Íslenski boltinn

Stórleikur í Víkinni og Kópavogsslagur í átta liða úrslitum Mjólkurbikarsins

Ingvi Þór Sæmundsson skrifar
Víkingar taka á móti KR-ingum í átta liða úrslitum Mjólkurbikars karla.
Víkingar taka á móti KR-ingum í átta liða úrslitum Mjólkurbikars karla. vísir/Hulda Margrét

Dregið var í átta liða úrslit Mjólkurbikars karla og undanúrslit Mjólkurbikars kvenna í fótbolta í dag.

Bikarmeistarar Víkings fá KR í heimsókn í átta liða úrslitum Mjólkurbikars karla. Bikarmeistarar Breiðabliks fara á Selfoss og mæta heimakonum í undanúrslitum Mjólkurbikars kvenna.

Kópavogsliðin HK og Breiðabliks eigast við í Kórnum í átta liða úrslitum Mjólkurbikars karla. Spútniklið Mjólkurbikarsins, Ægir, fer til Akureyrar og mætir þar KA. Þá taka Kórdrengir á móti FH.

Í hinni viðureign undanúrslita Mjólkurbikars kvenna mætast Stjarnan og Valur á Samsung-vellinum í Garðabænum.

Átta liða úrslit Mjólkurbikars karla fara fram 10. og 11. ágúst og undanúrslit Mjólkurbikars kvenna 12. og 13. ágúst.

Mjólkurbikar karla Mjólkurbikar kvenna Víkingur Reykjavík KR HK Breiðablik

Mest lesið


Fleiri fréttir

Sjá meira


×

Mest lesið