Mörg fölsk jákvæð próf innan herbúða Liverpool ollu frestun

Klopp segir að mörg prófin hafi gefið falska jákvæða niðurstöðu og því hafi þurft að fresta leiknum. Þeir sem fengu falska jákvæða niðurstöðu gátu þó heldur ekki tekið þátt í leik liðsins gegn Shrewsbury í FA bikarnum í gær.

Hann segir ennfremur að bakvörðurinn Trent Alexander-Arnold sé sá eini sem greindist með kórónuveiruna í raun og veru.

Klopp neyddist því til að stilla upp mjög ungu liðið gegn Shrewsbury í gær. Í byrjunarliðinu voru fjórir táningar, þar á meðal Kaide Gordon sem skoraði jöfnunarmark Liverpool. Rauði herinn vann að lokum 4-1.

„Þetta var liðið sem við gátum stillt upp í dag og strákarnir stóðu sig mjög vel,“ sagði Klopp eftir sigurinn í gær.

„Í síðustu viku lentum við í alvöru hópsmiti, en svo kom í ljós að við hefðum fengið margar falskar jákvæðar niðurstöður. En reglurnar eru bara svona þannig að þeir sem fengu falska jákvæða niðurstöðu gátu ekki spilað í dag.“

„Eina rétta jákvæða niðurstaðan var hjá Trent Alexander-Arnold en restin voru falska jákvæðar niðurstöður.“

Liverpool neyddist til að loka æfingasvæði sínu í síðustu viku eftir að aðstoðarþjálfari liðsins, Pep Lijnders var sendur í einangrun. Lijnderst stýrði liðinu gegn Chelsea í fjarveru Klopps síðustu helgi. Þá var talið að Þjóðverjinn væri smitaður, en hann gat snúið aftur á hliðarlínuna gegn Shrewsbury í gær.

Fyrri undanúrslitaleikur Liverpool og Arsenal fer fram á Anfield næsta fimmtudag, og sá síðari verður spilaður á Emirates vellinum viku síðar.