Handbolti

Velgengnin skilar Aðalsteini framhaldi í Sviss

Sindri Sverrisson skrifar
Aðalsteinn Eyjólfsson þjálfaði áður Erlangen, sem var fimmta liðið sem hann stýrði í Þýskalandi, en tók við Kadetten Schaffhausen fyrir síðasta tímabil.
Aðalsteinn Eyjólfsson þjálfaði áður Erlangen, sem var fimmta liðið sem hann stýrði í Þýskalandi, en tók við Kadetten Schaffhausen fyrir síðasta tímabil. Getty/Andreas Gora

Handboltaþjálfarinn Aðalsteinn Eyjólfsson hefur fengið nýjan samning hjá svissneska félaginu Kadetten Schaffhausen og verður því áfram með liðið á næstu leiktíð.

Samningur Aðalsteins, sem er 44 ára gamall, gilti áður fram á næsta sumar. Hann tók við liðinu árið 2020 eftir að hafa verið hjá Erlangen í Þýskalandi, og undir stjórn Aðalsteins varð Kadetten svissneskur bikarmeistari og komst í 16-liða úrslit Evrópudeildarinnar.

Á yfirstandandi leiktíð hefur Kadetten aðeins misst af einu stigi í svissnesku deildinni og er liðið þar í efsta sæti auk þess að vera í baráttu um að komast í 16-liða úrslit Evrópudeildarinnar annað árið í röð.

„Við erum með ungan og hungraðan leikmannahóp sem er langt frá því að vera fullþroskaður. Við erum með mjög háleit markmið sem ég vil svo sannarlega ná með liðinu. Það er mjög gaman að vinna með þessu liði og þess vegna hlakka ég til að halda áfram þessu trausta og farsæla samstarfi,“ sagði Aðalsteinn við heimasíðu Kadetten.

Handbolti

Mest lesið


Fleiri fréttir

Sjá meira


×

Mest lesið