„Voða sáttur með þig núna?“

Arnar Gunnlaugsson fagnaði báðum stóru titlunum sem þjálfari Víkings í fyrra eftir hnífjafna baráttu við Blikana hans Óskars Hrafns Þorvaldssonar um Íslandsmeistaratitilinn.

Hannes Þór Halldórsson, fyrrverandi landsliðsmarkvörður sem kvaddi deildina í vetur, hefur búið til auglýsingu til að hita upp fyrir átökin í sumar. Brot úr myndbandinu, þar sem þeir Arnar og Óskar verða á meðal þátttakenda, má sjá hér að neðan.

„Voða sáttur með þig núna?“ spyr Óskar Hrafn en eftir að hafa horft á eftir titlunum til Arnars á síðustu leiktíð gefst honum tækifæri á að handleika verðlaun á sunnudagskvöld þegar Víkingur og Breiðablik mætast í Meistarakeppni KSÍ.

Fyrsti leikur í Bestu deild karla, sem nú verður í fyrsta sinn 27 umferðir, er svo á milli Víkings og FH mánudagskvöldið 18. apríl. Sá leikur verður í beinni útsendingu á Stöð 2 Sport rétt eins og Meistarakeppnin.

Breiðablik tekur svo á móti Keflavík þriðjudagskvöldið 19. apríl í sínum fyrsta leik í Bestu deildinni.

Besta deildin er á Stöð 2 Sport en nýtt keppnistímabil hefst 18. apríl. Smelltu hér til að horfa á leiki og þætti. Besta deildin er hluti af Stöð 2 Sport Ísland sem kostar 3.990 kr. á mánuði og má kaupa hér.