Dagskráin í dag: Subway-deildin, Lengjubikarinn, Serie A, golf og fleira

Stöð 2 Sport

Lengjubikarinn ríður á vaðið á Stöð 2 Sport en klukkan 11:55 er viðureign ÍA og Fjölnis á dagskrá.

Subeay-deild karla í kröfubolta tekur svo við klukkan 16:45 þegar Valur og Keflavík mætast á Hlíðarenda, áður en Subway Körfuboltakvöld fer yfir allt það helsta úr liðinni umferð klukkan 18:45.

Stöð 2 Sport 2

Við fáum bland í poka á Stöð 2 Sport 2, en þar hefjast leikar klukkan 12:25 þegar Fulham og Blackburn eigast við í ensku 1. deildinni í fótbolta.

Martin Hermannsson og félagar hans í Valencia mæta svo Barcelona í spænsku ACB-deildinni í körfubolta klukkan 19:35 áður en NBA-deildin lokar kvöldinu með viðureign Dallas Mavericks og Sacramento Kings klukkan 22:00.

Stöð 2 Sport 3

Ítalska úrvalsdeildin, Serie A, á sviðið á Stöð 2 Sport 3 í dag. Klukkan 13:50 mætast Udinese og Sampdoria og klukkan 16:50 er það viðureign Roma og Atalanta sem tekur við. Að lokum eru það svo Cagliari og Lazio sem eigast við klukkan 19:35.

Stöð 2 Sport 4

Breiðablik og Selfoss eigast við í Lengjubikar kvenna klukkan 12:55 og klukkan 19:30 færum við okkur í golfið þegar Puerto Rico Open á PGA-mótaröðinni er á dagskrá.

Stöð 2 Golf

Magical Kenya Open á DP World Tour á rástíma klukkan 09:30 og klukkan 17:30 er það Arnold Palmer Invitational á PGA-mótaröðinni sem á sviðið.

Líkt og seinustu daga fá nátthrafnarnir einnig eitthvað fyrir sinn snúð, en klukkan 02:30 eftir miðnætti hefst bein útsending frá HSBC Women's World Championship á LPGA-mótaröðinni.