Beggi Dan, Eydís Ögn og Oscar til liðs við Svartagaldur

Beggi Dan hefur tekið við starfi framkvæmdastjóra en hann er einn af stofnendum fyrirtækisins og var áður starfandi stjórnarformaður þess. Hann starfar einnig fyrir fjárfestingafélagið InfoCapital og er meðstofnandi fjártæknifyrirtækisins Two Birds sem rekur meðal annars upplýsingavefinn Aurbjörgu. 

Eydís Ögn Uffadóttir hefur einnig tekið við stöðu rekstrar- og þjónustustjóra en hún var fyrst ráðin til Svartagaldurs árið 2020 og starfaði þá sem þjónustustjóri. Eydís er með bakkalárgráðu í viðskiptafræði með áherslu á stjórnun og markaðsfræði frá Háskólanum á Akureyri. Nylega lauk hún meistaragráðu í viðskiptafræði frá Háskólanum í Reykjavík. Áður en hún tók við stöðu rekstrar- og þjónustustjóra fór hún stuttlega til Krabbameinsfélagsins sem sérfræðingur í fjáröflun og markaðsmálum. 

Oscar Lopez tekur þá við stöðu forstöðumanns stafrænnar markaðssetningar. Oscar hefur starfað í fimmtán ár í greininni og kemur þannig, samkvæmt fréttatilkynningu, með verðmæta þekkingu inn í fyrirtækið. Hann hefur síðustu á starfrækt eigið fyrirtæki, Black Flamingo Marketing, þar sem hann hefur veitt alhliða þjónustu í stafrænni markaðssetningu og keyrt flóknar herferðir fyrir mörg innlend og erlend fyrirtæki á fjölmörgum markaðssvæðum. 

Oscar er með bakkalárgráðu í viðskiptafræði frá Háskólanum í Reykjavík, MBA gráðu frá Schiller International University og tvær diplómagráður í stafrænni markaðssetningu frá Digital Marketing Institute og margvottaður hjá Google og öðrum miðlum.