Stjórn Heathrow-flugvallar hefur beðið þau flugfélög sem fljúga frá flugstöðvum 2 og 3 að aflýsa 10% flugferða sinna þaðan. Búist er við að um 15 þúsund farþegar verði fyrir áhrifum á aflýsingum 90 fugferða.
Samkvæmt forsvarsaðila flugvallarins var ákveðið að biðja þau flugfélög sem fljúga frá flugstöðvum 2 og 3 að þétta áætlanir sínar svo hægt væri að minnka þau yfirstandandi áhrif sem bilun í farangursmeðhöndlunarkerfi hefur haft.
Farangursfjöll og langar biðraðir
Kerfið sem sér um farangursmeðhöndlun á flugstöð 2 á vellinum bilaði á föstudag sem varð til þess að farangur safnaðist upp í farangursfjöll. Það leiddi til mikilla raskanna á starfsemi flugvallarins og þurftu margir farþegar að bíða tímum saman.
Í eftirmiðdaginn í dag, sunnudag, tókst starfsmönnum loks að vinna úr hinu gríðarlega safni af farangri sem hafði safnast. Búist er við að einhver hluti farangursins verði sendur með vörubílum til eigenda sinna.
Meðal þeirra flugfélaga sem hafa aflýst flugferðum sínum á mánudaginn eru British Airways, Virgin Atlantic, Air Canada, Air France og SAS.
Nánar er fjallað um málið í frétt Independent.
— Tati Cruz (@Taticru79846829) June 19, 2022
Uma falha no sistema de bagagem no aeroporto de Heathrow, em Londres, na sexta-feira, causou um enorme acúmulo de bagagem, e muitos passageiros voaram sem suas malas... pic.twitter.com/nuIBdqJsQm
