Tap hjá Íslendingaliðunum

Elverum tapaði með minnsta mun gegn Meshkov Brest á heimavelli í kvöld. Leikurinn var stál í stál frá fyrstu mínútu en það fór svo að gestirnir höfðu betur, lokatölur 32-33. Er þetta fyrsti sigurleikur Brest til þessa í Meistaradeildinni.

Orri Freyr komst ekki á blað í leiknum.

Teitur Örn skoraði eitt mark fyrir Flensburg er liðið steinlá gegn HC Motor á útivelli, lokatölur 31-22.

Elverum er sem fyrr í 5. sæti A-riðils á meðan Flensburg féll niður í 6. sæti B-riðils eftir tap kvöldsins.