Tekist á um vitneskju um hámarkshraða rafhlaupahjóls Tryggvi Páll Tryggvason skrifar 17. október 2022 11:11 Rafhlaupahjólin njóta vaxandi vinsælda hér á landi. Vísir Tekist var á um það í Héraðsdómstól Norðurland eystra á dögunum hvort að eigandi rafhlaupahjóls á Akureyri hafi mátt vita að rafhlaupahjól hennar kæmist á meiri hraða en 25 km/klst og væri þar af leiðandi skráningarskylt. Í prófunum lögreglu mældist hámarkshraði hjólsins á yfir 50 km/klst. Héraðsdómur taldi þó ekki sannað að eigandanum hafi mátt vera ljóst um þennan hámarkshraða. Í málinu var deilt um tvennt. Í fyrsta lagi var deilt um hvort að hlaupahjól eigandans næði meiri hraða en 25 km/klst, en hún taldi það ósannað, þar sem mælingar lögreglu hafi verið ófullnægjandi. Teldist það hins vegar sannað að hjólið næði hraða umfram 25 km/klst var í öðru lagi deilt um hvort eigandanum hafi verið eða mátt vera um það kunnugt. Lögreglan sá kærastann á hjólinu á miklum hraða fyrr um daginn Forsaga málsins er sú að þann að kvöldi þann 16. maí á síðasta ári stöðvaði lögreglan konuna er hún var á rólegri ferð eftir Strandgötu og Norðurgötu á Akureyri. Lögreglan taldi að um sama rafhlaupahjól væri að ræða og lögreglumenn hefðu tekið eftir fyrr um daginn. Þá hafði lögregla séð annan einstakling á hjólinu, kærasta eigandans, á mikilli ferð. Viðkomandi hafði hins vegar ekki sinnt stöðvunarmerkjum lögreglu. Héraðsdómur Norðurlands eystra á Akureyri.Vísir/Vilhelm Eftir að lögregla hafði afskipti af eigandanum um kvöldið hófust hraðamælingar til að meta hvort að umrætt hjól kæmist yfir 25 km/klst. Rafhlaupahjól sem hönnuð eru til aksturs frá 6-25 km/klst tilheyra flokki reiðhjóla og ekki þarf að skrá þau sérstaklega. Sambærileg hjól sem komast yfir 25 kílómetra á klukkustund eru hins vegar skráningarskyld sem létt bifhjól í flokki II. Til þess að nota þau er krafist ökuréttinda, sem á ekki við um sambærileg hjól sem komast ekki yfir 25 km/klst. Mælt með þremur mismunandi tækjum Í dómi Héraðsdóms Norðurlands eystra vegna málsins kemur fram að lögregla hafi framkvæmt hraðamælingu með hraðaratsjá lögreglubílsins. Lögreglumaður ók hjólinu til móts við lögreglubílinn með inngjöf hjólsins í botni. Mældist hraðinn 45 km/klst. Taldi lögreglan því að hjólið væri skráningarskylt. Var konan ákærð fyrir að hafa ekið hjólinu án ökuréttinda, fyrir að hafa vanrækt skráningarskyldu hjólsins og án þess að afturhemill hjólsins væri í nothæfu ástandi. Lögreglan við hraðamælingar. Myndin tengist fréttinni ekki beint.Vísir/JóhannK Konan neitaði sök. Í dómi Héraðsdóms Norðurlands eystra má lesa að lögregla hafi einnig framkvæmt frekari hraðamælingar við rannsókn málsins. Sérhæfður hraðamælir til að mæla hraða minni rafhjóla mældi mesta hraða hjólsins á 52,6 kílómetra hraða, og 23,5 kílómetra hraða í fyrsta gír. Laserhraðamælitæki löreglu mældi hraða í fyrsta gír til samanburðar og mældist hann þá 26 kílómetra hraða. Við skoðun kom einnig fram að hemlabúnaður að aftan hafi verið ófullnægjandi, þar sem hemlaklossa og festingar fyrir þá hafi vantað. Í dómi héraðsdóms segir að ekkert hafi komið fram sem geti dregið hraðamælingarnar í efa. Þrjú mismunandi tæki hafi verið nýtt til þess. Taldi dómurinn því að hjólið teldist til flokks létt bifjóls II, það væri skráningarskylt og því þyrfti notandi þess að vera með gild ökuréttindi. Sönnun um sekt ekki byggð á getgátum Eftir stóð að skera úr um hvort að eigandanum hafi mátt vera ljóst að hlaupahjólið næði meiri hraða en 25 kílómetrar á klukkustund og lyti