún og Ólafur giftu sig Lífið Gordon Ramsay gerir upp Íslandsævintýri Lífið Flottasti garður landsins er á Selfossi Lífið samstarf „Greyið, hann þarf að horfa á mig deyja“ Lífið Íslendingar geta verið sóðar Lífið samstarf Destiny's Child með óvænta endurkomu Lífið Myndaveisla: Landinn skemmti sér konunglega í Vaglaskógi Lífið Fleiri fréttir Harrý reiði fram eins konar sáttahönd Stjörnulífið: „Who the fuck is Kaleo?“ Ræðir það ekki í fjölskylduboði ef þú hittir frænda þinn á swing-viðburði Gordon Ramsay gerir upp Íslandsævintýri „Ekkert okkar grunaði að hann myndi fara þessa leið“ Destiny's Child með óvænta endurkomu Jóhanna Guðrún og Ólafur giftu sig Myndaveisla: Landinn skemmti sér konunglega í Vaglaskógi Bandaríkjaforseti birtir bull í bunkum Óvæntur Johnny Depp heiðraði Ozzy með Alice Cooper „Greyið, hann þarf að horfa á mig deyja“ Krakkatían: Dvergarnir sjö, klukkuturn og plánetur Ragga Holm og Elma giftu sig „Seldist upp í rúturnar nánast jafn snarlega og á tónleikana“ Unaðsvörur Harry Styles valda titringi Líf og fjör í Reykholti í Borgarfirði um helgina á Reykholtshátíð „Það er í raun kraftaverk að hún sé á lífi í dag“ Fréttatía vikunnar: Stórtónleikar, NBA-stjarna á klakanum og heimsfræg lesbía Fólk farið að flykkjast í Vaglaskóg Ása Ninna kveður Bylgjuna Will Smith við Davíð Goða: „Haltu áfram að skapa“ Fögnuðu 181 milljarðs samningi með því að sýna Trump á typpinu Love Island-stjörnur komnar í hóp Íslandsvina „Við viljum alls ekki fá of marga“ Mannauðsstjórinn segir einnig upp Þungaður LeBron leggst þungt á LeBron „Hefði ekki getað óskað mér fallegri dags“ Litríkur karakter sem var engum líkur Hulk Hogan er látinn Fyrsta stiklan úr miðaldaþáttum Balta Sjá meira