Elías og félagar hans í Nimes tóku á móti Auxerre og máttu þola 2-1 tap, en öll mörk leiksins voru skoruð í fyrri hálfleik. Elías var í byrjunarliði Nimes en var tekinn af velli eftir klukkutíma leik.
Nimes situr í sjöunda sæti deildarinnar með 39 stig eftir 29 leiki, 15 stigum minna en Auxerre sem situr í þriðja sæti deildarinnar.
Þá var Árni Vilhjálmsson í byrjunarliði Rodez sem gerði 1-1 jafntefli gegn Guingamp. Jöfnunarmark Rodez skoraði Clement Depres af vítapunktinum þegar tæplega fimm mínútur voru komnar fram yfir venjulegan leiktíma.
