Í dag eru nærri 2.500 íbúðir í byggingu víðs vegar um borgina, auk fjölda íbúða sem hafa verið samþykktar eða eru í skipulagsferli. Fjöldi íbúða á þróunarsvæðum, í skipulagsferli, samþykktu deiliskipulagi og íbúðir í byggingu eru rúmlega 26 þúsund. Til samanburðar er fjöldi íbúða í borginni um 58 þúsund.
Aldrei hafa fleiri nýjar íbúðir komið inn á húsnæðismarkað í Reykjavík eins og síðustu ár. Reykjavíkurborg stefnir á að bæta í þennan fjölda og á árvissum kynningarfundi á föstudag fer borgarstjóri yfir þessa miklu uppbyggingu.
Tjarnarsalur og streymi
Kynningarfundurinn verður í Tjarnarsal ráðhússins og verður honum streymt á síðu Reykjavíkurborgar og hér á Stöð 2 Vísi.
