Færði smituðum farþega mat og jólaskraut í einangrun: „Það er ýmislegt sem gerist þegar fólk er á ferðalögum“ Vésteinn Örn Pétursson skrifar 30. desember 2021 20:18 Ragnhildur færði Marisu meðal annars popp, kókosbollur, kerti og jólatré. Samsett Ragnhildur Eiríksdóttir, flugfreyja hjá Icelandair, sem fjallað var um í dag að hefði hjálpað hinni bandarísku Marisu Fotieo, sem fékk jákvæða niðurstöðu úr hraðprófi um borð í vél Icelandair hingað til lands, segist aðeins hafa verið að gera það sem hún hefði viljað að yrði gert fyrir sig ef hún hefði verið í sömu stöðu. Ragnhildur ræddi við Reykjavík síðdegis á Bylgjunni í dag, en Vísir fjallaði fyrr í dag um að eftir að lent hefði verið á Íslandi þann 20. desember hefði Ragnhildur fært Marisu blóm og jólatré á farsóttarhúsið þar sem sú síðarnefnda dvelur nú. Þá vakti einnig athygli að Marisa varði drjúgum hluta flugsins inni á salerni vélarinnar, til þess að smita ekki aðra farþega. „Þetta er eftir flugið, ég veit að hún er bara ein á Íslandi og fjölskyldan hennar heldur áfram, og ég hugsa bara „Hvað ef ég eða einhver náinn mér myndi vera í þessum aðstæðum? Hvernig myndi ég vilja að aðrir myndu bregðast við?“ Þannig að ég bara gerði eins og flestir myndu gera, bara gerði mitt besta til að gera þetta eftirminnilegt fyrir hana,“ segir Ragnhildur. Marisa hefur sjálf sýnt frá því á samfélagsmiðlinum TikTok að Ragnhildur, eða Rocky eins og Marisa kallar hana, hafi fært henni ýmiskonar góðgæti og blóm. @marisaefotieo UPDATE: We LOVE Rocky from @icelandair.is she makes the world a happier place #christmas #sunnyday #vaccinated #covid #quarantine #fyp #viralvideo Sunny Day - Ramol Fari alltaf aðeins lengra Aðspurð um hvort það felist í starfi hennar að sjá um farþega eftir að úr vélinni segist Ragnheiður telja að flestir í hennar stöðu líti ekki þannig á starfið að því sé alveg lokið þegar úr vélinni er komið. „Ég held svo sem að núverandi og fyrrverandi flugfólk, við förum öll alltaf aðeins lengra. Það er ýmislegt sem gerist þegar fólk er á ferðalögum og það að vera á ferðalagi er streituvaldur. Ég held að við berum öll mikinn skilning til þess og við reynum að gera eins og við getum til að auðvelda fólki lífið, og ef við getum gert eitthvað, þó að við séum komin á jörðina, þá gerum við það held ég bara flestöll.“ Ragnhildur sendi Marisu tvær sendingar, sú fyrri innihélt meðal annars jólaljós og seríu, sem Ragnhildur segir að hafi verið ætlað að koma á smá jólastemningu í hótelherberginu sem Marisa dvelur nú ein á. „Seinni pokinn sem kom, það var á aðfangadag. Þá var fjölskyldan hennar búin að hafa samband við mig og bað mig að útvega jólamat fyrir hana. Við fórum á VOX og sóttum mat, forrétt, aðalrétt og eftirrétt. Ég held að hún hafi fengið nauta-carpaccio, hreindýrasteik og súkkulaðimús,“ en Marisa hafði sýnt frá því á TikTok að hún væri ekki sérlega hrifin af matnum á farsóttarhótelinu. Þá hafi öll áhöfn vélarinnar gefið Marisu litlar jólagjafir. Ragnhildur segist ekki hafa fengið veður af því hversu vinsæl saga Marisu hefur orðið á TikTok fyrr en í dag, en myndband af Marisu inni á salerni vélarinnar hefur fengið 1,5 milljón „like“ á samfélagsmiðlinum. @marisaefotieo Shout out to @Icelandair for my VIP quarantine quarters.. ##luxuryliving ##imsolucky ##covid ##vaccinated ##fyp ##viralvideotiktok ##quarantine I'm So Lucky Lucky - Grandzz Salernið ekki hugsað til einangrunar Ragnhildur segist ekki merkja mikinn mun á flugfreyjustarfinu í dag og fyrir tíma faraldursins. „Þegar ekkert var að frétta um borð nema að við vorum öryggisverðir, og vorum ekki með neina þjónustu, þá náttúrulega var þetta svolítið öðruvísi. Þá voru engin tengsl við farþegana og við vorum aldrei augliti til auglitis. En ég finn engan mun í rauninni, eins og þetta er í dag.