Innlent

Stöðva stopula leit að olíu í lögsögu Íslands

Kristján Már Unnarsson skrifar
Rannsóknarskipið Harrier Explorer var það síðasta sem leitaði vísbendinga um olíu í lögsögu Íslands sumarið 2016. Hér er skipið á ytri höfninni í Reykjavík áður en lagt var í leiðangur á Drekasvæðið undir forystu kanadíska félagsins Ithaca.
Rannsóknarskipið Harrier Explorer var það síðasta sem leitaði vísbendinga um olíu í lögsögu Íslands sumarið 2016. Hér er skipið á ytri höfninni í Reykjavík áður en lagt var í leiðangur á Drekasvæðið undir forystu kanadíska félagsins Ithaca. Arnar Halldórsson

Hálfrar aldar sögu olíuleitar við Ísland virðist lokið; leitar sem reyndist bæði stopul og árangurslítil. Í nýjum stjórnarsáttmála er því lýst yfir að fleiri leyfi til olíuleitar verði ekki gefin út.

Borað eftir olíu í Flatey á Skjálfanda árið 1982.Orkustofnun

Í fréttum Stöðvar 2 var stiklað á stóru í olíuleitarsögu Íslands. Upphafið má rekja til ársins 1971 þegar olíufélagið Shell fékk leyfi til rannsókna á hafsbotninum við landið.

Fyrsta borunin var hins vegar við vitann í Flatey á Skjálfanda árið 1982. Það var iðnaðarráðherrann Hjörleifur Guttormsson í ríkisstjórn Gunnars Thoroddsen sem fól Orkustofnun þessa fyrstu olíuborun í sögu landsins. Tveimur árum áður hafði Hjörleifur skipað ráðgjafanefnd til að undirbúa olíuleit við Ísland.

Fátt gerðist síðan í olíuleitarmálum fyrr en iðnaðarráðherrann Össur Skarphéðinsson fór um norðausturland árið 2009, kynnti útboð á Drekasvæðinu og boðaði þjónustumiðstöð í Gunnólfsvík við Finnafjörð. 

Fyrstu olíuvinnsluleyfunum var úthlutað í ráðherratíð Steingríms J. Sigfússonar. Athöfnin fór fram í Ráðherrabústaðnum við Tjörnina í janúar árið 2013. Meðal viðstaddra var olíumálaráðherra Noregs.Stöð 2/Baldur Hrafnkell Jónsson.

Það var svo í ráðherratíð Steingríms J. Sigfússonar sem fyrstu olíuvinnsluleyfunum var úthlutað og í framhaldinu sendu tveir sérleyfishafar rannsóknarskip á Drekasvæðið.

Hafinn var undirbúningur þess að senda borskip á svæðið þegar erlendir sérleyfishafar tilkynntu í ársbyrjun 2018 að þeir væru hættir við. Í framhaldinu afturkallaði Orkustofnun síðasta íslenska sérleyfið. 

Rannsóknarskipið Oceanic Challenger á Reyðarfirði árið 2015 við upphaf leiðangurs sem kínverska ríkisolíufélagið CNOOC leiddi á Drekavæðinu.vísir/egill aðalsteinsson

Síðan hefur enginn haft slíkt leyfi og núna hefur ríkisstjórnin kynnt í nýjum stjórnarsáttmála að hún muni ekki gefa út leyfi til olíuleitar í efnahagslögsögu Íslands.

Áform um uppbyggingu í Finnafirði gætu þó fengið byr en á öðrum forsendum, því þar er verið að undirbúa græna eldsneytisframleiðslu með vindorku vegna orkuskipta fyrir skipaflotann. Stjórnarsáttmálinn boðar nefnilega stuðning við græna atvinnuuppbyggingu.

Hér má sjá frétt Stöðvar 2:

Hér má sjá frétt frá 2009 þegar Össur Skarphéðinsson kynnti olíuleitina fyrir íbúum norðausturlands:

Bensín og olía Umhverfismál Loftslagsmál Ríkisstjórn Katrínar Jakobsdóttur Langanesbyggð Orkumál Vopnafjörður Orkuskipti Olíuleit á Drekasvæði

Tengdar fréttir

Áform um stóra vindmyllugarða milli Langaness og Vopnafjarðar

Sveitarstjórn Langanesbyggðar skoðar nú hugmyndir um að reisa hátt í þrjúhundruð vindmyllur á sex svæðum milli Langaness og Vopnafjarðar. Rætt er um að allt að eitt þúsund megavött raforku verði virkjuð í vindmyllugörðunum.

Mest lesið


Fleiri fréttir

Sjá meira


×

Mest lesið