þar af leiðandi reglum þar um. Lögð voru fram kynningargögn, bæði upplýsingar af vefsíðu söluaðila hjólsin hér á landi, sem og notkunarhandbók um hjólið á íslensku, þar sem fram kom að rafhlaupahjól af þeirri gerð sem málið fjallaði um næðu hámarkshraðanum 25 km/klst. Ákæruvaldið lagði hins vegar fram upplýsingar af vefsíðu framleiðenda hjólsins, þar sem fram kom að hámarkshraðinn væri 60 kílómetrar á klukkustund. Í dómi héraðsdóms segir að ekki liggi fyrir, miðað við gögn málsins og vitnisburð eigandans, að henni hafi verið kynnt við kaupin að hámarkshraði hjólsins væri 25 km/klst . Hún gæti ekki borið ábyrgð á röngum upplýsingum söluaðila. Akureyri.Vísir/Vilhelm Taldi héraðsdómur þá að eftir stæði hvort að eigandanum, eftir að hafa átt og notað hjólið í tvo til þrjá mánuði, hafi mátt vera ljóst að hjólið kæmist á meiri hraða en 25 km/klst. „Vissulega má leiða að því líkur að ákærða kunni að hafa ekið hjólinu yfir þeim hraða á þessu tímabili og veitt því athygli á hraðamæli hjólsins. Sönnun um sekt í sakamáli verður hins vegar ekki byggð á slíkum getgátum,“ segir í dómi héraðsdóms. Taldi dómurinn því að ekki hafi tekist að sanna ákæruatriði málsins, utan þess að óumdeilt var að hemlabúnaður hjólsins var ófullnægjandi. Var eigandinn því sýknaður af þeim ákæruliðum er sneru að skráningarskyldu hjólsins og akstri þess án ökuréttinda. Hún þarf þó að greiða 20 þúsund krónur í sekt vegna hemlabúnaðarins. Samgöngur Akureyri Dómsmál Rafhlaupahjól Umferðaröryggi Mest lesið Bretar eignast aftur herþotur sem geta flutt kjarnorkuvopn Erlent Segja manninn hafa glímt við alvarleg veikindi Innlent Ný skýrsla: Bandaríkjunum mistókst að eyðileggja kjarnorkumannvirki Írana Erlent Æsispennandi forval: Framtíð Demókrataflokksins gæti ráðist í New York Erlent Myndaveisla: Fyrsti dagur leiðtogafundar Atlantshafsbandalagsins Erlent Margir í vandræðum vegna of skyggðra rúðna Innlent Áhrifavaldur sakaður um að bera ábyrgð á dauða dóttur sinnar Erlent „Þrátt fyrir allan þennan vígbúnað þá er þetta mjög vinalegt“ Erlent Flaug í einkaflugi með Støre Innlent Sextán ár fyrir að bana dóttur sinni Innlent Fleiri fréttir Margir í vandræðum vegna of skyggðra rúðna Tillögur um skattalækkanir felldar: Segir ótrúlegt að hlusta á rök „Skattfylkingarinnar“ Segja manninn hafa glímt við alvarleg veikindi Reiður Trump, fiskeldisáform í Eyjafirði og fjölbragðaglíma Efla samstarf Háskóla Íslands og Íslenskrar erfðagreiningar Vilja bjóða út eftirlit en meirihlutanum líst ekkert á það Stuðningur við veiðigjaldafrumvarpið dregst saman Ekki um sama þvott að ræða í Björg og Fönn Páll skipstjóri krefur Ríkisútvarpið um milljónir króna „Þetta rugl í Kastljósi í gær af hálfu forsætisráðherra er skammarlegt“ Vopnahlé í Miðausturlöndum í hættu og veiðigjöldin enn til umræðu Eldur í tveimur taugrindum Sektaður um 240 þúsund fyrir að halda sauðfé í Grindavík Fundað á Alþingi fram á nótt og framhald strax klukkan tíu Breytingar á lögum um sjúkratryggingar mismuni eftir efnahagsstöðu 42 prósent fanga erlendir ríkisborgarar Sé tilraun til að þagga niður í gagnrýni Fjögur búsetuúrræði Vinnumálastofnunar standa auð Ísraelar samþykkja vopnahlé Trumps Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Engar stórvirkjanir í Skagafirði en opið að fara í Kjalölduveitu Ísland muni ekki verja fimm prósentum til varnarmála Mikill reykur eftir að kviknaði í annarri efnalaug „Við erum auðvitað ekki komin þangað“ Telja einhvern hér á landi búa yfir vitneskju um hvað kom fyrir Jón Þröst Fleiri handteknir í Borgarnesi Átök breiðast út í Mið-Austurlöndum, virkjanaáform og brúðkaup Bezos Gert að greiða fyrrverandi manni sínum bætur vegna dreifingar á nektarmynd Sextán ár fyrir að bana dóttur sinni Leita fulltingis forseta til að fá upplýsingar um veiðigjöld Sjá meira
