Souness hefur verið gagnrýninn á leikstíl Grealish en Souness telur Grealish ekki spila boltanum nógu oft á samherja. Souness gagnrýnir einnig lífsstíl Grealish utan vallar en Grealish hefur reglulega komist í fréttirnar vegna athafna utan knattspyrnuvallarins.
„Ég er ekki viss um að ég gæti haldið í við hann en ég myndi samt elska að fara út á lífið með honum,“ sagði Souness á talkSPORT.
🙏 “I’d love a night out with Jack!”
— talkSPORT (@talkSPORT) September 22, 2022
🤣 “I’m not sure I could stay with him, but I’d enjoy a night out with him!”
Graeme Souness admits he’d love to go out for a beer with #MCFC’s Grealish!
What do you think @JackGrealish? 👀 pic.twitter.com/ZTc9MkLYMO
Grealish svaraði ummælum Souness, um að kíkja út á lífið saman, á Twitter. Þar skrifaði Grealish að hann væri spenntur fyrir því, eins lengi og hann fengi að taka Paul Pogba með sem auka gest en Souness hefur verið einn helsti gagnrýnandi Paul Pogba undanfarin ár.
🤣🤣 let’s do it!! As long as I can bring Pogba as a +1
— Jack Grealish (@JackGrealish) September 22, 2022
Souness svaraði Grealish þar sem hann sagði að enski leikmaðurinn mætti taka hvern sem er með sér eins lengi og Grealish borgaði reikninginn.
Grealish hafði áður svarað gagnrýni Souness um leikstíl sinn en Grealish sagðist þá hlusta á Pep Guardiola, knattspyrnustjóra City, frekar en Greaeme Souness.
„Ég veit ekki hvað hans vandamál með mig er. Hann [Souness] er alltaf að tala um mig. Þegar ég er að spila fyrir knattspyrnustjóra eins og Pep Guardiola og hann segir mér að halda í boltann eins lengi og ég get, þá mun ég gera það,“ sagði Jack Grealish, leikmaður Manchester City.