Elías Már skoraði í öruggum sigri Nimes

Elías byrjaði á varamannabekk Nimes, en fyrsta mark leiksins kom ekki fyrr en eftir klukkutíma leik. Þar var að verki Moussa Kone, en hann var svo tekinn af velli fyrir Elías Már þegar um tíu mínútur voru til leiksloka.

Yassine Benrahou tvöfaldaði forystu gestanna af vítapunktinum þegar um fimm mínútur voru eftir af venjulegum leiktíma. Það var svo Elías Már sem gulltryggði 3-0 sigur Nimes með marki í uppbótartíma. eftir stoðsendingur frá fyrrnefndum Yassine Benrahou.

Nimes situr nú í áttunda sæti frönsku B-deildarinnar með 32 stig eftir 22 leiki, fjórum stigum meira en Pau sem situr í tíunda sæti.