Í málinu var deilt um tvennt. Í fyrsta lagi var deilt um hvort að hlaupahjól eigandans næði meiri hraða en 25 km/klst, en hún taldi það ósannað, þar sem mælingar lögreglu hafi verið ófullnægjandi. Teldist það hins vegar sannað að hjólið næði hraða umfram 25 km/klst var í öðru lagi deilt um hvort eigandanum hafi verið eða mátt vera um það kunnugt. Lögreglan sá kærastann á hjólinu á miklum hraða fyrr um daginn Forsaga málsins er sú að þann að kvöldi þann 16. maí á síðasta ári stöðvaði lögreglan konuna er hún var á rólegri ferð eftir Strandgötu og Norðurgötu á Akureyri. Lögreglan taldi að um sama rafhlaupahjól væri að ræða og lögreglumenn hefðu tekið eftir fyrr um daginn. Þá hafði lögregla séð annan einstakling á hjólinu, kærasta eigandans, á mikilli ferð. Viðkomandi hafði hins vegar ekki sinnt stöðvunarmerkjum lögreglu. Héraðsdómur Norðurlands eystra á Akureyri.Vísir/Vilhelm Eftir að lögregla hafði afskipti af eigandanum um kvöldið hófust hraðamælingar til að meta hvort að umrætt hjól kæmist yfir 25 km/klst. Rafhlaupahjól sem hönnuð eru til aksturs frá 6-25 km/klst tilheyra flokki reiðhjóla og ekki þarf að skrá þau sérstaklega. Sambærileg hjól sem komast yfir 25 kílómetra á klukkustund eru hins vegar skráningarskyld sem létt bifhjól í flokki II. Til þess að nota þau er krafist ökuréttinda, sem á ekki við um sambærileg hjól sem komast ekki yfir 25 km/klst. Mælt með þremur mismunandi tækjum Í dómi Héraðsdóms Norðurlands eystra vegna málsins kemur fram að lögregla hafi framkvæmt hraðamælingu með hraðaratsjá lögreglubílsins. Lögreglumaður ók hjólinu til móts við lögreglubílinn með inngjöf hjólsins í botni. Mældist hraðinn 45 km/klst. Taldi lögreglan því að hjólið væri skráningarskylt. Var konan ákærð fyrir að hafa ekið hjólinu án ökuréttinda, fyrir að hafa vanrækt skráningarskyldu hjólsins og án þess að afturhemill hjólsins væri í nothæfu ástandi. Lögreglan við hraðamælingar. Myndin tengist fréttinni ekki beint.Vísir/JóhannK Konan neitaði sök. Í dómi Héraðsdóms Norðurlands eystra má lesa að lögregla hafi einnig framkvæmt frekari hraðamælingar við rannsókn málsins. Sérhæfður hraðamælir til að mæla hraða minni rafhjóla mældi mesta hraða hjólsins á 52,6 kílómetra hraða, og 23,5 kílómetra hraða í fyrsta gír. Laserhraðamælitæki löreglu mældi hraða í fyrsta gír til samanburðar og mældist hann þá 26 kílómetra hraða. Við skoðun kom einnig fram að hemlabúnaður að aftan hafi verið ófullnægjandi, þar sem hemlaklossa og festingar fyrir þá hafi vantað. Í dómi héraðsdóms segir að ekkert hafi komið fram sem geti dregið hraðamælingarnar í efa. Þrjú mismunandi tæki hafi verið nýtt til þess. Taldi dómurinn því að hjólið teldist til flokks létt bifjóls II, það væri skráningarskylt og því þyrfti notandi þess að vera með gild ökuréttindi. Sönnun um sekt ekki byggð á getgátum Eftir stóð að skera úr um hvort að eigandanum hafi mátt vera ljóst að hlaupahjólið næði meiri hraða en 25 kílómetrar á klukkustund og lyti þar af leiðandi reglum þar um. Lögð voru fram kynningargögn, bæði upplýsingar af vefsíðu söluaðila hjólsin hér á landi, sem og notkunarhandbók um hjólið á íslensku, þar sem fram kom að rafhlaupahjól af þeirri gerð sem málið fjallaði um næðu hámarkshraðanum 25 km/klst. Ákæruvaldið