„Þetta var alveg epískt sjónarspil“ Vésteinn Örn Pétursson skrifar 5. september 2022 15:25 Það státa eflaust færri af því en vilja að hafa synt um höfin blá með hnúfubökum. Sjósund er vinsælt áhugamál hér á landi og margir sem stinga sér til sunds í sjó sér til yndisauka. Hvalaskoðun er þá sömuleiðis vinsæl, einkum hjá ferðamönnum, og hvalaskoðunarbátar gerðir út víða á landinu. Þó er afar sjaldgæft að þessu tvennu sé blandað saman. Sú var þó raunin í Arnarfirði á Vestfjörðum á laugardag, þegar tveir menn syntu um fjörðinn með stærðarinnar hnúfubökum. „Ég veit ekki til þess að þetta hafi verið gert áður, en þeir eru sérstaklega spakir og næs, þessir blessuðu hnúfubakar,“ segir Gísli Ægir Ágústsson, veitingamaður á Bíldudal, í samtali við Vísi. Hann sigldi með þá Tómas Guðbjartsson lækni og Sigurð Inga Magnússon kandídat í Arnarfirði, þar sem þeir tveir síðarnefndu stungu sér til sunds með „konungum sjávarins“, eins og Tómas orðar það sjálfur í Facebook-færslu um sundsprettinn. Myndband af ævintýrinu má sjá hér að neðan. Í stuttu samtali við Vísi segist Tómas hafa tekið með sér sundskýlu og sundgleraugu, en Sigurð hafi hann platað ofan í á nærbuxunum. Þeir hafi dólað á firðinum í um tvær klukkustundir, en á milli þess sem hvalirnir sýndu sig hafi þeir félagar tekið lagið saman. Þar lék Gísli á gítar og söng, Sigurður spilaði á munnhörpu og Tómas á melódíku. Gísli segir að aðstæður í firðinum á laugardag hafi verið með besta móti. „Sjórinn er heitur, tólf gráður, og algert koppalogn. Hvalirnir voru spakir og við hugsuðum bara, af hverju ekki bara að gera þetta,“ segir Gísli og bætir við að hvalirnir hafi verið hinir allra rólegustu yfir sundmönnunum. Þetta eru engar smáskepnur, voru menn ekkert smeykir við að stinga sér til sunds með þeim? „Menn þurftu nú aðeins að telja í sig kjarkinn. Hvalirnir hafa verið svona tvisvar til þrisvar sinnum stærri en báturinn sem við vorum á. Þetta eru engar litlar skepnur, en af því þeir eru svo gæfir þá gátum við siglt mjög nálægt þeim. Þá var ekkert annað en að láta sig bara vaða út í. Þetta var alveg epískt sjónarspil,“ segir hann. Gísli Ægir sigldi með þá Tómas og Sigurð Inga, sem stungu sér til sunds og tóki lagið á svo gott sem spegilsléttum firðinum. Gísli tók nokkur myndskeið af sundferðinni, en hann er duglegur að sýna frá því sem við er að vera á Bíldudal á samskiptamiðlinum Snapchat, undir nafninu Vegamótaprinsinn, en Gísli rekur verslunina og veitingastaðinn Vegamót á Bíldudal. Upphaflega kom hópurinn auga á tvo hnúfubaka, en fyrr en varði voru þeir orðnir þrír. „Þeim þriðja hefur litist svona ljómandi vel á þetta að hann bættist í hópinn,“ segir Gísli glaður í bragði. Ráin í hvalaskoðun hækkuð verulega Í Facebook-færslu Tómasar kemur fram að siglt hafi verið á þremur bátum út á fjörðinn. Í einum þeirra, hafi verið rannsóknarteymi hans, skipað tíu læknanemum. Þá var hvalaskoðunarbátur á vegum Beffa tours frá Bíldudal einnig í firðinum, og farþegar fylgdust með sundsprettinum. „Hópurinn sem var með Tómasi fór með þeim, og ég tók þrjá með mér á litla bátinn minn. Hann sagði það við mig hann Gummi hjá Beffa tours, að það væri spurning að það væri búið að setja viðmiðið í hvalaskoðun of hátt. Hvort það verði einhvern tímann hægt að leika þetta eftir,“ segir Gísli og hlær við. Ferðalög Hvalir Vesturbyggð Dýr Sjósund Ferðamennska á