Ánægðar með lífið í Bolungarvík þar sem auglýst var eftir flóttafólki til starfa Óttar Kolbeinsson Proppé skrifar 22. maí 2022 16:31 Eigendur veitingastaðar í Bolungarvík fengu fleiri hundruð umsóknir þegar þeir auglýstu eftir flóttafólki í vinnu. Þeir réðu þrjá úkraínska flóttamenn sem njóta sín vel í friðsælum smábænum. Yulia og kærasta hennar Katarina voru á vaktinni þegar fréttastofa leit við hjá þeim, en þær flúðu frá heimili sínu í Kænugarði um miðjan mars. „Við erum mjög ánægðar með að vera hérna í Bolungarvík því hér höfum við tækifæri til að gera það sem okkur finnst gaman að gera. Katja er kokkur,“ segir Yulia Þeir Oddur Andri Thomasson og Ragnar Sveinbjörnsson keyptu Víkurskála fyrir fjórum árum síðan og tóku til við að gjörbreyta þessari vegasjoppu í skemmtilegt bland af veitingastað og bensínstöð. Þá vantaði starfsfólk fyrir sumarið og þar sem eiginmaður Odds Andra er rússneskumælandi ákváðu þeir að skella inn auglýsingu á Facebook-hóp og auglýsa eftir flóttafólki frá Úkraínu. „Á fyrsta degi voru yfir eitt hundrað skilaboð. Rosalegur áhugi sko. Greinilega mikið af fólki sem hafði áhuga á að koma,“ segir Oddur Andri. Og nú hafa þeir ráðið til sín þrjá flóttamenn frá Úkraínu, sem eru jafnframt þeir einu í Bolungarvík. Þeir segja að það hafi ekki verið auðvelt að finna fólk til vinnu fyrr en þeir auglýsti eftir flóttamönnum og mæla með því að fleiri atvinnurekendur geri slíkt hið sama „Já ég meina og gera góðverk í leiðinni. Þetta fólk náttúrulega þarf vinnu. Það langar að koma og af hverju ekki? Bæði hjálpar okkur og við getum aðstoðað á móti,“ segir Oddur. Þeir Oddur og Ragnar reka Víkurskálann. Vingjarnlegt og opið samfélag Það er mikil breyting að flytja úr stórborgarlífinu í tæplega þúsund manna smábæ á Vestfjörðum á Íslandi. „Við völdum þennan stað af því að hann er mjög friðsæll. Þetta er engin stórborg en fólkið hérna er svo vingjarnlegt og opið fyrir því að hjálpa okkur. Þetta hjálpar okkur virkilega að líða betur,“ segir Yulia. Þær segjast auðvitað sakna fjölskyldna sinna en vera í fínu sambandi við þær. Fjölskylda Katarinu býr þó á hinu stríðshrjáða svæði Donetsk í austurhluta Úkraínu þar sem hefur varla verið nokkur friður síðustu átta árin. „Þetta er alveg hræðilegt en þau eru orðin vön því að heyra í sprengjunum og þau hafa mat. Þannig að þetta er ekki jafn slæmt og í Maríupol. En ég vona að þau haldi áfram að berjast,“ segir Yulia. Húsnæðismálin þröskuldur í flóttamannamálum En það er ekki hlaupið að því að fá húsnæði fyrir þá sem flytja til Bolungarvíkur og það var eins með flóttamennina þrjá í bænum. „Ég gat sem betur fer bjargað þeim með herbergi til að byrja með. Svo er bara verið að leita að húsnæði fyrir þau,“ segir Ragnar. Þær Yulia og Katarina eru þó búnar að finna sér íbúð í dag en enn er verið að leita að húsnæði fyrir þriðja flóttamanninn. En það er beinlínis ekkert húsnæði laust í bænum eins og er. Og þetta hindrar sveitarfélag eins og Bolungarvík í að taka á móti flóttafólki að sögn bæjarstjórans. „Við erum að vinna í fasteignaverkefni og við eigum von á því að það komi 20 nýjar íbúðir á markaðinn um mitt sumar. Og þá eigum við kannski möguleika en akkúrat núna er bara barátta um laust húsnæði,“ segir Jón Páll Hreinsson, bæjarstjóri Bolungarvíkur. Jón Páll Hreinsson, bæjarstjóri Bolungarvíkur, segir stöðu húsnæðismála í bænum ekki bjóða upp á móttöku fleiri flóttamanna sem stendur. Flóttamenn Bolungarvík Innrás Rússa í Úkraínu Mest lesið Telur sig hafa orðið vitni að aðdraganda drápsins Innlent Fangaverðir á sjúkrahús eftir hópárás fanga Innlent Óvænt ávarp forsætisráðherra: „Við munum verja