“ Hún segir salerni flugvéla þá ekki vera hugsað sem einangrunarstað ef veikindi koma upp um borð. „Nei, ekki kannski beint. Þetta fer svolítið eftir. Við fórum í það áhöfnin að færa til farþega þannig að það væri hægt að koma henni í sæti, þannig að við gerðum þetta allt eftir bókinni,“ segir Ragnhildur og bætir við að Marisa hafi verið í sæti við lendingu. Alltaf „Rocky“ á útlensku Athygli vekur að Marisa kallar Ragnhildi ekki Ragnhildi í færslum sínum á samfélagsmiðlum, heldur Rocky. Hvað veldur því? „Ég var skiptinemi í Bandaríkjunum og þurfti auðvitað að segja nöfn allra hinna þarna úti, þannig að mér fannst bara allt í lagi að þau myndu segja nafnið mitt, sem er ekki beint auðvelt. Þangað til að tveir vinir mínir komu með nafnið Rocky, og þetta eru orðin 35 ár síðan. Þegar ég kynni mig á erlendu tungumáli þá kynni ég mig alltaf sem Rocky og finnst ég heita það jafn mikið og Ragnhildur.“ Hún segist eiga von á því að heimsækja Marisu vinkonu sína, næst þegar hún verði að störfum í flugi til Chicago. Icelandair Faraldur kórónuveiru (COVID-19) Fréttir af flugi Ferðamennska á Íslandi Samfélagsmiðlar TikTok Mest lesið Flugmenn tókust óafvitandi á um stjórnina í mikilli ókyrrð yfir Íslandi Innlent „Þeir sem búa í glerhúsi ættu að spara grjótkastið“ Innlent „Þetta er vondur klukkutími hér í þessum þingsal“ Innlent Býst við að bróðir sinn Leó feti í fótspor Frans Erlent Átta ára fangelsi í sögulegu fíkniefnamáli Innlent Skólaþorpið í Laugardal: Syðri innkeyrslunni lokað og 256 bílastæði fjarlægð Innlent „Hún er albesti vinur minn“ Innlent Telur að Ólafur Þór og Sigríður hljóti að víkja við rannsókn málsins Innlent Skipulögð brotastarfsemi er komin til að vera Innlent Hvað vitum við um Leó páfa? Erlent Fleiri fréttir Íslandsmet á Alþingi og saksóknarar gagnrýndir Telur að Ólafur Þór og Sigríður hljóti að víkja við rannsókn málsins „Þetta er vondur klukkutími hér í þessum þingsal“ Flugmenn tókust óafvitandi á um stjórnina í mikilli ókyrrð yfir Íslandi Skipulögð brotastarfsemi er komin til að vera Skilríkjalaus og með fíkniefni „Hún er albesti vinur minn“ Loftslagsmál sitji á hakanum vegna stríða og heimsfaraldurs „Þeir sem búa í glerhúsi ættu að spara grjótkastið“ „Svik við lögreglumannastéttina“ og slái hann „mjög illa“ Átta ára fangelsi í sögulegu fíkniefnamáli Einn rólegur, annar afar ósáttur Skólaþorpið í Laugardal: Syðri innkeyrslunni lokað og 256 bílastæði fjarlægð „Gott að eldast“ í tuttugu og tveimur sveitarfélögum Uppsagnir á Þjóðminjasafninu Lítil Björg dró stóra Hildi í land Nýr páfi, svik við almenning og loðnasti starfsmaður Rimaskóla Lá alblóðugur á gangstétt eftir að hafa komist undan árás æskuvinarins Þungt hugsi og í áfalli Telja Jón Þór hafa tryllst af afbrýðissemi Viðsnúningur eftir krappan dans Vantraust á framkvæmdastjóra Félagsbústaða talið alvarlegt Rúmir níu milljarðar runnið úr ríkissjóði til flokkanna Ólafur Þór undrandi og dómsmálaráðherra talar um svik við þjóðina Heilsa, vellíðan, friður, réttlæti og jöfnuður mikilvægustu markmiðin Svik við almenning, kerfið og samstarfsfólk Ein breyting á stjórn sem leggja á niður „Rotnir starfshættir og ríkisrekið ofbeldi gegn borgurunum“ Miklum meirihluta finnst auglýsingar SFS slæmar Hafdís hafi bara umlað „hann reyndi að drepa mig“ Sjá meira