Íslandi Mest lesið Lilja Sif Pétursdóttir krýnd Miss Supranational Europe og talin myndfríðust Lífið Næsti Bond undir þrítugu og þrír efstir á blaði Bíó og sjónvarp Vægar viðreynslur en engir pervertar Lífið Fréttatía vikunnar: Leiðtogafundur, Hollywood-stjarna og umdeilt brúðkaup Lífið Áslaug selur glæsiíbúð í Reykjavík Lífið Albert og Guðlaug saman í fríi á Ibiza Lífið Rúrik mætti með kærustuna í brúðkaupið Lífið Stefnir á sigur í stærstu kokkakeppni heims Lífið Súrrealísk upplifun í prinsessuleik í Versölum Lífið Byggir á viðskiptamódeli bandarískrar trúboðsstöðvar Lífið Fleiri fréttir Lilja Sif Pétursdóttir krýnd Miss Supranational Europe og talin myndfríðust Fréttatía vikunnar: Leiðtogafundur, Hollywood-stjarna og umdeilt brúðkaup Stefnir á sigur í stærstu kokkakeppni heims Áslaug selur glæsiíbúð í Reykjavík Vægar viðreynslur en engir pervertar Martin Österdahl hættir hjá Eurovision Kyana og Viktor giftu sig undir berum himni Beckham á spítala Albert og Guðlaug saman í fríi á Ibiza Byggir á viðskiptamódeli bandarískrar trúboðsstöðvar Eurovision aðdáendur flykkjast enn til Húsavíkur Hundruðir gengu skrúðgöngu í Laugardal Íslensku sjónvarpsverðlaunin veitt í fyrsta sinn í október Búið spil hjá Katy Perry og Orlando Bloom Súrrealísk upplifun í prinsessuleik í Versölum Sögulegt hús fær nýtt líf: Hafnfirðingar hrannast inn, segja sögur og þakka fyrir Purrkur Pillnikk spilar á Innipúkanum Ósýnileg veikindi hafi ekki minna vægi „Las þetta allt í drasl í gamla daga“ Þessi vilja verða safnstjóri Listasafns Reykjavíkur Þorgerður brák grafin úr gleymsku „Þú gerir heiminn að betri stað“ Ástin kviknaði á Humarhátíð Rúrik mætti með kærustuna í brúðkaupið Sælureitur Frosta og Helgu Gabríelu til sölu Tíu Þjóðhátíðarráð Arons Mola: „Ekki fara í tjörnina “ Bezos færir brúðkaupið vegna mótmæla Fyrsta fjölbragðaglímufélag landsins stefnir á sýningu „Þetta er auðvitað klisja en hann var fullkominn“ Zendaya sást í miðbænum Sjá meira
„Ég veit ekki til þess að þetta hafi verið gert áður, en þeir eru sérstaklega spakir og næs, þessir blessuðu hnúfubakar,“ segir Gísli Ægir Ágústsson, veitingamaður á Bíldudal, í samtali við Vísi. Hann sigldi með þá Tómas Guðbjartsson lækni og Sigurð Inga Magnússon kandídat í Arnarfirði, þar sem þeir tveir síðarnefndu stungu sér til sunds með „konungum sjávarins“, eins og Tómas orðar það sjálfur í Facebook-færslu um sundsprettinn. Myndband af ævintýrinu má sjá hér að neðan. Í stuttu samtali við Vísi segist Tómas hafa tekið með sér sundskýlu og sundgleraugu, en Sigurð hafi hann platað ofan í á nærbuxunum. Þeir hafi dólað á firðinum í um tvær klukkustundir, en á milli þess sem hvalirnir sýndu sig hafi þeir félagar tekið lagið saman. Þar lék Gísli á gítar og söng, Sigurður spilaði á munnhörpu og Tómas á melódíku. Gísli segir að aðstæður í firðinum á laugardag hafi verið með besta móti. „Sjórinn er heitur, tólf gráður, og algert koppalogn. Hvalirnir voru spakir og við hugsuðum bara, af hverju ekki bara að gera þetta,“ segir Gísli og bætir við að hvalirnir hafi verið hinir allra rólegustu yfir sundmönnunum. Þetta eru engar smáskepnur, voru menn ekkert smeykir við að stinga sér til sunds með þeim? „Menn þurftu nú aðeins að telja í sig kjarkinn. Hvalirnir hafa verið svona tvisvar til þrisvar sinnum stærri en báturinn sem við vorum á. Þetta eru engar litlar skepnur, en af