Fótbolti

Alsír í góðum málum | Mar­traðar­leikur hjá Sissoko gegn Túnis

Runólfur Trausti Þórhallsson skrifar
Islam Slimani skoraði sigurmark Alsír í leiknum.
Islam Slimani skoraði sigurmark Alsír í leiknum. Twitter/@CAF_Online

Umspil um sæti á HM karla í knattspyrnu sem fram fer í Katar síðar á þessu ári er komið á fleygiferð. Þrír af fimm leikjum í umspili knattspyrnusambands Afríku er nú lokið. Alsír og Túnis unnu nauma sigra á meðan Kongó og Marokkó gerðu jafntefli.

Islam Slimani skoraði sigurmarkið í leik Kamerún og Alsír. Síðarnefnda þjóðin því með nauma 1-0 forystu fyrir síðari leik liðanna en sigurvegarinn úr hverri rimmu fyrir sig fer á HM í Katar.

Moussa Sissoko, varnarmaður St. Liege í Belgíu, átti sannkallaðan martraðarleik er Malí og Túnis mættust. Hann skoraði sjálfsmark á 36. mínútu leiksins – sem reyndist sigurmark leiksins – og lét svo reka sig af velli fjórum mínútum síðar. Túnis því með 1-0 forystu fyrir síðari leik liðanna.

Það var næg dramatík í leik Kongó og Marokkó en gestirnir brenndu af vítaspyrnu í stöðunni 1-0 en tókst þó á endanum að jafna metin. Heimamenn fengu svo rautt spjald undir lok leiks en gestunum tókst ekki að nýta sér liðsmuninn og því allt opið eftir leik kvöldsins.

Fótbolti HM 2022 í Katar

Mest lesið


Fleiri fréttir

Sjá meira


×

Mest lesið