lagði hins vegar fram upplýsingar af vefsíðu framleiðenda hjólsins, þar sem fram kom að hámarkshraðinn væri 60 kílómetrar á klukkustund. Í dómi héraðsdóms segir að ekki liggi fyrir, miðað við gögn málsins og vitnisburð eigandans, að henni hafi verið kynnt við kaupin að hámarkshraði hjólsins væri 25 km/klst . Hún gæti ekki borið ábyrgð á röngum upplýsingum söluaðila. Akureyri.Vísir/Vilhelm Taldi héraðsdómur þá að eftir stæði hvort að eigandanum, eftir að hafa átt og notað hjólið í tvo til þrjá mánuði, hafi mátt vera ljóst að hjólið kæmist á meiri hraða en 25 km/klst. „Vissulega má leiða að því líkur að ákærða kunni að hafa ekið hjólinu yfir þeim hraða á þessu tímabili og veitt því athygli á hraðamæli hjólsins. Sönnun um sekt í sakamáli verður hins vegar ekki byggð á slíkum getgátum,“ segir í dómi héraðsdóms. Taldi dómurinn því að ekki hafi tekist að sanna ákæruatriði málsins, utan þess að óumdeilt var að hemlabúnaður hjólsins var ófullnægjandi. Var eigandinn því sýknaður af þeim ákæruliðum er sneru að skráningarskyldu hjólsins og akstri þess án ökuréttinda. Hún þarf þó að greiða 20 þúsund krónur í sekt vegna hemlabúnaðarins.
Samgöngur Akureyri Dómsmál Rafhlaupahjól Umferðaröryggi Mest lesið Bretar eignast aftur herþotur sem geta flutt kjarnorkuvopn Erlent Segja manninn hafa glímt við alvarleg veikindi Innlent Ný skýrsla: Bandaríkjunum mistókst að eyðileggja kjarnorkumannvirki Írana Erlent Æsispennandi forval: Framtíð Demókrataflokksins gæti ráðist í New York Erlent Myndaveisla: Fyrsti dagur leiðtogafundar Atlantshafsbandalagsins Erlent Margir í vandræðum vegna of skyggðra rúðna Innlent Áhrifavaldur sakaður um að bera ábyrgð á dauða dóttur sinnar Erlent „Þrátt fyrir allan þennan vígbúnað þá er þetta mjög vinalegt“ Erlent Flaug í einkaflugi með Støre Innlent Sextán ár fyrir að bana dóttur sinni Innlent Fleiri fréttir Margir í vandræðum vegna of skyggðra rúðna Tillögur um skattalækkanir felldar: Segir ótrúlegt að hlusta á rök „Skattfylkingarinnar“ Segja manninn hafa glímt við alvarleg veikindi Reiður Trump, fiskeldisáform í Eyjafirði og fjölbragðaglíma Efla samstarf Háskóla Íslands og Íslenskrar erfðagreiningar Vilja bjóða út eftirlit en meirihlutanum líst ekkert á það Stuðningur við veiðigjaldafrumvarpið dregst saman Ekki um sama þvott að ræða í Björg og Fönn Páll skipstjóri krefur Ríkisútvarpið um milljónir króna „Þetta rugl í Kastljósi í gær af hálfu forsætisráðherra er skammarlegt“ Vopnahlé í Miðausturlöndum í hættu og veiðigjöldin enn til umræðu Eldur í tveimur taugrindum Sektaður um 240 þúsund fyrir að halda sauðfé í Grindavík Fundað á Alþingi fram á nótt og framhald strax klukkan tíu Breytingar á lögum um sjúkratryggingar mismuni eftir efnahagsstöðu 42 prósent fanga erlendir ríkisborgarar Sé tilraun til að þagga niður í gagnrýni Fjögur búsetuúrræði Vinnumálastofnunar standa auð Ísraelar samþykkja vopnahlé Trumps Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Engar stórvirkjanir í Skagafirði en opið að fara í Kjalölduveitu Ísland muni ekki verja fimm prósentum til varnarmála Mikill reykur eftir að kviknaði í annarri efnalaug „Við erum auðvitað ekki komin þangað“ Telja einhvern hér á landi búa yfir vitneskju um hvað kom fyrir Jón Þröst Fleiri handteknir í Borgarnesi Átök breiðast út í Mið-Austurlöndum, virkjanaáform og brúðkaup Bezos Gert að greiða fyrrverandi manni sínum bætur vegna dreifingar á nektarmynd Sextán ár fyrir að bana dóttur sinni Leita fulltingis forseta til að fá upplýsingar um veiðigjöld Sjá meira