lýðveldið Ísland“ Innlent „Þjóðin þarf að fá að vita hvernig þau hafa hagað sér á bak við tjöldin“ Innlent Trump hrósaði forsetanum fyrir færni í eigin móðurmáli Erlent Segir ummæli ráðherra um sig ógeðfelld Innlent Sauð upp úr þegar Bryndís sagði Hildi fylgja vinnureglum Innlent Kemur kjarnorkuvetur á eftir kjarnorkuákvæðinu? Innlent „Alvarleg yfirlýsing frá formanni flokks“ Innlent „Það er orrustan um Ísland“ Innlent Fleiri fréttir Hélt á lokuðu umslagi Tillögur „ekki afhentar í lokuðu umslagi“ Uppþot og fúkyrði á þinginu og bandarískur kjarnorkukafbátur Jökulhlaupið í rénun Reyna að stilla til friðar í bakherbergjum Alþingis Segir ummæli ráðherra um sig ógeðfelld Fundu tuttugu kíló af grasi eftir húsleit í Hafnarfirði Mennirnir þrír sjáist ekki í myndefni Vara við slysahættu vegna kaldavatnsleysis Vilja herða reglur um frágang rafhlaupahjóla í Reykjavík Segir valkyrjur rangnefni og vill kalla þær skjaldmeyjar Samtal við stjórnarandstöðuna fullreynt Kemur kjarnorkuvetur á eftir kjarnorkuákvæðinu? „Forsætisráðherra veit ekkert hvernig þetta hefur verið!“ „Enginn vafi á að fyrirkomulag Bílastæðasjóðs er löglegt“ Nóróveira líkleg orsök hópsýkingar á Laugarvatni „Það er orrustan um Ísland“ „Alvarleg yfirlýsing frá formanni flokks“ „Þjóðin þarf að fá að vita hvernig þau hafa hagað sér á bak við tjöldin“ Þykir leitt að hafa valdið uppnámi Ávarp forsætisráðherra og kjarnorkukafbátur við Grundartanga Minnihlutinn hafi lagt fram eigið veiðigjaldamál: „Þetta er skrumskæling á lýðræðinu“ Spyr hvort draga eigi valdhafa undir húsvegg og skjóta Fangaverðir á sjúkrahús eftir hópárás fanga Sauð upp úr þegar Bryndís sagði Hildi fylgja vinnureglum Óvænt ávarp forsætisráðherra: „Við munum verja lýðveldið Ísland“ Jökulhlaup úr Mýrdalsjökli í Leirá Syðri og Skálm enn í gangi Telur sig hafa orðið vitni að aðdraganda drápsins Borgarbúar frekar hlynntir kílómetragjaldi en landsbyggðin Aðilar „einfaldlega ekki tilbúnir að teygja sig nógu langt“ Sjá meira
Yulia og kærasta hennar Katarina voru á vaktinni þegar fréttastofa leit við hjá þeim, en þær flúðu frá heimili sínu í Kænugarði um miðjan mars. „Við erum mjög ánægðar með að vera hérna í Bolungarvík því hér höfum við tækifæri til að gera það sem okkur finnst gaman að gera. Katja er kokkur,“ segir Yulia Þeir Oddur Andri Thomasson og Ragnar Sveinbjörnsson keyptu Víkurskála fyrir fjórum árum síðan og tóku til við að gjörbreyta þessari vegasjoppu í skemmtilegt bland af veitingastað og bensínstöð. Þá vantaði starfsfólk fyrir sumarið og þar sem eiginmaður Odds Andra er rússneskumælandi ákváðu þeir að skella inn auglýsingu á Facebook-hóp og auglýsa eftir flóttafólki frá Úkraínu. „Á fyrsta degi voru yfir eitt hundrað skilaboð. Rosalegur áhugi sko. Greinilega mikið af fólki sem hafði áhuga á að koma,“ segir Oddur Andri. Og nú hafa þeir ráðið til sín þrjá flóttamenn frá Úkraínu, sem eru jafnframt þeir einu í Bolungarvík. Þeir segja að það hafi ekki verið auðvelt að finna fólk til vinnu fyrr en þeir auglýsti eftir flóttamönnum og mæla með því að fleiri atvinnurekendur geri slíkt hið sama „Já ég meina og gera góðverk í leiðinni. Þetta fólk náttúrulega þarf vinnu. Það langar að koma og af hverju ekki? Bæði hjálpar okkur og við getum aðstoðað á móti,“ segir Oddur. Þeir Oddur og Ragnar reka Víkurskálann. Vingjarnlegt og opið samfélag Það er mikil breyting að flytja úr stórborgarlífinu í tæplega þúsund manna smábæ á Vestfjörðum á Íslandi. „Við völdum þennan stað af því að hann er mjög friðsæll. Þetta er engin stórborg en fólkið hérna er svo vingjarnlegt og opið fyrir því að hjálpa okkur. Þetta hjálpar okkur virkilega að líða