Passenger kemur til landsins og heldur tónleika í Eldborgarsal Hörpu í sumar. Söngvarinn og lagahöfundurinn heitir Mike Rosenberg og hefur unnið til fjölda verðlauna og náð platínusölu víða um heim svo Íslendingar fagna eflaust komu hans.
Hann hefur gefið út tólf plötur á þrettán árum svo það vantar ekki efni fyrir tónleikana 12. júní.Ferðalag hans frá því að spila á götuhornum til íþróttaleikvanga hófst með laginu Let Her Go sem náði toppsætinu í nítján löndum árið 2013.
Lagið hefur hlotið yfir þrjá milljarða spilana á YouTube. Hægt er að fylgjast með viðburðinum í gegnum póstlista Senu.
Röðin inn á tónleika breska tónlistarmannsins Ed Sheeran teygir sig frá Laugardalsvelli og alla leið út að Glæsibæ, og jafnvel lengra, eða vel rúman kílómetra.
Breski tónlistarmaðurinn Ed Sheeran heldur tónleika á Laugardalsvelli 10. ágúst 2019 en þetta kemur fram í tilkynningu frá Senu Live.