Ragnhildur ræddi við Reykjavík síðdegis á Bylgjunni í dag, en Vísir fjallaði fyrr í dag um að eftir að lent hefði verið á Íslandi þann 20. desember hefði Ragnhildur fært Marisu blóm og jólatré á farsóttarhúsið þar sem sú síðarnefnda dvelur nú. Þá vakti einnig athygli að Marisa varði drjúgum hluta flugsins inni á salerni vélarinnar, til þess að smita ekki aðra farþega. „Þetta er eftir flugið, ég veit að hún er bara ein á Íslandi og fjölskyldan hennar heldur áfram, og ég hugsa bara „Hvað ef ég eða einhver náinn mér myndi vera í þessum aðstæðum? Hvernig myndi ég vilja að aðrir myndu bregðast við?“ Þannig að ég bara gerði eins og flestir myndu gera, bara gerði mitt besta til að gera þetta eftirminnilegt fyrir hana,“ segir Ragnhildur. Marisa hefur sjálf sýnt frá því á samfélagsmiðlinum TikTok að Ragnhildur, eða Rocky eins og Marisa kallar hana, hafi fært henni ýmiskonar góðgæti og blóm. @marisaefotieo UPDATE: We LOVE Rocky from @icelandair.is she makes the world a happier place #christmas #sunnyday #vaccinated #covid #quarantine #fyp #viralvideo Sunny Day - Ramol Fari alltaf aðeins lengra Aðspurð um hvort það felist í starfi hennar að sjá um farþega eftir að úr vélinni segist Ragnheiður telja að flestir í hennar stöðu líti ekki þannig á starfið að því sé alveg lokið þegar úr vélinni er komið. „Ég held svo sem að núverandi og fyrrverandi flugfólk, við förum öll alltaf aðeins lengra. Það er ýmislegt sem gerist þegar fólk er á ferðalögum og það að vera á ferðalagi er streituvaldur. Ég held að við berum öll mikinn skilning til þess og við reynum að gera eins og við getum til að auðvelda fólki lífið, og ef við getum gert eitthvað, þó að við séum komin á jörðina, þá gerum við það held ég bara flestöll.“ Ragnhildur sendi Marisu tvær sendingar, sú fyrri innihélt meðal annars jólaljós og seríu, sem Ragnhildur segir að hafi verið ætlað að koma á smá jólastemningu í hótelherberginu sem Marisa dvelur nú ein á. „Seinni pokinn sem kom, það var á aðfangadag. Þá var fjölskyldan hennar búin að hafa samband við mig og bað mig að útvega jólamat fyrir hana. Við fórum á VOX og sóttum mat, forrétt, aðalrétt og eftirrétt. Ég held að hún hafi fengið nauta-carpaccio, hreindýrasteik og súkkulaðimús,“ en Marisa hafði sýnt frá því á TikTok að hún væri ekki sérlega hrifin af matnum á farsóttarhótelinu. Þá hafi öll áhöfn vélarinnar gefið Marisu litlar jólagjafir. Ragnhildur segist ekki hafa fengið veður af því hversu vinsæl saga Marisu hefur orðið á TikTok fyrr en í dag, en myndband af Marisu inni á salerni vélarinnar hefur fengið 1,5 milljón „like“ á samfélagsmiðlinum. @marisaefotieo Shout out to @Icelandair for my VIP quarantine quarters.. ##luxuryliving ##imsolucky ##covid ##vaccinated ##fyp ##viralvideotiktok ##quarantine I'm So Lucky Lucky - Grandzz Salernið ekki hugsað til einangrunar Ragnhildur segist ekki merkja mikinn mun á flugfreyjustarfinu í dag og fyrir tíma faraldursins. „Þegar ekkert var að frétta um borð nema að við vorum öryggisverðir, og vorum ekki með neina þjónustu, þá náttúrulega var þetta svolítið öðruvísi. Þá voru engin tengsl við farþegana og við vorum aldrei augliti til auglitis. En ég finn engan mun í rauninni, eins og þetta er í dag.