því þeir eru svo gæfir þá gátum við siglt mjög nálægt þeim. Þá var ekkert annað en að láta sig bara vaða út í. Þetta var alveg epískt sjónarspil,“ segir hann. Gísli Ægir sigldi með þá Tómas og Sigurð Inga, sem stungu sér til sunds og tóki lagið á svo gott sem spegilsléttum firðinum. Gísli tók nokkur myndskeið af sundferðinni, en hann er duglegur að sýna frá því sem við er að vera á Bíldudal á samskiptamiðlinum Snapchat, undir nafninu Vegamótaprinsinn, en Gísli rekur verslunina og veitingastaðinn Vegamót á Bíldudal. Upphaflega kom hópurinn auga á tvo hnúfubaka, en fyrr en varði voru þeir orðnir þrír. „Þeim þriðja hefur litist svona ljómandi vel á þetta að hann bættist í hópinn,“ segir Gísli glaður í bragði. Ráin í hvalaskoðun hækkuð verulega Í Facebook-færslu Tómasar kemur fram að siglt hafi verið á þremur bátum út á fjörðinn. Í einum þeirra, hafi verið rannsóknarteymi hans, skipað tíu læknanemum. Þá var hvalaskoðunarbátur á vegum Beffa tours frá Bíldudal einnig í firðinum, og farþegar fylgdust með sundsprettinum. „Hópurinn sem var með Tómasi fór með þeim, og ég tók þrjá með mér á litla bátinn minn. Hann sagði það við mig hann Gummi hjá Beffa tours, að það væri spurning að það væri búið að setja viðmiðið í hvalaskoðun of hátt. Hvort það verði einhvern tímann hægt að leika þetta eftir,“ segir Gísli og hlær við.
Ferðalög Hvalir Vesturbyggð Dýr Sjósund Ferðamennska á Íslandi Mest lesið Lilja Sif Pétursdóttir krýnd Miss Supranational Europe og talin myndfríðust Lífið Næsti Bond undir þrítugu og þrír efstir á blaði Bíó og sjónvarp Vægar viðreynslur en engir pervertar Lífið Fréttatía vikunnar: Leiðtogafundur, Hollywood-stjarna og umdeilt brúðkaup Lífið Áslaug selur glæsiíbúð í Reykjavík Lífið Albert og Guðlaug saman í fríi á Ibiza Lífið Rúrik mætti með kærustuna í brúðkaupið Lífið Stefnir á sigur í stærstu kokkakeppni heims Lífið Súrrealísk upplifun í prinsessuleik í Versölum Lífið Byggir á viðskiptamódeli bandarískrar trúboðsstöðvar Lífið Fleiri fréttir Lilja Sif Pétursdóttir krýnd Miss Supranational Europe og talin myndfríðust Fréttatía vikunnar: Leiðtogafundur, Hollywood-stjarna og umdeilt brúðkaup Stefnir á sigur í stærstu kokkakeppni heims Áslaug selur glæsiíbúð í Reykjavík Vægar viðreynslur en engir pervertar Martin Österdahl hættir hjá Eurovision Kyana og Viktor giftu sig undir berum himni Beckham á spítala Albert og Guðlaug saman í fríi á Ibiza Byggir á viðskiptamódeli bandarískrar trúboðsstöðvar Eurovision aðdáendur flykkjast enn til Húsavíkur Hundruðir gengu skrúðgöngu í Laugardal Íslensku sjónvarpsverðlaunin veitt í fyrsta sinn í október Búið spil hjá Katy Perry og Orlando Bloom Súrrealísk upplifun í prinsessuleik í Versölum Sögulegt hús fær nýtt líf: Hafnfirðingar hrannast inn, segja sögur og þakka fyrir Purrkur Pillnikk spilar á Innipúkanum Ósýnileg veikindi hafi ekki minna vægi „Las þetta allt í drasl í gamla daga“ Þessi vilja verða safnstjóri Listasafns Reykjavíkur Þorgerður brák grafin úr gleymsku „Þú gerir heiminn að betri stað“ Ástin kviknaði á Humarhátíð Rúrik mætti með kærustuna í brúðkaupið Sælureitur Frosta og Helgu Gabríelu til sölu Tíu Þjóðhátíðarráð Arons Mola: „Ekki fara í tjörnina “ Bezos færir brúðkaupið vegna mótmæla Fyrsta fjölbragðaglímufélag landsins stefnir á sýningu „Þetta er auðvitað klisja en hann var fullkominn“ Zendaya sást í miðbænum Sjá meira