Fótbolti

Sjáðu TM-mótið í Eyjum: Pöntuðu ís og út­landa­ferð eftir frá­bæran úr­slita­leik

Sindri Sverrisson skrifar
Varnarmennirnir í KA héldu hreinu í úrslitaleiknum og stálu senunni í þættinum um TM-mótið.
Varnarmennirnir í KA héldu hreinu í úrslitaleiknum og stálu senunni í þættinum um TM-mótið. Stöð 2 Sport

Það var nóg um að vera í Vestmannaeyjum þegar TM-mótið fór þar fram á dögunum, þar sem stelpur í 5. flokki léku listir sínar. Þær sýndu einnig tilþrif utan vallar og voru laufléttar í bragði í samtölum sínum við Svövu Kristínu Gretarsdóttur sem gerði mótinu góð skil í þætti á Stöð 2 Sport.

Þáttinn í heild má nú sjá hér á Vísi en hann er hluti árlegri þáttaröð Stöðvar 2 Sport um sumarmótin í fótbolta.

Klippa: Sumarmótin 2022 - TM-mótið

Svava ræddi meðal annars við hressar stelpur úr ÍR, Vestra, Víkingi, Breiðabliki og KA en það voru KA-stelpur sem fóru með sigur af hólmi á mótinu, annað árið í röð. 

KA-stelpurnar voru laufléttar þegar Svava ræddi við þær, tóku um tíma við míkrafóninum og tóku sín eigin viðtöl, og pöntuðu svo ís og útlandaferð í verðlaun frá foreldrunum fyrir árangur sinn.

Bríet Fjóla Bjarnadóttir skoraði glæsilegt sigurmark KA í úrslitaleiknum gegn Breiðabliki. Í þættinum hér að ofan má einnig sjá glæsimark hennar fyrir landsliðið gegn pressuliðinu en sá leikur er fastur liður í dagskrá mótsins.

Víkingsstelpur tóku góðan dans eftir að sína sigurleiki.Stöð 2 Sport

Hæfileikakeppnin er sömuleiðis ómissandi liður en þar mátti sjá mörg, fjölbreytt og skemmtileg atriði, þar sem lið FH-inga fór með sigur af hólmi eftir frábært atriði.

Þetta og fleira má sjá í þættinum hér að ofan.

TM-mótsliðið
Kara Guðmundsdóttir KR
Björgey Njála Andreudóttir Hamar
Bríet Fjóla Bjarnadóttir KA
Sara Kristín Jónsdóttir Haukar
Nadía Steinunn Elíasdóttir ÍA
Sara Rún Auðunsdóttir Selfoss
Elísabet María Júlíusdóttir Breiðablik
Telma Dís Traustadóttir FH
Ásta Sylvía Jóhannsdóttir Víkingur R.
Sólveig Alba Pálmarsdóttir Stjarnan
Lísa Steinþórsdóttir Breiðablik
Katla Hjaltey Finnbogadóttir KA


Íþróttir barna Fótbolti Vestmannaeyjar Sumarmótin

Mest lesið


Fleiri fréttir

Sjá meira


×

Mest lesið