betur,“ segir Yulia. Þær segjast auðvitað sakna fjölskyldna sinna en vera í fínu sambandi við þær. Fjölskylda Katarinu býr þó á hinu stríðshrjáða svæði Donetsk í austurhluta Úkraínu þar sem hefur varla verið nokkur friður síðustu átta árin. „Þetta er alveg hræðilegt en þau eru orðin vön því að heyra í sprengjunum og þau hafa mat. Þannig að þetta er ekki jafn slæmt og í Maríupol. En ég vona að þau haldi áfram að berjast,“ segir Yulia. Húsnæðismálin þröskuldur í flóttamannamálum En það er ekki hlaupið að því að fá húsnæði fyrir þá sem flytja til Bolungarvíkur og það var eins með flóttamennina þrjá í bænum. „Ég gat sem betur fer bjargað þeim með herbergi til að byrja með. Svo er bara verið að leita að húsnæði fyrir þau,“ segir Ragnar. Þær Yulia og Katarina eru þó búnar að finna sér íbúð í dag en enn er verið að leita að húsnæði fyrir þriðja flóttamanninn. En það er beinlínis ekkert húsnæði laust í bænum eins og er. Og þetta hindrar sveitarfélag eins og Bolungarvík í að taka á móti flóttafólki að sögn bæjarstjórans. „Við erum að vinna í fasteignaverkefni og við eigum von á því að það komi 20 nýjar íbúðir á markaðinn um mitt sumar. Og þá eigum við kannski möguleika en akkúrat núna er bara barátta um laust húsnæði,“ segir Jón Páll Hreinsson, bæjarstjóri Bolungarvíkur. Jón Páll Hreinsson, bæjarstjóri Bolungarvíkur, segir stöðu húsnæðismála í bænum ekki bjóða upp á móttöku fleiri flóttamanna sem stendur.
Flóttamenn Bolungarvík Innrás Rússa í Úkraínu Mest lesið Telur sig hafa orðið vitni að aðdraganda drápsins Innlent Fangaverðir á sjúkrahús eftir hópárás fanga Innlent Óvænt ávarp forsætisráðherra: „Við munum verja lýðveldið Ísland“ Innlent „Þjóðin þarf að fá að vita hvernig þau hafa hagað sér á bak við tjöldin“ Innlent Trump hrósaði forsetanum fyrir færni í eigin móðurmáli Erlent Segir ummæli ráðherra um sig ógeðfelld Innlent Sauð upp úr þegar Bryndís sagði Hildi fylgja vinnureglum Innlent Kemur kjarnorkuvetur á eftir kjarnorkuákvæðinu? Innlent „Alvarleg yfirlýsing frá formanni flokks“ Innlent „Það er orrustan um Ísland“ Innlent Fleiri fréttir Hélt á lokuðu umslagi Tillögur „ekki afhentar í lokuðu umslagi“ Uppþot og fúkyrði á þinginu og bandarískur kjarnorkukafbátur Jökulhlaupið í rénun Reyna að stilla til friðar í bakherbergjum Alþingis Segir ummæli ráðherra um sig ógeðfelld Fundu tuttugu kíló af grasi eftir húsleit í Hafnarfirði Mennirnir þrír sjáist ekki í myndefni Vara við slysahættu vegna kaldavatnsleysis Vilja herða reglur um frágang rafhlaupahjóla í Reykjavík Segir valkyrjur rangnefni og vill kalla þær skjaldmeyjar Samtal við stjórnarandstöðuna fullreynt Kemur kjarnorkuvetur á eftir kjarnorkuákvæðinu? „Forsætisráðherra veit ekkert hvernig þetta hefur verið!“ „Enginn vafi á að fyrirkomulag Bílastæðasjóðs er löglegt“ Nóróveira líkleg orsök hópsýkingar á Laugarvatni „Það er orrustan um Ísland“ „Alvarleg yfirlýsing frá formanni flokks“ „Þjóðin þarf að fá að vita hvernig þau hafa hagað sér á bak við tjöldin“ Þykir leitt að hafa valdið uppnámi Ávarp forsætisráðherra og kjarnorkukafbátur við Grundartanga Minnihlutinn hafi lagt fram eigið veiðigjaldamál: „Þetta er skrumskæling á lýðræðinu“ Spyr hvort draga eigi valdhafa undir húsvegg og skjóta Fangaverðir á sjúkrahús eftir hópárás fanga Sauð upp úr þegar Bryndís sagði Hildi fylgja vinnureglum Óvænt ávarp forsætisráðherra: „Við munum verja lýðveldið Ísland“ Jökulhlaup úr Mýrdalsjökli í Leirá Syðri og Skálm enn í gangi Telur sig hafa orðið vitni að aðdraganda drápsins Borgarbúar frekar hlynntir kílómetragjaldi en landsbyggðin Aðilar „einfaldlega ekki tilbúnir að teygja sig nógu langt“ Sjá meira