“ Hún segir salerni flugvéla þá ekki vera hugsað sem einangrunarstað ef veikindi koma upp um borð. „Nei, ekki kannski beint. Þetta fer svolítið eftir. Við fórum í það áhöfnin að færa til farþega þannig að það væri hægt að koma henni í sæti, þannig að við gerðum þetta allt eftir bókinni,“ segir Ragnhildur og bætir við að Marisa hafi verið í sæti við lendingu. Alltaf „Rocky“ á útlensku Athygli vekur að Marisa kallar Ragnhildi ekki Ragnhildi í færslum sínum á samfélagsmiðlum, heldur Rocky. Hvað veldur því? „Ég var skiptinemi í Bandaríkjunum og þurfti auðvitað að segja nöfn allra hinna þarna úti, þannig að mér fannst bara allt í lagi að þau myndu segja nafnið mitt, sem er ekki beint auðvelt. Þangað til að tveir vinir mínir komu með nafnið Rocky, og þetta eru orðin 35 ár síðan. Þegar ég kynni mig á erlendu tungumáli þá kynni ég mig alltaf sem Rocky og finnst ég heita það jafn mikið og Ragnhildur.“ Hún segist eiga von á því að heimsækja Marisu vinkonu sína, næst þegar hún verði að störfum í flugi til Chicago.
Icelandair Faraldur kórónuveiru (COVID-19) Fréttir af flugi Ferðamennska á Íslandi Samfélagsmiðlar TikTok Mest lesið Flugmenn tókust óafvitandi á um stjórnina í mikilli ókyrrð yfir Íslandi Innlent „Þeir sem búa í glerhúsi ættu að spara grjótkastið“ Innlent „Þetta er vondur klukkutími hér í þessum þingsal“ Innlent Býst við að bróðir sinn Leó feti í fótspor Frans Erlent Átta ára fangelsi í sögulegu fíkniefnamáli Innlent Skólaþorpið í Laugardal: Syðri innkeyrslunni lokað og 256 bílastæði fjarlægð Innlent „Hún er albesti vinur minn“ Innlent Telur að Ólafur Þór og Sigríður hljóti að víkja við rannsókn málsins Innlent Skipulögð brotastarfsemi er komin til að vera Innlent Hvað vitum við um Leó páfa? Erlent Fleiri fréttir Íslandsmet á Alþingi og saksóknarar gagnrýndir Telur að Ólafur Þór og Sigríður hljóti að víkja við rannsókn málsins „Þetta er vondur klukkutími hér í þessum þingsal“ Flugmenn tókust óafvitandi á um stjórnina í mikilli ókyrrð yfir Íslandi Skipulögð brotastarfsemi er komin til að vera Skilríkjalaus og með fíkniefni „Hún er albesti vinur minn“ Loftslagsmál sitji á hakanum vegna stríða og heimsfaraldurs „Þeir sem búa í glerhúsi ættu að spara grjótkastið“ „Svik við lögreglumannastéttina“ og slái hann „mjög illa“ Átta ára fangelsi í sögulegu fíkniefnamáli Einn rólegur, annar afar ósáttur Skólaþorpið í Laugardal: Syðri innkeyrslunni lokað og 256 bílastæði fjarlægð „Gott að eldast“ í tuttugu og tveimur sveitarfélögum Uppsagnir á Þjóðminjasafninu Lítil Björg dró stóra Hildi í land Nýr páfi, svik við almenning og loðnasti starfsmaður Rimaskóla Lá alblóðugur á gangstétt eftir að hafa komist undan árás æskuvinarins Þungt hugsi og í áfalli Telja Jón Þór hafa tryllst af afbrýðissemi Viðsnúningur eftir krappan dans Vantraust á framkvæmdastjóra Félagsbústaða talið alvarlegt Rúmir níu milljarðar runnið úr ríkissjóði til flokkanna Ólafur Þór undrandi og dómsmálaráðherra talar um svik við þjóðina Heilsa, vellíðan, friður, réttlæti og jöfnuður mikilvægustu markmiðin Svik við almenning, kerfið og samstarfsfólk Ein breyting á stjórn sem leggja á niður „Rotnir starfshættir og ríkisrekið ofbeldi gegn borgurunum“ Miklum meirihluta finnst auglýsingar SFS slæmar Hafdís hafi bara umlað „hann reyndi að drepa mig“ Sjá meira